දුම්රිය ස්ථානාධිපතිවරුන්ගේ වැඩ වර්ජනය තාවකාලිකව අත්හිටුවයි.ප්‍රවාහන රාජ්‍ය අමාත්‍ය දිලුම් අමුණුගම මහතා සමග පැවති සාකච්ඡාවකින් අනතුරුව ඊයේ මධ්‍යම රාත්‍රියේ සිට එම වර්ජනය අත්හිටුවා තිබෙි.එම සාකච්ඡාවේදි සිය ඉල්ලීම් 25න් 10කට සාධනීය විසදුම් ලැබුණු බව දුම්රිය ස්ථානාධිපතිවරුන්ගේ සංගමයේ සභාපති. සුමෙිධ සෝමරත්න මහතා පැවසීය.අද සිට දුම්රිය ප්‍රවේශ පත්‍ර නිකුත් කිරීම මෙන්ම සුපුරුදු රාජකාරියේ නිරත වන බවද ඔහු සදහන් කළේය.
දුම්රිය ස්ථානාධිපතිවරුන් ඉදිරිපත් කළ ඉල්ලිීම් රැසකට විසදුම් ලබාදිීමට හැකිවු බව රාජ්‍ය අමාත්‍ය දිලුම් අමුණුගම මහතා කියයි. අමාත්‍යංශයේ ලේකම්වරයාගේ සහ දුම්රිය සාමාන්‍යාධිකාරිවරයාගේ එකඟතාව මත ගැටලු කිහිපයකට විසදුම් දුන් බව ඔහු පැවසීය.
දින පහක් පුරා පැවති වැඩවර්ජනය හේතුවෙන් දුම්රිය දෙපාර්තමේන්තුවට රුපියල් 2 කෝටි පනස් ලක්ෂයක පමණ පාඩුවක් සිදුව තිබේ.එම කාලයේදි පාර්සල් භාරගැනිම්, ප්‍රවේශ පත්‍ර නිකුත් කිරිම් , තෙල් සහ ප්‍රිමා පිටි ප්‍රවාහනය මෙන්ම හොල්සිම් ආයතනය සදහා හුණුගල් ප්‍රවාහනයද අත්හිටුවා තිබිණි
