වගකිමෙන් කටයුතු කරන්නැයි සෞඛ්‍ය අංශ ජනතාවගෙන් ඉල්ලීමක් කරයි. දෛනිකව වාර්තාවන කොරෝනා ආසාදිතයන් සංඛ්‍යාව දිනෙන් දින ඉහලයමින් පවති. මේ වනවිට එය දහසේ සීමාව ඉක්මවා ගොස් තිබේ. කොරෝනා මර්දනය සදහා වන පුර්ණ එන්නත්කරණයට ලක්වීම වෛරසයේ ව්‍යාප්තිය වැළැක්වීමට ඇති හොඳම මඟයි. එන්නත්කරණයට ලක්වුවද සෞඛ්‍ය මාර්ගෝපදේශ නිසිලෙස අනුගමනය අත්‍යවශ්‍ය වෙයි. අනවශ්‍ය ගමන් බිමන්වලින් වැළකි හැකිතාක් නිවෙස්වලම රැදි සිටිම, ජනතාව ඒකරාශි වන ස්ථානවලින් යාමෙන් වැළැකීමද අවශ්‍ය වෙයි.
මේ දක්වා මෙරටින් වාර්තාවේ ඇති කොරෝනා ආසාදිතයන් සංඛ්‍යාව 06 ලක්ෂ 21 දහස් 985 කි. ඊයේ ආසාදිතයෝ 1253 දෙනෙක් හදුනා ගනු ලැබුහ.
සෞඛය සේවා අධ්‍යක්ෂ ජනරාල්වරයා ඊයේ කොරෝනා මරණ 35 ක් තහවුරු කළේය. පිරිමි 22 ක් හා කාන්තාවෝ 13 දෙනෙක් ඒ අතර වෙති. වයස අවුරුදු 60 හා ඊට වැඩි මරණ සංඛයාව 28 කි. වයස අවුරුදු 30 ට අඩු මරණ 02 ක් ඊයේ වාර්තා විය.
