ජාතික ජල සම්පාදන හා ජලාපවාහන මණ්ඩලය රුපියල් මිලියන 255 ක වියදමින් පවුල් 16,000 කට ජලය අඛණ්ඩව ලබා දීම සදහා යෝජිත කුණ්ඩසාලයේ ජල සම්පාදන සේවා වැඩි දියුණු කිරීමේ ව්‍යාපෘතිය ඊයේ (31) ආරම්භ කෙරිණි.
කෙටි කාලීන හා දිගු කාලීන වශයෙන් ප්‍රධාන කොටස් දෙකක් යටතේ කුණ්ඩසාල ප්‍රාදේශීය පානීය ජල සැපයුම් සේවා ක්‍රියාත්මක කෙරේ. දීර්ඝ කාලීන විසඳුම් යටතේ මහනුවර නැගෙනහිර ජල සම්පාදන ව්‍යාපෘතිය ක්‍රියාත්මක කරන අතර එහි ඉදිකිරීම් 2024 ජනවාරියේදී අවසන් කිරීමට අපේක්ෂිතය.
මෙම යෝජිත ව්‍යාපෘතිය මගින් කුණ්ඩසාල මැතිවරණ කොට්ඨාසයෙ ග්‍රාම නිලධාරි වසම් අසූවෙන් 77ක සේවා ආවරණය කෙරේ.මෙයට අමතරව ව්‍යාපෘතිය මගින් තවත් ප්‍රාදේශීය ලේකම් කොට්ඨාස කිහිපයක් ආවරණය කිරීමද සිදුවේ.මෙම ව්‍යාපෘතිය සඳහා රුපියල් මිලියන 21,765 ක මුදලක් ඇස්තමේන්තු ගත කර ඇති අතර ව්‍යාපෘතියට අදාළ සැළැසුම් හා ක්‍රම සම්පාදන කටයුතු සිදුවෙමින් පවතී.
ඊයේ ආරම්භ කරන ලද නව ව්‍යාපෘතිය යටතේ ග්‍රාම සේවා වසම් 32 ක ජනතාව කලක් මුහුණ දුන් ජල ගැටලුවට එමගින් විසඳුම් ලැබෙනු ඇත ඒ අනුව බලගොල්ල ජල පිරිපහදු මධ්‍යස්ථානයේ දැනට පවතින ධාරිතාව දිනකට ඝන මීටර 12000 සිට 18,000 ක් දක්වා ඉහළ නැන්වේ.
ඒ අනූව සේවා වැඩි දියුණු කිරීම යටත් මෙම ව්‍යාපෘතිය ඔස්සේ ධාරිතාව 50 % කින් ඉහළ නැන්වෙනු ඇත.
