පර්යේෂණ සහ නව නිපැයුම්වල යෙදෙන විශ්වවිද්‍යාල සිසුන් දිරිමත් කිරීමට ඔවුන්ට මූල්‍ය ආධාර ලබා දීමට රුපියල් මිලියන සියයක් වෙන් කිරීමට අග්‍රාමාත්‍ය රනිල් වික්‍රමසිංහ මහතා තීරණය කර තිබේ.
ජාතික ප්‍රතිපත්ති සහ ආර්ථික කටයුතු අමාත්‍යාංශය හරහා 2018 වසරේ සිට ක්‍රියාත්මක වෙන මෙම වැඩ සටහන විශ්වවිද්‍යාල ප්‍රතිපාදන කොමිසමේ දායකත්වයෙන් ක්‍රියාත්මක වේ. ව්‍යාපෘථිය මගින් මුදල් ලබා ගන්නා සෑම සිසුවකුම විශ්වවිද්‍යාල ආචාර්යවරයකු හරහා අධීක්ෂණය කෙරේ.
නව නිපැයුම් සහ පර්යේෂණවල යෙදීමට උනන්දුවක් දක්වන සිසුන්ට මේ ව්‍යාපෘතිය සඳහා දැන් ඉල්ලුම් කළ හැක. මේ පිළිබඳ වැඩි විස්තර ජාතික ප්‍රතිපත්ති සහ ආර්ථික කටයුතු පිළිබඳ අමාත්‍යාංශයේ ලේකම්වරයාගෙන් ලබා ගත හැක.
