ශ්රී ලංකාව සහ ජාත්යන්තර මූල්ය අරමුදල අතර ක්රියාත්මක විස්තීරණ ණය වැඩසටහනේ පස්වැනි සමාලෝචනය එළඹෙන දෙසැම්බර් මස 15 දා එම අරමුදලේ විධායක මණ්ඩලය විසින් ඇගයීමට ලක්කෙරේ.
ජාත්යන්තර මූල්ය අරමුදලේ විස්තීර්ණ ණය පහසුකම මගින් සහාය දක්වන, ශ්රී ලංකාවේ ආර්ථික ප්රතිසංස්කරණ වැඩසටහනේ පස්වන සමාලෝචනය අවසන් කරමින් එම අරමුදලේ කාර්ය මණ්ඩලය සහ ශ්රී ලංකා බලධාරීන් ආර්ථික ප්රතිපත්ති පිළිබඳ කාර්ය මණ්ඩල එකඟතාවකට පැමිණ තිබෙන අතර අරමුදලේ විධායක මණ්ඩලය විසින් මෙම සමාලෝචනය අනුමත කිරීමෙන් පසුව ශ්රී ලංකාවට එක්සත් ජනපද ඩොලර් මිලියන 347ක මූල්ය පහසුකමක් සඳහා ප්රවේශය හිමිවන බව ශ්රී ලංකා මහ බැංකුව පෙන්වා දෙයි.
මෙරටට ලබාදී ඇති අරමුදල් වැඩසටහන ක්රියාත්මක කිරීමෙහිලා ශ්රී ලංකාව ලබාගෙන ඇති ප්රගතිය මැන බැලීම සඳහා සිදුකළ පස්වැනි සමාලෝචනය පිළිබඳ සාකච්ඡා කර අනුමැතිය ලබාදීම සඳහා විධායක කමිටුව මෙලෙස රැස්වීමට නියමිත අතර පස්වැනි සමාලෝචනය පිළිබඳ ශ්රී ලංකාව සහ ජාත්යන්තර මූල්ය අරමුදල, කාර්ය මණ්ඩල එකඟතාවකට පසුගිය ඔක්තෝබර් මාසය මුලදී එළැඹියේය. ඒ සඳහා පසුගිය සැප්තැම්බර් මස 24 වැනිදා ජාත්යන්තර මූල්ය අරමුදලේ නියෝජිත පිරිසක් මෙරටට ද පැමිණියේය.
