රූපවාහිනි විකාශන ඩිජිටල්කරණ ව්‍යාපෘතිය 2025 වනවිට නිම කිරිම ඉලක්කය බව ජනමාධ්‍ය ඇමති ඩලස් අලහප්පෙරුම මහතා කියයි. එම ව්‍යාපෘතියේ සමාරම්භක උත්සවයට ඊයේ එක්වෙමින් ඔහු ඒ බව සදහන් කළේය. මෙම ව්‍යාපෘතිය මීට දශකයකට පමණ පෙර ආරම්භ කිරිමට සැලසුම් කර තිබුණ ද විවිධ හේතු නිසා එය පමාවිය. තාක්ෂණ ක්ෂේත්‍රයෙන් ලෝකයේ ඉදිරියෙන් සිටින ජපානයෙන් මෙම ව්‍යාපෘතිය සදහා සහාය ලබාගැනිමට හැකිවීම සැබවින්ම සතුටට කරුණක් බව ඇමතිවරයා එහිදි සදහන් කළේය. ලබන වසරේදි ශ්‍රි ලංකා රූපවාහිනි සංස්ථාවට වසර 40 ක් සපිරිම හා ශ්‍රි ලංකා ජපන් මිත්‍රත්ව සහයෝගිතාවට වසර 70 ක් සපිරිම ද ඇමතිවරයා එහිදි සිහිපත් කළේය.
ජපන් අන්තර්ජාතික සහයෝගිතා ආයතනයේ මූල්‍ය හා තාක්ෂණික ආධාර ඇතිව ජනමාධ්‍ය අමාත්‍යංශය රූපවාහිනි විකාශන ඩිජිටල්කරණ ව්‍යාපෘතිය ක්‍රියාත්මක කරයි. ඩිජිටල් රූපවාහිනි විකාශනයට සංක්‍රමණය වීමෙන් නරඹන්නන්. විකාශකයන් සහ රජය යන පාර්ශ්ව තුනටම ප්‍රතිලාභ අත්වෙයි. රූපවාහිනි සංඥා දුර්වලතා ඉවත් කිරිම හේතුවෙන් සුපැහැදිලි දසුන් සහිත වැඩසටහන් නැරඹිමේ අවස්ථාව ජනතාවට උදාවෙයි. බහු රූපවාහිනි ඇන්ටනා ඉවත් කර එක් ඇන්ටනාවකින් සියලු රූපවාහිනි නාලිකා ග්‍රහණය කර ගැනිමට හැකිවිම ඩිජිටල්කරණයේ තවත් වාසියකි.
රූපවාහිනි විකාශන ඩිජිටල්කරණ ව්‍යාපෘතිය 2025 දී නිම කිරිමේ ඉලක්කයක්
