ඇතැම් සිවිල් සංවිධාන හා ඇතැම් ජනමාධ්ය සංවිධානවලට මර්දනකාරී ප්රචණ්ඩ රාජ්යයකින් තොරව පැවැත්මක් නොමැති බවත් ඔවුන් ඉල්ලා සිටින්නේ එවැනි වූ ප්රචණ්ඩකාරී, ත්රාඩ, දුෂ්ට රාජ්යයක් වුවද ජාතික ජනබලවේගය ආණ්ඩුව යටතේ එවැනි වටපිටාවක් නිර්මාණය නොවන බව ජනමාධ්ය නියෝජ්ය අමාත්ය ආචාර්ය කෞශල්යා ආරියරත්න මෙනවිය පසුගිය (20) පාර්ලිමේන්තුවේ දී ප්රකාශ කළාය.
අද වනවිට නිදහස් හා සාමකාමී වටපිටාවක් සහිත රටක් නිර්මාණය වී ඇති බවත්, ජනමාධ්ය සමාජය හා තොරතුරු කොමිසම ආදිය වෙනුවෙන් ආණ්ඩුව සිදුකරන සියලු ක්රියාවන් දැන දැනත් වැරදි මතවාද සමාජගත කිරීමට ඇතැම් සංවිධාන උත්සාහ දරන බවත්, නියෝජ්ය ඇමැතිවරිය සඳහන් කළාය.
නියෝජ්ය අමාත්ය කෞශල්යා ආරියරත්න මෙනවිය මේ බව සඳහන් කළේ පාර්ලිමේන්තුවේදී පසුගිය (20) දිනයේදී පැවැති විවාදය අතරතුර අදහස් දක්වමිනි.
එහිදී වැඩිදුරටත් අදහස් දැක්වූ නියෝජ්ය අමාත්යවරිය සඳහන් කළේ එක්තරා මාධ්ය සංවිධානයක් විසින් තමන් සිදුකළ ප්රකාශයක් විකෘති කරමින් මාධ්ය නිවේදනයක් නිකුත් කර තිබූ බවයි. මෙය අහම්බයෙන් සිදුවූවක් නොවන බව ද නියෝජ්ය අමාත්යවරිය සඳහන් කළාය.
