“සාමය සඳහා වූ ජාත්‍යන්තර පෙරගාමි මන්ත්‍රීවරුන්ගේ අන්තර්ජාතික සංගමය˜ දියත් කෙරේ
පාර්ලිමේන්තු ප්‍රතිසංස්කරණ හා ජනමාධ්‍ය අමාත්‍යංශය, රාජ්‍ය පරිපාලන හා කළමණාකරන අමාත්‍යංශය සහ ලෝක සාම බල මණ්ඩලය එක්ව ‘ සාමය සඳහා වූ ජාත්‍යන්තර පෙරගාමි මන්ත්‍රීවරුන්ගේ අන්තර්ජාතික සංගමය˜ දියත් කිරීමේ වැඩසටහන සමාරම්භ කිරීම පසුගියදා පාර්ලිමේන්තු කාරක සභා අංක 01 පරිශ්‍රයේදී කථා නායක කරු ජයසූරිය මහතා, සහ ආණ්ඩුපක්ෂයේ ප්‍රධාන සංවිධායක සහ සම කැබිනට් ප්‍රකාශක ජනමාධ්‍ය ඇමැති ගයන්ත කරුණාතිලක මහතාගේ ප්‍රධානත්වයෙන් සහ මැති ඇමතිවරුන්ගේ සහභාගිත්වයෙන්පැවැත්විණි. “අපගේ කාලයට අදාල තීරණාත්මක අභියෝග ආමණ්ත්‍රනය කිරීම˜ තේමාව කරගනිමින් රජයන්, සිවිල් සමාජ හා ආගමික විශ්වාස මත පදනම් වූ සංවිධානවල කාර්යභාරය මෙහිදී සාකඡ්චාවට බඳුන් කෙරිණි.
නේපාලය, ඉන්දියාව, තායිලන්තය හා මැලේසියා පාර්ලිමේන්තු නියෝජනයෙන් මන්ත්‍රීවරුන් මෙම අවස්ථාවට එක්ව සිටි අතර ජපානය, කොරියාව, පිලිපීනය හා එක්සත් රාජධානිය නියෝජනය කරමින් නියෝජිතයින් රැසක් මෙන්ම ශ්‍රී ලංකා පාර්ලිමේන්තු මන්ත්‍රීවරුන් ඇතුලුව සියයකට වැඩි පිරිසක් එක්වූහ.
