රාජකාරී කටයුතු සඳහා පොදු ප්‍රවාහන සේවයේ ගමන් ගන්නා සියලු දෙනාට අද (09) සිට රාජකාරි හැඳුනුම්පත අනිවාර්ය බව ප්‍රවාහන රාජ්‍ය ඇමැති දිලුම් අමුණුගම මහතා ඊයේ (08) පැවසීය.
පොලිස් නිලධාරීන් විසින් අද (09) දිනයේ සිට පොදු ප්‍රවාහන සේවා අහඹු පරීක්ෂාවට ලක් කරන බවත් ඒ අනුව ඒවා භාවිත කරන්නේ, අත්‍යවශ්‍යම පිරිස් ද යන්න පිළිබඳ පරීක්ෂා කරනු ඇති බවත් හෙතෙම කීවේය.
පොදු ප්‍රවාහනය අනිසි ලෙස භාවිත කරන්නන්ට එරෙහිව නීතිය ක්‍රියාත්මක කිරීමට පියවර ගන්නා බව පැවැසු අමුණුගම මහතා පවතින තත්ත්වය හමුවේ අත්‍යවශ්‍ය පිරිස් හැර අනෙක් කිසිිවකු පොදු ප්‍රවාහන සේවය භාවිත කිරීමෙන් වැළකී සිටින ලෙස මහජනතාවගෙන් ඉල්ලා සිටියේය.
