ජාතික සමාජ සංවර්ධන ආයතනයේ වාර්ෂික උපාධි ප්‍රදානෝත්සවය අගමැති මහින්ද රාජපක්ෂ මහතාගේ ප්‍රධානත්වයෙන් බණ්ඩාරනායක අන්තර්ජාතික සම්මන්ත්‍රණ ශාලාවේදී ඊයේ (12) පැවැත්විණි. සමාජ මාධ්‍ය පිළිබඳ මූලික උපාධිය සම්පූර්ණ කළ උපාධිධාරීන් 76 දෙනෙකු මෙහිදී උපාධිය හිමි කරගත් අතර උපාධිධාරීන් පනස් දෙනකුට අගමැතිවරයා අතින් උපාධි පිරිනැමිණි. සමෘද්ධි, ගෘහ ආර්ථික, ක්ෂද්‍ර මූල්‍ය, ස්වයං රැකියා හා ව්‍යාපාර සංවර්ධන රාජ්‍ය ඇමැති ෂෙහාන් සේමසිංහ, අමාත්‍යංශ ලේකම් නීල් බණ්ඩාර හපුහින්න, ජාතික සමාජ සංවර්ධන ආයතනයේ වැඩබලන අධ්‍යක්ෂ ජනරාල් හා අතිරේක අධ්‍යක්ෂ ජනරාල් (ශාස්ත්‍රීව) එම්.ටී.ආර්. ශාමිනී අත්තනායක ඇතුළු මහත්ම මහත්මීහු මේ අවස්ථාවට සහභාගි වූහ.