විසි පස් වසරකට ආසන්න කාලයක් පැවැති ගුරු විදුහල්පති වැටුප් විෂමතාව ඉවත් කිරීම දැනුම් දීම සඳහා අද (10) දින පාර්ලිමේන්තුවේ කමිටු ශාලා 01 හි ගුරු විදුහල්පති වෘත්තීය සමිති සමග හමුවක් පැවැත්විණි. දිගු කලක් පැවැති වැටුප් විෂමතාව ඉවත් කිරීම සඳහා මැදිහත් වීම පිළිබඳ වෘත්තීය සමිති නියෝජිතයෝ මා වෙත සිය ස්තුතිය ප්‍රකාශ කළහ.
දරුවන්ගේ සහ රටේ අනාගතය වෙනුවෙන් ගුරු විදුහල්පති වැටුප් විෂමතාව ඉවත් කිරීම සඳහා ලබන අයවැයෙන් අමතර රුපියල් මිලියන 30, 000ක් වැය කරන බවත් ඒ අනුව ඉතිහාසයේ පළමු වතාවට මෙරට අධ්‍යාපනය සඳහා වැය කරන මුදල සමස්ත අයවැයෙන් සියයට 7.51ක් වනු ඇතැයි මෙම හමුවේ දී මුදල් අමාත්‍ය බැසිල් රාජපක්ෂ මහතා ගුරු-විදුහල්පති වෘත්තිය සමිති නියෝජිතයින්ට දැනුම් දුන්නේය.
වෘත්තිය සමිති ඉල්ලීම ඉටු කිරීමට කටයුතු කිරීම පිළිබඳ මම මුදල් අමාත්‍ය බැසිල් රාජපක්ෂ මහතාට ස්තුති කළෙමි.
