රජයේ සංවර්ධන පණිවිඩ සාර්ථකව ජනගත කිරීමටත් යහපත් මාධ්‍ය සංස්කෘතියක් ගොඩනැංවීමටත් රාජ්‍ය මාධ්‍ය ආයතන ක්‍රියා කළ යුතුබව ජනමාධ්‍ය ඇමති ඩලස් අලහප්පෙරුම මහතා කියයි. රාජ්‍ය මාධ්‍ය ඔස්සේ තම පෞද්ගලික ප්‍රතිරූපය වර්ධනය කිරීමට කිසිසේත් අපේක්ෂා නොකරන බව පවසන ඇමතිවරයා ජනමාධ්‍ය ආයතනවල සේවය කරන පිරිසට මෙන්ම රටට වැඩදායි කාර්භාරයක් ඉටු කිරීම තම අපේක්ෂාව බවද අවධාරණය කරයි.
සිය අමාත්‍යංශයේදී ඊයේ රාජ්‍ය මාධ්‍ය ආයතන ප්‍රධානීන් හමුවු අවස්ථාවේ ඇමතිවරයා මේ කරුණු සදහන් කළේය. රාජ්‍ය මාධ්‍ය ආයතනවල වත්මන් ක්‍රියාකාරිත්වය ප්‍රගතිය මුල්‍ය තත්ත්වය හා ගැටඵ සම්බන්ධයෙන් එහිදී කරුණු සාකච්ඡා කෙරිණ.
ලබන සතියේ එක් එක් රාජ්‍ය මාධ්‍ය ආයතනවල නිලධාරින් වෙන වෙනම හමුවී ඉදිරි කටයුතු සැලසුම් කිරීමට ජනමාධ්‍ය ඇමතිවරයා අපේක්ෂා කරයි.
