රථවාහන ලියාපදිංචි කිරීමේදී මෝටර් රථ ප්‍රවාහන දෙපාර්තමේන්තුව මගින් ලබාදෙන අංක තහඩු තැපැල් මගින් නිවසටම ලබාදීමේ නව වැඩපිලිවෙලක් ආරම්භ කරන බව ඇමති කෙහෙලිය රඹුක්වැල්ල මහතා පවසයි. ශ්‍රී ලංකා තැපැල් දෙපාර්තමේන්තුව නවීකරණය කොට ලාභ ඉපයිමේ වැඩපිළිවෙල යටතේ මෙම නව වැඩසටහන සැලසුම් කර ඇත.
ඉදිරියේදී තැපැල් දෙපාර්තමේන්තුව සතු ඉඩකඩම් මගින් දෙපාර්තමේන්තුවට ආදායම් ලබාගත හැකි වැඩසටහන් සකස් කෙරේ. පෞද්ගලික අංශයේ විශ්වාසනීය, කාර්යක්ෂම, සීඝ්‍ර කුරියර් සේවයක් ක්‍රියාත්මකයි. තැපැල් දෙපාර්තමේන්තුවේද එවැනි වැඩපිළිවෙලක් කඩිනමින් ස්ථාපිත කරන බව එතුමා හාරිස්පත්තුවේ වැරැල්ලගම පැවති උත්සවයකදී පැවසීය. එමගින් විශාල ලාභයක් දෙපාර්තමේන්තුවට අත්කරගත හැකිය. මෙරට 342 ක් වන ප්‍රාදේශිය සභා තුළ නව තැපැල් කාර්යාල ආරම්භ කිරීමේ වැඩපිළිවෙලක් ද හදුන්වාදෙනු ලැබේ.
