2024 ජනාධිපතිවරණ ඡන්ද විමසුමේ අවසන් ප්‍රතිඵලය දැනුම් දීම සඳහා මීට සුළු මොහොතකට පෙර මැතිවරණ කොමිෂන් සභාවේ පැවති මාධ්‍ය හමුවට එක්වෙමින් කොමිෂන් සභාවේ සභාපතිවරයා මේ බව පැවසීය. ඒ අනුව 2024 ජනාධිපතිවරණයේ පළමු ගණන් කිරීමේදී අනුර කුමාර දිසානායක මහතා ලබාගත් සමස්ත ඡන්ද සංඛ්‍යාව 5,634,915කි. එය ප්‍රතිශතයක් ලෙස 42.31%කි. දෙවැනි සහ තුන්වැනි මනාප ගණනය කිරීමේදී අනුර දිසානායක මහතා මනාප 105,264ක් ලබා ගත් අතර, ඒ අනුව ඡන්ද සංඛ්‍යාව 5,740,179 දක්වා ඉහළ ගිය බවත් සභාපතිවරයා වැඩිදුරටත් පැවසීය.