රූපවාහිනී විකාශන ඩිජිටල්කරණ ව්‍යාපෘතියේ ඉදිරි කටයුතු පිළිබඳ රැස්වීමේදී ජනමාධ්‍ය අමාත්‍යවරයා පවසයි...
ජනමාධ්‍ය අමාත්‍යාංශය මඟින් ක්‍රියාත්මක කරන රූපවාහිනී විකාශන ඩිජිටල්කරණ ව්‍යාපෘතිය සම්බන්ධයෙන් වූ තවත් සාකච්ඡාවක් ජනමාධ්‍ය අමාත්‍ය ඩලස් අලහප්පෙරුම මහතාගේ ප්‍රධානත්වයෙන් පෙබරවාරි පළමුවෙනිදා අමාත්‍යංශ ශ්‍රවණාගාරයේ දී පැවැත්විණි .
විද්‍යුත් විකාශකයින්ගේ සංගමයේ නියෝජිතයින් සමඟ පැවති මෙම සාකච්ඡාවේ දී රූපවාහිනී ඩිජිටල්කරණ ව්‍යාපෘතියට සමගාමීව ක්‍රියාත්මක කිරීමට අපේක්ෂිත මෙහෙයුම් කටයුතු පිළිබඳව සාකච්ඡා කෙරුණු අතර මේ සම්බන්ධයෙන් ඇතිවිය හැකි තාක්ෂණික අභියෝග මොනවද යන්න පිළිබඳව ද දීර්ඝ වශයෙන් සාකච්ඡාව කෙරිණි .
මෙම අවස්ථාවට ජනමාධ්‍ය අමාත්‍යංශ ලේකම් අනුෂ පැල්පිට , රජයේ ප්‍රවෘත්ති අධ්‍යක්ෂ ජනරාල් මොහාන් සමරනායක යන මහත්වරු මෙන්ම විද්‍යුත් විකාශකයින්ගේ සංගමයේ නියෝජිතයින් ද එක්ව සිටියහ .
