ඇසිදිසි ජනමාධ්‍යවේදී රක්ෂණ යෝජනා ක්‍රමය යටතේ හදිසි මරණයක් සඳහා ප්‍රථම වරට රක්ෂණ ප්‍රතිලාභ ලබාදීම ජනමාධ්‍ය අමාත්‍ය ඩලස් අලහප්පෙරුම මහතා අතින් මාර්තු 16වෙනිදා සිදුකෙරිණි .
කොවිඩ් උවදුරට ලක්ව පසුගියදා ජීවතයෙන් සමුගත් ප්‍රාදේශීය මාධ්‍යවේදී සුනිල් බද්දෙවිතාන මහතා නමින් ඔහුගේ බිරිඳ වන සමරවීර මුදලිගේ දෝන සෝමාවතී මහත්මිය වෙත රුපියල් පන්ලක්ෂ පනස්දහසක් වටිනා රක්ෂණ ප්‍රතිලාභය අමාත්‍යවරයා විසින් පිළිගැන්වීය .
ලංකාදීප පුවත්පතේ වසර 30 ක කාලයක් මෙන්ම ශ්‍රී ලංකා ගුවන්විදුලි සංස්ථාවේ වසර 10 ක කාලයක් ප්‍රාදේශීය මාධ්‍යවේදියෙකු ලෙස සේවය කළ බද්දෙවිතාන මහතා කළුතර දොඩන්ගොඩ පදිංචි වී සිටි අතර මිය යන විට 63 වන වියෙහි පසුවිය .
මෙම අවස්ථාවට ජනමාධ්‍ය අමාත්‍යංශ ලේකම් අනුෂ පැල්පිට මහතා ද එක්ව සිටියේය .
