දැයේ දරුවන්ගේ අධ්‍යාපනික අවශ්‍යතාව මේ මොහොතේ ප්‍රමුඛ අරමුණ කරගනිමින් මෙරට සියළු විද්‍යුත් හා මුද්‍රිත මාධ්‍යන් මගින් ඒ සඳහා වැඩි ඉඩක් ලබා දෙන ලෙස මෙරට සියලු මාධ්‍ය ආයතනවලින් විෂය භාර අමාත්‍යවරයා ලෙස අද (28) මා ඉල්ලීමක් කළේය.
මේ සඳහා දීර්ඝකාලීන ක්‍රමවත් වැඩපිළිවෙළක් සැකසෙන තෙක් එය ජාතික අවශ්‍යතාවයක ලෙස සළකා කටයුතු කරන ලෙසද එහිදී ඉල්ලා සිටියේය.
එම දීර්ඝ කාලීන වැඩපිළිවෙල මාස 2-3 ඇතුළත සකස් කර අවසන් කළ යුතුව ඇත.
අධ්‍යාපන අමාත්‍ය මහාචාර්ය ජී. එල්. පීරිස් ,රාජ්‍ය අමාත්‍ය සුසිල් ප්‍රේමජයන්ත යන මහත්වරුන්ගේද සහභාගිත්වයෙන් ජනමාධ්‍ය හා අධ්‍යාපන අමාත්‍යාංශ නිලධාරින් සමඟ අද (28) එම අමාත්‍යංශයේ පැවති සාකච්ඡාවකදී මේ බව පෙන්වා දුන්නේය.
ඒ අනුව අධ්‍යාපනය වෙනුවෙන් වෙනම නාලිකා කිහිපයක් ආරම්භ කරන තෙක් මෙම වැඩපිළිවෙල සතියක් ඇතුළත ආරම්භ කරන ලෙස රාජ්‍ය මාධ්‍ය ඇතුළු සියලු මධ්‍ය ආයතන වලින් ඉල්ලා සිටියේය.
වාණිජ අරමුණු පසෙකලා ජාතික වගකීමක් ලෙසින් දැයේ දරුවන්ගේ අධ්‍යාපනික අවශ්‍යතා උදෙසා මේ මොහොතේ මාධ්‍ය ආයතන ක්‍රියා කිරීම වැදගත් වේ.ඒ සඳහා මේ වන විට රාජ්‍ය හා පෞද්ගලික මාධ්‍ය ආයතන කිහිපයක්ම සාධනීය දායකත්වයක් ලබාදී ඇත.
මේ අතර අධ්‍යාපනය සදහා වෙන්වූ ගුවන් විදුලි නාලිකාවක් කඩිනමින් ආරම්භ කිරීමට මෙහිදී මෙහිදී මා ශ්‍රී ලංකා ගුවන් විදුලි සංස්ථාවට උපදෙස් ලබා දුන්නේය. එහිදී ඒ වෙනුවෙන් එකගතාවය පලවිණි.
ශ්‍රී ලංකා රූපවාහිනි සංස්ථාව පසුගිය වසරක පමණ කාලය තුළ දරුවන්ගේ අධ්‍යාපන ක්‍රියාවලිය වෙනුවෙන් විශාල දායකත්වයක් ලබා දේ.
අධ්‍යාපන අමාත්‍ය මහාචාර්ය ජී. එල්.පීරිස් මහතා කියා සිටියේ-
කොවිඩ් ව්‍යසනය මධ්‍යයේ පාසල් දරුවන්ගේ අධ්‍යාපනය නගා සිටුවීම සඳහා රූපවාහිනි ඇතුළු මාධ්‍ය යොදා ගනිමින් රජය මේ වන විට විශාල වැඩ කොටසක් කර ඇති බවය.
රාජ්‍ය අමාත්‍ය සුසිල් ප්‍රේමජයන්ත මහතා අදහස් දක්වමින් -
ඔන්ලයින් අධ්‍යාපනයට වඩා රූපවාහිනී මාධ්‍ය යොදා ගනිමින් කෙරෙන ඉගැන්වීම් ක්‍රමවේදය ඉතා සාර්ථකයි.මේ සඳහා සියලු මාධ්‍ය සාධනීය දායකත්වයක් ලබාදීම අතිශය වැදගත් වේ.දුෂ්කර පාසල් සඳහා රූපවාහිනී යන්ත්‍ර පන්දහසක් ලබාදීමට මේ වන විට වැඩපිළිවෙළක් සකස් කර තිබේ.
ජනමාධ්‍ය යොදා ගනිමින් ක්‍රියාත්මක කෙරන ඉගෙනුම් ක්‍රියාවලිය වඩාත් සාර්ථක කර ගැනීම සඳහා ජනමාධ්‍ය අමාත්‍යාංශය හා අධ්‍යාපන අමාත්‍යංශ නිලධාරීන්ගෙන් සමන්විත කමිටුවක්ද මෙහිදී පත් කෙරිණි.
ජනමාධ්‍ය අමාත්‍යංශයේ ලේකම් ජගත්.පී.විජේවීර
මහතා ඇතුළු ජනමාධ්‍ය හා අධ්‍යාපන අමාත්‍යංශයන්හි නිලධාරින්, රාජ්‍ය මාධ්‍ය ආයතන කිහිපය ප්‍රධානීන් ඇතුළු පිරිසක්ද මේ සඳහා එක්ව සිටියහ.
