මෙවර අයවැය සමබර ලෙස ඉදිරිපත් කර තිබෙන බවත් අයවැයෙන් ඉදිරි පියවරක් තබා තිබෙන බවත් ජනමාධ්‍ය කැබිනට් නොවන අමාත්‍ය සහ ආරක්ෂක රාජ්‍ය අමාත්‍ය රුවන් විජේවර්ධන මහතා පවසයි.
පාර්ලිමේන්තුවේ දී ඊයේ (5) ඉදිරිපත් කළ අයවැය කතාවෙන් අනතුරුව මාධ්‍ය වෙත අඳහස් දක්වමින් අමාත්‍යවරයා මේ බව සඳහන් කළේ ය.
මෙවර අයවැය සමබර ලෙස ඉදිරිපත් කර තිබෙනවා. සමහරු කිව්වා මෙම අයවැය ඡන්දයක් ඉලක්ක කර ඉදිරිපත් කර තිබෙන බව.අපට යුතුකමක් තිබෙනවා,වගකිව යුතු රජයක් ලෙස , පසුගිය ආණ්ඩුව ගත්ත ණය බේරන්න සිදුවී තිබෙන්නේ අපටයි. මේ අයවැයෙන් ජනතාවට සහන ලබාදීමට කටයුතු කර තිබෙනවා. විශේෂයෙන් ම රණ විරුවන් ගැන බලලා,අවශ්‍ය සහන ලබාදී තිබෙනවා.මේ අයවැයෙන් වෙනසක් රට තුළ කරන්න පුළුවන්.ණයෙන් රට මුදවා ගෙන රට සංවර්ධනය කර අවශ්‍ය සහන ජනතාවට ලබාදීම එකම ඉලක්කයයි. අයවැයෙන් ඉදිරි පියවරක් තබා තිබෙනවා යැයි ද අමාත්‍යවරයා පැවසී ය.
