දඹාන ප්‍රජා ගුවන්විදුලියේ අභිනව ගොඩනැගිල්ල පාර්ලිමේන්තු ප්‍රතිසංස්කරණ හා ජනමාධ්‍ය අමාත්‍යංශයේ ලේකම් නිමල් බෝපගේ මහතාගේ ප්‍රධානත්වයෙන් පසුගිය 19 දා විවෘත විය. මෙම අවස්ථාවට සමගාමිව දඹාන පාසල් ළමුන්ට නිල ඇඳුම් සහ ත්‍යාග ද ප්‍රදානය කරනු ලැබිය.
අනතුරුව පාර්ලිමේන්තු ප්‍රතිසංස්කරණ හා ජනමාධ්‍ය අමාත්‍යාංශයේ ක්‍රිකට් කණ්ඩායම සහ ආදිවාසි ක්‍රිකට් කණ්ඩායම අතර සුහද ක්‍රිකට් තරගයක් පැවැත්වූ අතර එයින් ජනමාධ්‍ය අමාත්‍යංශයේ කණ්ඩායමට ජය හිමි විය.
මෙම අවස්ථාවට ශ්‍රී ලංකා ගුවන්විදුලි සංස්ථාවේ සභාපති නන්ද මුරුත්තෙට්ටුවේගම මහතා, ශ්‍රී ලංකා පුවත්පත් මණ්ඩලයේ සභාපති කොග්ගල වෙල්ලාල බන්දුල මහතා ඇතුළු අමාත්‍යාංශය අනුබද්ධ ආයතනවල උසස් නිලධාරීහු මෙන්ම පාර්ලිමේන්තු ප්‍රතිසංස්කරණ හා ජනමාධ්‍ය අමාත්‍යංශයේ මාණ්ඩලික නිලධාරීහු සහ අමාත්‍යංශයේ කාර්ය මණ්ඩලයද එක්ව සිටියහ.
