රට හදන සෞභාග්‍යයේ දැක්ම ජාතික ප‍්‍රතිපත්ති ප‍්‍රකාශනයේ ඇතුළත් වන ජනමාධ්‍ය ප‍්‍රතිපත්තියට අනුව ජනමාධ්‍යවේදීන්ට සහන සැලසීම සඳහා දිවයින පුරා විසිරී සිටින සියලූම ජනමාධ්‍යවේදීන්ගේ තොරතුරු රැස්කිරීම ජනමාධ්‍ය අමාත්‍යංශය විසින් සිදුකරමින් පවතී. මෙම ව්‍යාපෘතිය යටතේ මේ වනවිටත් මාධ්‍යවේදීන් රැසක් ජනමාධ්‍ය අමාත්‍යංශය වෙත තොරතුරු ලබාදී ඇත.
එහෙත්, මේ වනතෙක් තොරතුරු ලබාදීමට නොහැකි වූ ජනමාධ්‍යවේදීන්හට තම තොරතුරු ලබාදීමට හැකි කාලය 2020.09.15 දින දක්වා දීර්ඝ කර තිබේ.
ඒ සඳහා සකස්කරන ලද අයදුම් පත‍්‍රය ජනමාධ්‍ය අමාත්‍යංශයේ වෙබ් අඩවියෙන් (www.media.gov.lk) බාගත කරගැනීමට (Download) හෝ අමාත්‍යංශයට පැමිණ ලබාගත හැකි අතර, සම්පූර්ණ කරන ලද අයදුම්පත් 2020 සැප්තැම්බර් මස 15 වන දිනට පෙර අධ්‍යක්ෂ (මාධ්‍ය), ජනමාධ්‍ය අමාත්‍යංශය, අංක 163, ‘‘ඇසි දිසි මැඳුර’’, කිරුළපන මාවත, පොල්හේන්ගොඩ, කොළඹ 05 යන ලිපිනයට යොමුකළ යුතු වේ.
රජයේ ප‍්‍රවෘත්ති දෙපාර්තමේන්තුව විසින් 2019 වසරේ හෝ 2020 වර්ෂයේ නිකුත් කරන ලද මාධ්‍යවේදී හැඳුනුම්පත ලබාගෙන ඇති ජනමාධ්‍යවේදීන්ගෙන් පමණක් මෙම තොරතුරු ලබාගැනීමට අපේක්ෂා කෙරේ.
අයදුම් පත‍් URL: https://sinhala.media.gov.lk/images/pdf_word/2020/2508sin.pdf
මේ පිළිබ`ද වැඩිදුර විස්තර 0112 513645 දුරකථන අංකය අමතා ලබාගත හැකිය.
