මෙරට තැපැල් කාර්යාල සඳහා නව ගොඩනැඟිලි 18ක් සහ පවතින ගොඩනැඟිලි 211ක් අලුත්වැඩියා කිරීමට පියවර ගෙන ඇති අතර ඒ සඳහා රුපියල් මිලියන 1,200ක මුදලක් වැයකර ඇති බවත් සෞඛ්ය හා ජනමාධ්ය නියෝජ්ය අමාත්ය කෞෂල්යා ආරියරත්න මෙනවිය ඊයේ (08) ප්රකාශ කළාය. මෙරට තැපැල් පද්ධතිය ශක්තිමත් කිරීමට අවශ්ය තීන්දු තීරණ ගන්නා බවද නියෝජ්ය අමාත්යවරිය පෙන්වා දුන්නාය.
නියෝජ්ය අමාත්යවරිය මේ බව සඳහන් කළේ, පාර්ලිමේන්තු මන්ත්රී තුරෙයිරාසා රවිකරන් මහතා මතු කරන ලද ප්රශ්නයකට පිළිතුරු දෙමිනි. මන්ත්රීවරයා මතු කරන ලද ප්රශ්නයට පිළිතුරු දුන් නියෝජ්ය අමාත්යවරිය සඳහන් කළේ මුල්ලියවලෙයි තැපැල් කාර්යාලයට වෙන්කරන ලද ඉඩම මේ වන විට යුද හමුදාවේ 23 වන බළඇණිය විසින් පරිහරණය කරන බවයි.
එම ඉඩම මෙම වසරේ ජූලි මාසය වන විට ලබාදෙන බවට යුද හමුදාව විසින් වාචික තහවුරුවක් ලබාදී ඇති අතර එම ඉඩම ලබාදීමෙන් පසුව තැපැල් කාර්යාලය ඉදිකිරීමේ කටයුතු ආරම්භ කරන බවද සඳහන් කළාය.
