පැවති ආපදා තත්ත්වය හේතුවෙන් අවහිර වූ මාර්ගවලින් සියයට 85කට වඩා වැඩි ප්රමාණයක් මේ වන විට විවෘත කර ඇතැයි මාර්ග සංවර්ධන අධිකාරිය පවසයි.
ආපදාවලින් හානි වූ සියලුම මාර්ග එළැඹෙන සතියේදී රථවාහන ධාවනය සඳහා විවෘත කිරීමට බලාපොරොත්තු වන බව එහි අධ්යක්ෂ ජනරාල් විමල් කණ්ඩම්බි මහතා පැවසීය. ඒ මහතා මේ බව පැවසුවේ රජයේ ප්රවෘත්ති දෙපාර්තමේන්තුවේ පැවති ප්රවෘත්ති සාකච්ඡාවකට එක්වෙමිනි. කොළඹ – මහනුවර ප්රධාන මාර්ගයේ ගනේතැන්න සහ කඩුගන්නාව අතර කොටස පස්වරු 6 සිට පෙරවරු 6 දක්වා රාත්රි කාලයේ තවදුරටත් වසා තැබෙන බවත් ඒ මහතා වැඩිදුරටත් පැවසීය.
