රැකව ධීවර නැංගුරම්පොළ ඉදිකිරීම අග්‍රාමාත්‍ය මහින්ද රාජපක්ෂ මහතාගේ ප්‍රධානත්වයෙන් අද ආරම්භ කෙරිණ.
එහි ඉදිකිරීම් වසරක් ඇතුළත අවසන් කිරීමට නියමිතයි. තංගල්ල හා හම්බන්තොට ධීවර වරාය අතර පිහිටා ඇති මෙම යෝජිත ධීවර නැංගුරම්පොළ තුළ මීටර් 300ක දිය කඩනය,මීටර් 75කින් යුතු වැලි කඩනය හා නාවුක ගමනාගමනය පහසුකරවීම සඳහා පිවිසුම් ඇළක් ද ඉදිකිරීමට යෝජිතයි.
නැංගුරම්පොළ ඉදිකිරීම තුළින් 1500කට අධික පිරිසකට ජීවනෝපායන් සැලසෙන අතර බහුදින යාත්‍රා 70කට පමණ ධීවර කටයුතු නියැලීමට හැකිවෙයි. ඊට ඇස්තමේන්තුවගත මුදල රුපියල් මිලියන 379කට අධිකයි.
කලමැටිය ධීවර වරායේ ගින්නෙන් සිදුවූ හානිය වෙනුවෙන් ධීවරයින් 26 දෙනෙක් සදහා එක් ධීවරයෙකුට රුපියල් ලක්ෂ හත හමාරක් වටිනා ධීවර යාත්‍රාවක් සහ ධීවර ආම්පන්න බෙදාදීම ද අග්‍රාමාත්‍යවරයා අතින් සිදු කෙරිණ.
