දඹාන ප්‍රජා ගුවන්විදුලියේ අභිනව ගොඩනැගිල්ල එළඹෙන 19 වනදා පාර්ලිමේන්තු ප්‍රතිසංස්කරණ හා ජනමාධ්‍ය අමාත්‍යංශයේ ලේකම් නිමල් බෝපගේ මහතාගේ ප්‍රධානත්වයෙන් විවෘත කිරීමට නියමිතය. ඒ හා සමගාමිව දඹාන පාසල් ළමුන්ට නිල ඇඳුම් සහ ත්‍යාග ප්‍රදානය කිරීම, ආදිවාසි ක්‍රිකට් කණ්ඩායම සමඟ සුහද ක්‍රිකට් තරගයක් පැවැත්වීම ආදී වූ වැඩසටහන් රැසක් ක්‍රියාත්මක වේ.
මෙම අවස්ථාවට ශ්‍රී ලංකා ගුවන්විදුලි සංස්ථාවේ සභාපති නන්ද මුරුත්තෙට්ටුවේගම මහතා, පාර්ලිමේන්තු ප්‍රතිසංස්කරණ හා ජනමාධ්‍ය අමාත්‍යංශයේ උසස් නිලධාරීහු සහ එහි අනුබද්ධ ආයතනවල උසස් නිලධාරීහු මෙන්ම අමාත්‍යංශයේ කාර්ය මණ්ඩලයද සහභාගී වීමට නියමිතය.
