ශී‍්‍ර ලාංකික ජනමාධ්‍යවේදීන්ගේ වෘත්තීයභාවය ඉහල නැංවීම අරමුණු කරගනිමින් වාර්ෂිකව ක‍්‍රියාවට නංවනු ලබන ‘‘ඇසිදිසි ජනමාධ්‍ය ශිෂ්‍යත්ව 2020 සඳහා තෝරාගැනීමට අදාළ සම්මුඛ පරීක්ෂණ අද (18) සිට 20 වන ඉරිදා දක්වා ජනමාධ්‍ය අමාත්‍යංශයේදී පැවැත්වේ.

මෙම ශිෂ්‍යත්ව යෝජනා ක‍්‍රමය මගින් මාධ්‍යවේදීන්ට දෙවරක් ප‍්‍රතිලාභ ලබාගැනීමට අවස්ථාව සැලසෙන අතර, පළමු අවස්ථාවේ සුදුසුකම් ලබා, පාඨමාලාව සම්පූර්ණකර වසර 05 ක් ඉක්ම ගිය පසුව දෙවන අවස්ථාව සඳහා අයදුම් කළ හැකිය.

මෙම ශිෂ්‍යත්ව වැඩසටහන මගින් උපාධි හා පශ්චාද් උපාධි වෙනුවෙන් උපරිමය රුපියල් ලක්ෂ දෙකක මුදලක් (200,000) හා දිගුකාලීන, කෙටිකාලීන සහතික පත්‍ර පාඨමාලා සඳහා උපරිම රුපියල් ලක්ෂයක (100,000) මුදලක් ගෙවනු ලැබේ.

ජනමාධ්‍ය අමාත්‍යංශයේ ලේකම් විසින් පත්කරනු ලබන තේරීම් කමිටුවක් විසින් අයදුම්කරුවන් සම්මුඛ පරීක්ෂණයට භාජනය කර ප්‍රතිලාභීන් තෝරාගනු ලැබේ.