“Friends of Sri Lanka Group” හි සාමාජිකයින් ලෙස ශ්‍රී ලංකාවේ සංචාරයක නිරත යුරෝපා පාර්ලිමේන්තු සාමාජික දෙදෙනකු වන ලෝඩ් විලියම් ඩාර්ට්මවුත් සහ ජෙෆරි වැන් ඕර්ඩ්න් මුදල් හා ජනමාධ්‍ය ඇමති මංගල සමරවීර මහතා හමු විය.

මෙම හමුවේ දී පොදු ගැටලු පිළිබඳ දෙපාර්ශ්වයේ දැක්ම හුවමාරු කර ගත් අතර යුරෝපා සංගමයේ ජී.එස්. පී. සහනය යටතේ ශ්‍රී ලංකාවේ ප්‍රතිලාභ උපරිමයෙන් හිමි වන පරිදි ද්වීපාර්ශ්වීය වෙළෙඳ සහ සංචාරක සබඳතා වැඩි දියුණු කිරීමට එකඟ විය.
මේ අවස්ථාවට සංවර්ධන උපායමාර්ග හා ජාත්‍යන්තර වෙළෙඳ ඇමති මලික් සමරවික්‍රම මහතා, මහ භාණ්ඩාගාර සහ මුදල් හා ජනමාධ්‍ය අමාත්‍යාංශයේ ලේකම් ආචාර්ය ආර්. එච්. එස් සමරතුංග මහතා සහ මුදල් අමාත්‍යාංශයේ ජ්‍යෙෂඨ උපදේශක මනෝ තිත්තවැල්ල මහතා ද සහභාගි විය.