කොළඹ නගරයේ දරිද්‍රතාවයෙන් පෙළෙන පාසල් දරුවන් හඳුනාගෙන අවට ඇති පාසල් සඳහා එම දරුවන් ඇතළත් කිරීම, ඔවුන්ට අවශ්‍ය පාසල් උපකරණ ලබා දීම සහ දරුවන් අඛණ්ඩව අධ්‍යාපන කටයුතුවල නිරත වීම අධීක්ෂණය කිරීමේ කටයුතු ආරම්භ කර ඇත.

අනාගතයේ අපරාධ වලට යොමුවීමේ ඉඩකඩ අවම කිරීම හා දිළිඳු දරුවන්ගේ ගුණාත්මකබව ඉහළ නැංවීම මෙම වැඩසටහනේ මූලික අරමුණ වේ.

ශ්‍රී ලංකා පොලීසියේ ප්‍රජා පොලිස් සේවාව මගින් මෙම වැඩසටහන ක්‍රියාත්මක කෙරේ.

මෙම අවස්ථාවට මහජන ආරක්ෂක අමාත්‍යංශයේ ලේකම් මේජර් ජනරාල් ජගත් අල්විස්, පොලිස්පති සී.ඩී වික්‍රමරත්න, කොළඹ දිසාපති ප්‍රදීප් යසරත්න සහ බස්නාහිර පළාත් භාර ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් යන මහත්වරුන් සහභාගී විය.