පාර්ලිමේන්තු ප්‍රතිසංස්කරණ හා ජනමාධ්‍ය අමාත්‍යාංශය විසින් සයවන වරටත් සංවිධානය කරනු ලැබූ ඇසිදිසි ක්‍රිකට් ශූරතා තරඟාවලිය ඔක්තෝම්බර් 03 වැනිදා නිමාවට පත්වූ අතර එහි ශූරතාවය දිනාගැනීමට රජයේ මුද්‍රණ නීතිගත සංස්ථාව සමත්විය. අනුශූරතාවය දෙරණ කණ්ඩායම විසින් දිනා ගනු ලැබිණ.කාන්තා ශූරතාවය ගුවන් විදුලි සංස්ථා පිළ විසින් දිනාගනු ලැබූ අතර කාන්තා අනුශූරතාවය ජාතික චිත්‍රපට සංස්ථාව විසින් දිනාගැණින.ත්‍යාග ප්‍රධානෝත්සවය 2016 ඔක්තෝබර් 02 වන දින කොළඹ තර්ස්ටන් විද්‍යාලයීය ක්‍රීඩාංගනයේදී පාර්ලිමේන්තු ප්‍රතිසංස්කරණ හා ජනමාධ්‍ය අමාත්‍යාංශයේ ලේකම් නිමල් බෝපගේ මහතාගේ ප්‍රධානත්වයෙන් පැවැත්විණ. විශේෂ ආරාධිතයෙකු ලෙස ප්‍රවීණ ක්‍රිකට් ක්‍රීඩක තිලකරත්න ඩිල්ෂාන් මහතා සහභාගී විය.
මාධ්‍ය ආයතන අතර මිත්‍රත්වය සහ සුහදතාව වර්ධනය කිරීමේ අරමුණු පෙරදැරිව ක්‍රිකට් සැණකෙලියක් ලෙස වාර්ෂිකව සංවිධානය කරනු ලබන මෙම තරඟාවලිය සදහා මාධ්‍යවේදීන් නියෝජනය කරමින් පිරිමි කණ්ඩායම් 32ක්ද කාන්තා කණ්ඩායම් 12ක්ද තර ඟ වැදිණ.
