ශ්රී ලංකාවේ මාධ්ය වෘත්තිකයන් සඳහා උසස් වෘත්තීය ප්රමිතීන් හඳුන්වාදීම, ප්රවර්ධනය කිරීම සහ ඒවා අඛණ්ඩව පවත්වාගෙන යාමේ අරමුණින් "ශ්රී ලංකා වරලත් මාධ්ය වෘත්තිකයින්ගේ ආයතනය" පිහිටුවීම සඳහා වන නව පනත් කෙටුම්පත රජයේ නිල ගැසට් පත්රය මඟින් ප්රකාශයට පත් කර ඇත.
ගරු සෞඛ්ය හා ජනමාධ්ය අමාත්යවරයාගේ සෘජු නියමය පරිදි, 2026 ජූනි මස 05 දිනැතිව මෙම සුවිශේෂී ගැසට් නිවේදනය නිකුත් කර තිබේ.
මෙමඟින් මෙරට මාධ්ය ක්ෂේත්රයේ ගුණාත්මකභාවය ඉහළ නැංවීම, මාධ්යවේදීන්ගේ වෘත්තීය අයිතිවාසිකම් මෙන් ම වගකීම් නීත්යානුකූල රාමුවක් තුළ විධිමත් කිරීම සහ ඊට ආනුශාංගික කාරණා සම්බන්ධයෙන් අවශ්ය නෛතික විධිවිධාන සැලැස්වීම අපේක්ෂා කෙරේ.
ශ්රී ලාංකේය මාධ්ය කලාවේ නව පරිච්ඡේදයක් සනිටුහන් කරමින් ක්රියාවට නැංවෙන මෙම වරලත් ආයතනය පිහිටුවීමේ පනත් කෙටුම්පත, ඉදිරියේදී පාර්ලිමේන්තුව වෙත ඉදිරිපත් කිරීමට නියමිත ය.
