පාර්ලිමේන්තුවට පරිපුරක ඇස්තමේන්තුවක් ඉදිරිපත් කෙරේ. රුපියල් බිලියන 695 ක ප්‍රතිපාදන සලසා ගැනීම එහි අරමුණයි.
ජාතික අයවැය දෙපාර්තමේන්තුවේ අයවැය සහාය සේවා හදිසි අවශ්‍යතා වගකීම් ව්‍යාපෘතිය යටතේ එම ප්‍රතිපාදන සලසා ගැනීමට නියමිතයි. මුදල් ආර්ථික ස්ථායීිකරණය සහ ජාතික ප්‍රතිපත්ති අමාත්‍යවරයා වශයෙන් අග්‍රාමාත්‍යවරයා ඉදිරිපත් කළ යෝජනාව අමාත්‍ය මණ්ඩලය අනුමත කර තිබේ. සමෘද්ධිලාභින් වතු ජනතා විශ්‍රාමිකයන් සහ රාජ්‍ය සේවකයන් සදහා මේ වසර මුලදී රජය සහන පැකේජයක් හදුන්වා දුන්නේය. ඊට අදාල වියදම් දැරීමට සහ අත්‍යවශ්‍ය රාජ්‍ය සේවා බාධාවකින් තොරව පවත්වාගෙන යාමට අවශ්‍ය අරමුදල් සපයා ගැනීම මෙහි අරමුණයි.
