ජනමාධ්‍ය ඇමැති රුවන් විජයවර්ධන මහතා පසුගිය 8 වැනිදා ලේක්හවුස් ආයතනයේ නිල චාරිකාවකට එක්විය. ලේක්හවුස් ජාතික සේවක සංගම් නියෝජිතයන් විසින් ඇමැතිවරයා පිළිගැනීමෙන් අනතුරුව දිවංගත ඩී. ආර්. විජයවර්ධන ශ්‍රීමතාණන්ගේ පිළිරුව වෙත මල්දමක් පළඳවා සිය ගරු බුහුමන් පිරිනැමීය.
ආයතන සභාපති කළමනාකාර අධ්‍යක්ෂ ක්‍රිෂාන්ත ප්‍රසාද් කුරේ මහතා ප්‍රධාන අධ්‍යක්ෂ මණ්ඩලය, පරිපාලන විධායක නිලධාරීන්, පුවත්පත් කතුවරුන් සමඟ ඇමැති රුවන් විජයවර්ධන මහතා ඉහළ රැස්වීම් ශාලාවේදී සාකච්ඡා මේසයකට එක්වූ අතර අනතුරුව ආයතනයේ සියලුම වෘත්තීය සමිති නියෝජිතයන් හමුවද සිදු කෙරිණි.
ඉන් පසු පුවත්පත් මුද්‍රණ අංශය ප්‍රමුඛ ආයතන පරිශ්‍රයේ නිරීක්ෂණ චාරිකාවකට ඇමැතිවරයා ප්‍රධාන නිල මඬුල්ල එක්වෙමින් ආයතනයේ නිෂ්පාදන ක්‍රියාවලිය අධ්‍යයනයක නියැළුණහ.
අමාත්‍යාංශ ලේකම් සුනිල් සමරවීර මහතා ප්‍රමුඛ මාධ්‍ය නිලධාරී මණ්ඩලය ද මේ අවස්ථාවට එක්ව සිටියහ.
