පාර්ලිමේන්තුව අද යළි රැස්වෙයි. අද සිට ලබන සිකුරාදා දක්වා පාර්ලිමේන්තු රැස්වීම් පැවැත්වෙයි. 2015 අංක 5 දරණ ජාතික ඖෂධ නියාමන අධිකාරි පනත යටතේ නියෝග දෙකක් අද පාර්ලිමේන්තුවට ඉදිරිපත් කිරිමට නියමිතයි.
ලලිත් ඇතුලත්මුදලි මහපොළ උසස් අධ්‍යාපන අරමුදල් පනත් කෙටුම්පත දෙවන වර කියවිම ද අද සිදුවෙයි. එහිදි මහපොළ උසස් අධ්‍යාපන ශිෂ්‍යත්ව අරමුදල සම්බන්ධයෙන් සංශෝධන දෙකක් ඉදිරිපත් කිරිමට නියමිතයි. එම අරමුදලේ සභාපතිවරයා ලෙස මෙතෙක් කටයුතු කළ අග විනිසුරුවරයා වෙනුවට විශ්‍රාමික ශ්‍රේෂ්ඨාධිකරණ විනිසුරුවරයෙකු හෝ විශ්‍රාමික විගණකාධිපතිවරයෙකු පත් කිරිම එම සංශෝධනවලින් සිදු වෙයි. එමෙන්ම එම අරමුදලේ සාමාජිකයෙකු ලෙස මෙතෙක් කටයුතු කළ විෂයභාර ඇමතිවරයා වෙනුවට ඔහු පත්කරන නියෝජිතයෙකු එම සාමාජික ධුරය දැරීම සදහා පත් කිරිමද ඉදිරිපත් කෙරෙන තවත් සංශෝධනයකින් සිදුවෙයි.
