උදාවන නත්තලේ ප්‍රීතිය නුවරඑළිය පේන්ටර් ළමා නිවාසයේ දරුවන් සමඟ බෙදා ගැනීමට අග්‍රාමාත්‍ය රනිල් වික්‍රමසිංහ මහතා ඊයේ(23) එක් විය. පේන්ටර් ළමා නිවාසයේ දරුවන් නුවරඑළිය අගමැති මැදුරට ගෙන්වා ගත් අගමැති රනිල් වික්‍රමසිංහ මහතා ඔවුන් සමඟ නත්තල සැමරීමට එක් විය. එම ළමා නිවාසයේ සිටින දරුවන්ගේ සුවදුක් විමසූ අග්‍රාමාත්‍යවරයා ඔවුන්ගේ ඉදිරි අවශ්‍යතා පිළිබඳ ද සොයා බැලීය. දරුවන් වෙත සංග්‍රහ කිරීමට ද අග්‍රාමාත්‍යවරයා කටයුතු කළ අතර නත්තල වෙනුවෙන් එම ළමා නිවාසයේ දරුවන්ගේ සහභාගීත්වයෙන් කැරොල් ගී ප්‍රසංගයක් ද පැවැත්විණි. එය නැරඹීමට ද අග්‍රාමාත්‍ය රනිල් වික්‍රමසිංහ මහතා සහභාගී විය. මෙම අවස්ථාවට අගමැති බිරිය මහාචාර්ය මෛත්‍රී වික්‍රමසිංහ, නුවරඑළිය නගරාධිපති චන්දන ලාල් කරුණාරත්න මහත්ම මහත්මීහු ද එක්ව සිටියහ.
පේන්ටර් ළමා නිවාසයේ දරුවන් නුවරඑළිය අගමැති මැදුරට
