පැරා ඔලිම්පික් තරගාවලියේදී ඉතිහාසයේ ප්‍රථම වරට ශ්‍රී ලංකාවට රන් පදක්කමක් හිමිකර දුන් දිනේෂ් ප්‍රියන්ත හේරත් රණවිරුවාට සුභාශිංසන පිරිනමන බව ජනාධිපති ගෝඨාභය රාජපක්ෂ මහතා පවසයි.
ජනාධිපතිතුමා සිය නිල ෆේස් බුක් පිටුවේ සටහනක් තබමින් මේ බව සඳහන් කර තිබේ.
''මෙවර ජපානයේ ටෝකියෝ නගරයේ පැවැත්වෙන පැරා ඔලිම්පික් තරගාවලියේදී ඉතිහාසයේ ප්‍රථම වරට ශ්‍රී ලංකාවට රන් පදක්කමක් හිමිකර දුන් දිනේෂ් ප්‍රියන්ත හේරත් රණවිරුවාට මාගේ සුභාශිංසන පිරිනමමි.
වරක මව්බිම රුදුරු ත්‍රස්තවාදයෙන් බේරා ගැනීමටත් මෙවර ශ්‍රී ලංකා නාමය අන්තර්ජාතික ක්‍රීඩා ඉතිහාසයේ රන් අකුරින් ලියවීමටත් අපරිමිත ව කැප වූ ඔබට මුළු මහත් ශ්‍රී ලාංකික ජනතාව වෙනුවෙන් නැවත නැවතත් ස්තූතිවන්ත වෙමි.''
