අග්‍රාමාත්‍ය රනිල් වික්‍රමසිංහ මහතා ඉන්දුනීසියාවේ දෙදින නිල සංචාරයක් සඳහා අද (01) දිවයිනෙන් පිටත් වනු ඇත.
ඉන්දුනීසියාවේ ජකාර්තා නුවර පැවැත්වෙන 12 වන ලෝක ඉස්ලාම් ආර්ථික සමුළුවට සහභාගී වන අග්‍රාමාත්‍යතුමා ඉන්දුනීසියානු ජනාධිපති ජොකෝ විදොදෝ (H.E. Joko Widodo), මුදල් අමාත්‍ය ශ්‍රී මුල්යානි ඉන්ද්‍රවතී (H.E. Sri Mulyani Indrawati) සහ සමුද්‍ර කටයුතු අමාත්‍ය ලූහුත් බින්සාර් පන්ජයිතාන් (H.E. Luhut Binsar Panjaitan) යන මහත්ම මහත්මීන් ද හමුවී ද්විපාර්ශවික සාකච්ඡා පැවැත්වීමට ද නියමිතය.
12 වන ලෝක ඉස්ලාම් සමුළුවේ ආරම්භක සැසිවාරයේදී විශේෂ දේශනයක් පැවැත්වීමට ද අග්‍රාමාත්‍යතුමාට ආරාධනා ලැබී ඇත.
එම සමුළුව අතරතුර මැලේසියානු අග්‍රාමාත්‍ය දතෝ ශ්‍රී නජිබ් තුන් අබ්දුල් රසාක් (Hon. Dato' Sri Najib Tun Abdul Razak), තජිකිස්තාන් ජනාධිපති එමොමලි රහ්මාන් (H.E. Emomali Rahman), ජෝරාදාන නියෝජ්‍ය අග්‍රාමාත්‍ය ජවාඩ් අල් අනානි (H.E. Dr. Jawad Al Anani) ඇතුළු රාජ්‍ය නායකයින් කිහිපදෙනෙකු ම හමුවීමට නියමිතය.
මහාචාර්ය මෛත්‍රී වික්‍රමසිංහ මහත්මිය, රාජ්‍ය ව්‍යවසාය සංවර්ධන අමාත්‍ය කබීර් හෂීම්, ජාතික ඒකාබද්ධතා සහ සංහිඳියා රාජ්‍ය අමාත්‍ය ඒ. එච්. එම්. ෆවුසි, සංවර්ධන උපාය මාර්ග සහ ජාත්‍යන්තර වෙළඳ නියෝජ්‍ය අමාත්‍ය සුජීව සේනසිංහ, අග්‍රාමාත්‍ය ලේකම් සමන් ඒකනායක සහ අග්‍රාමාත්‍ය අතිරේක ලේකම් සමන් අතාවුදහෙට්ටි මහත්ම මහත්මීන්ද මේ සංචාරයට එක්වෙති.
