අමෙරිකානු ඩොලර් මිලියන 300ක ආයෝජනයක් යටතේ, අපනයන වෙළෙඳපොළ සඳහා අර්ධ වානේ රේඩියල් ටයර් සහ සම්පූර්ණ වානේ රේඩියල් ටයර් නිෂ්පාදනය කිරීමේ ව්‍යාපෘතියක් හම්බන්තොට අන්තර්ජාතික වරායේ ස්ථාපනය කිරීමට චීනයේ Shandong Haohua Tire Co. Limited සමාගම ඉදිරිපත් කර ඇති අතර, එය මාස 36ක කාලසීමාවකදී ක්‍රියාත්මක කිරීමට රජය තීරණය කර තිබේ. මීට අමතරව,මෙහි මුළු නිෂ්පාදනයෙන් අවම වශයෙන් 80%ක ප්‍රමාණයක් අපනයනය කිරීමට යටත්ව ක්‍රමෝපාය සං ව ර් ධ න ව්‍යාපෘති පනතේ විධිවිධාන පරිදි අදාළ බදු සහන ලබා දීමට ද තීරණය කර තිබේ. මුදල් අමාත්‍යවරයා වශයෙන් අග්‍රාමාත්‍ය මහින්ද රාජපක්ෂ මහතා මේ සම්බන්ධයෙන් ඉදිරිපත් කළ යෝජනාවට අමාත්‍ය මණ්ඩල අනුමැතිය ලැබුණු බව ඊයේ (8) පැවැති කැබිනට් තීරණ දැනුම්දීමේ මාධ්‍ය හමුවේදී ජනමාධ්‍ය ඇමැති හා සම කැබිනට් ප්‍රකාශක කෙහෙලිය රඹුක්වැල්ල මහතා කීය.
2008 අංක 14 දරන (සංශෝධිත) ක්‍රමෝපාය සං ව ර් ධ න පනත යටතේ ක්‍රමෝපාය සං ව ර් ධ න ව්‍යාපෘතියක් වශයෙන් මෙම ව්‍යාපෘතිය ක්‍රියාත්මක කිරීම සඳහා ශ්‍රී ලංකා ආයෝජන මණ්ඩලය අනුමැතිය ලබා දී ඇති බවද ඇමැතිවරයා පැවැසීය.
