අමෙරිකා එක්සත් ජනපදයට ගොස් සිටින ජනාධිපති අනුර කුමාර දිසානායක මහතා සහ එක්සත් ජාතීන්ගේ මානව හිමිකම් පිළිබඳ මහකොමසාරිස් වොල්කර් ටර්ක් (Volker Türk) මහතා අතර හමුවක් එක්සත් ජාතීන්ගේ මහලේකම් කාර්යාලයේදී එරට වේලාවෙන් පෙරේදා (23) පස්වරුවේ පවත්වා තිබේ.
ශ්රී ලංකාව මානව හිමිකම් සම්බන්ධයෙන් පසුගිය වසර තුළ අත්කරගෙන ඇති ප්රගතිය පිළිබඳව කරුණු එහිදී සාකච්ඡා කරන ලද බව ජනාධිපති මාධ්ය අංශය සඳහන් කළේය.එහිදී එක්සත් ජාතීන්ගේ මානව හිමිකම් පිළිබඳ මහකොමසාරිස්වරයා විසින් ජනාධිපතිවරයාව උණුසුම් ලෙස පිළිගන්නා ලදී. එක්සත් ජාතීන්ගේ මහා මණ්ඩලයේ 80 වැනි සැසිවාරයට සහභාගි වීම සඳහා ජනාධිපතිවරයා අමෙරිකාවට ගොස් සිටින අතර එම හමුව සඳහා විදේශ කටයුතු, විදේශ රැකියා සහ සංචාරක ඇමැති විජිත හේරත්, එක්සත් ජාතීන්ගේ සංවිධානයේ ශ්රී ලංකා නිත්ය නියෝජිත, හිටපු අගවිනිසුරු ජනාධිපති නීතිඥ ජයන්ත ජයසූරිය මහත්වරු ද එක්ව සිටියහ.
