කොළඹදී පැවති ජාත්යන්තර කෘත්රිම බුද්ධි සමුළුවේදී මෙරට රූපවාහිනී ක්ෂේත්රයට කෘත්රිම බුද්ධි තාක්ෂණය හඳුන්වා දුන් ජාතික රූපවාහිනියේ පුරෝගාමී මෙහෙවර අගයමින් සම්මානයක් පිරිනැමුණු අතර, ජාතික රූපවාහිනිය වෙනුවෙන් එම සම්මානය ගාමිණි බණ්ඩාර මැණික්දිවෙල විසින් හිමිකර ගත්තේය.
බහු විධ කෘත්රිම බුද්ධි පර්යේෂණ ඒකකය හෙවත් මාර්ක් ආයතනය පේරාදෙණිය විශ්ව විද්යාලය, ගැප්ස් කියූ ආයතනය සහ UNIGAP ආයතනය එක්ව එම සමුළුව සංවිධාන කර තිබුණි. කෘත්රිම බුද්ධි තාක්ෂණයෙන් ඔබ්බට යන්න මෙවර සමුළුවේ තේමාව විය.
දේශීය විශ්ව විද්යාල සහ විදේශීය විශ්ව විද්යාල විද්යාර්ථීන්ගේ සහ මහාචාර්යවරුන්ගේ පර්යේෂණ පත්රිකා සමුළුවේ දී සාකච්ඡාවට ගැණුනි. ඩිජිටල් ආර්ථික උපාය මාර්ග, ආහාර සුරක්ෂිතතාව, සෞඛ්ය, කෘෂිකර්ම, ප්රවාහන හදිසි ආපදා කාලගුණ හා දේශගුණ විපර්යාස සඳහා කෘත්රිම බුද්ධි තාක්ෂණය යොදා ගැනීම පිළිබඳ පර්යේෂණ පත්රිකා මේ සඳහා ඉදිරිපත් කර තිබුණි.
පර්යේෂණ සඳහා වූ ගිවිසුම් කිහිපයක් සඳහා ද සමුළුවේ දී අත්සන් තැබුණි.
එහිදී හොදම පර්යේෂණ පත්රිකා දෙකකට සහ ඇගයීම් පත්රිකාවකට සම්මාන හිමිවිය.
සෞඛ්ය ක්ෂේත්රය සඳහා වූ හොඳම කෘත්රිම බුද්ධි නවෝත්පාදක කෘත්රිම බුද්ධි පර්යේෂණ පත්රිකාවට හිමි සම්මානය හිමිවූයේ ඉංජිනේරු තවිදු සමරසේකර සහ ඉංජිනේරු තරින්ද නවරත්න යන දෙපළටය. න්යායික කෘත්රිම බුද්ධි පර්යේෂණ පත්රිකාවට හිමි ඇගයීම් සම්මානය මහාචාර්ය පරාක්රම ඒකනායක, මහාචාර්ය විජිත හේරත් යන මහත්වරුන් ඉදිරිපත් කළ පරියේෂණ පත්රිකා සඳහා පිරිනැමුණි.
විද්යුත්, රූපාවාහිනී සහ ප්රචාරණ සහ සජීවි මාධ්යකරණයේ තාක්ෂණික සීමා පුළුල් කර අනාගත නවෝත්පාදන සඳහා වූ මාර්ග සකස් කිරීමට පුරෝගාමී ඇගයීම් පත්රිකා සම්මානය මෙහිදී ජාතික රූපවාහිනියේ ගාමිණී බණ්ඩාර මැණික්දිවෙල වෙත පිරිනැමුණි. ජාත්යන්තර කෘත්රිම බුද්ධි පර්යේෂණ සමුළුවේදී විශ්ව විද්යාල ක්ෂේත්රයට පරිබාහිරව පිරිනැමුණු එකම ඇගයීම මෙයවේ.
මහාචාර්ය ජනක ඒකනායක මහතා සමුළුවේ පර්යේෂණ පත්රිකා අන්තර්ජාතික සමුළු කාර්යාලයට පිරිනැමූ අතර ජාතික කෘත්රිම බුද්ධි කමිටුවේ මහාචාර්ය රොහාන් රණවන, පේරාදෙණිය විශ්ව විද්යාලයේ උපකුලපති ටෙරන්ස් මධුජිත් යන මහත්වරුන්ඇතුළු විශ්වවිද්යාල ආචාර්යවරුන් හා මහාචාර්යවරුන් ඇතුලු පිරිසක් මේ අවස්ථාවට එක්ව සිටියහ.
