බුද්ධශාසන ආගමික කටයුතු හා සංස්කෘතික කටයුතු අමාත්‍යාංශය ඉදිකළ පොල්පිතිගම සංස්කෘතික මධ්‍යස්ථානය බුද්ධශාසන ආගමික කටයුතු හා සංස්කෘතික කටයුතු ඇමැති, අගමැති මහින්ද රාජපක්ෂ මහතාගේ ප්‍රධානත්වයෙන් පෙරේදා (9) විවෘත කෙරිණි.
රට හදන සෞභාග්‍යයේ දැක්ම සංවර්ධන වැඩපිළිවෙළ යථාර්ථයක් කරමින්, මහජන අරමුදල් යටතේ මෙම සංස්කෘතික මධ්‍යස්ථානය රුපියල් මිලියන 25ක ප්‍රතිපාදන වැයකරමින් ඉදිකර තිබේ.
මෙම අවස්ථාවට ඇමැතිවරුන් වන ජොන්ස්ටන් ප්‍රනාන්දු, සී.බී.රත්නායක, රාජ්‍ය ඇමැතිවරුන් වන ඩී.බී.හේරත්, අනුරාධ ජයරත්න, සනත් නිශාන්ත, පාර්ලිමේන්තු මන්ත්‍රීවරුන් වන ගුණපාල රත්නසේකර, සුමිත් උඩුකුඹුර, අසංක නවරත්න, මංජුලා දිසානායක, ශාන්ත බණ්ඩාර, වයඹ පළාත් ආණ්ඩුකාර රාජා කොල්ලුරේ, බුද්ධශාසන ආගමික කටයුතු හා සංස්කෘතික කටයුතු අමාත්‍යාංශයේ ලේකම් මහාචාර්ය කපිල ගුණවර්ධන, කුරුණෑගල දිස්ත්‍රික් ලේකම් ආර්.එම්.රත්නායක යන මහත්ම මහත්මීන් ඇතුළු පිරිසක් එක්ව සිටියහ.
