ස්වාධීන රූපවාහිනී මාධ්‍ය ජාලයේ නව සභාපති ලෙස හිටපු පාර්ලිමේන්තු මන්ත්‍රීවරයෙකු මෙන්ම මාධ්‍යවේදියෙකු ද වූ නිරෝෂන් ප්‍රේමරත්න මහතා පත් කර තිබේ.
ස්වාධීන රූපවාහිනියේ මාධ්‍යවේදියෙකු ලෙස සිය මාධ්‍ය දිවිය ඇරඹූ නිරෝෂන් ප්‍රේමරත්න මහතා, ප්‍රවෘත්ති නිෂ්පාදකවරයෙකු මෙන්ම නිවේදකයෙකු ලෙස සිය ප්‍රතිභාව විදහා දැක්වීය.
හොදම ප්‍රවෘත්ති නිවේදනය වෙනුවෙන් ඔහු සම්මානයටද පාත්‍ර විය. පසුව මාතර දිස්ත්‍රික්කයෙන් දේශපාලනයට පිවිසි ඒ මහතා එම දිස්ත්‍රික්කයෙන්ම පාර්ලිමේන්තුවටද පත් විය.
රුහුණ විශ්වවිද්‍යාලයේ කළමනාකරණ උපාධිධාරියෙකු වන නිරෝෂන් ප්‍රේමරත්න මහතා, මාධ්‍යවේදියෙකු මෙන්ම දේශපාලනඥයෙකු යන ක්ෂේත්‍ර දෙකෙහිම ඉහළම ජනතා ප්‍රසාදයට පාත්‍ර වූ අයෙකුවීම විශේෂත්වයකි. ස්වාධීන රූපවාහිනි සේවයේ මාධ්‍යවේදියෙකු ලෙස සේවය කළ අයෙකු එහි සභාපති තනතුරට පත් වූ ප්‍රථම අවස්ථාවද මෙය වීම විශේෂත්වකි.
