මැතිවරණයක් පවත්වා අවසන් වන තෙක් ජනාධිපති හෝ අගමැති ධුරවල වෙනසක් සිදුනොවන බව කැබිනට් ප්‍රකාශක අමාත්‍ය බන්දුල ගුණවර්ධන මහතා පවසයි. රටේ ප්‍රශ්න නිරාකරණය සඳහා මේ අවස්ථාවේ ප්‍රමුඛතාව ලබාදිය යුතුය. මුදල් පවතින්නේ නම් පළාත් පාලන ඡන්දය පැවැත්වීමට රජය මැලි නොවේ. පවතින රාජ්‍ය මුල්‍ය අර්බුදය පිළිබඳව භාණ්ඩාගාර ලේකම්වරයා දැනටමත් අධිකරණය දැනුවත් කර තිබේ. ඒ අනුව අධිකරණය ලබා දෙන තීන්දුව මත රජය ක්‍රියා කරන බව අමාත්‍යවරයා පැවසුවේ අමාත්‍ය මණ්ඩල තීරණ දැනුම් දීමේ මාධ්‍ය හමුවට අද එක් වෙමිනි.
කොළඹ පසුගියදා පැවති උද්ඝෝෂණයේදී ආරක්ෂක අංශවලට අවම බලය යොදා ගැනීමට සිදු වුයේ අධිකරණය ලබා දී තිබු නියෝගයට පටහැනිව ක්‍රියා කිරීම හේතුවෙන් බවද අමාත්‍ය බන්දුල ගුණවර්ධන මහතා එහිදී සඳහන් කළේය.