ජනමාධ්‍ය අමාත්‍යාංශය හා ශ්‍රී ලංකා විද්‍යුත් විකාශකයන්ගේ සංසදය එක්ව කෝවිඩ් 19 වසංගත රෝග ව්‍යාප්තිය වැළැක්වීමේ කාර්යය සඳහා තවදුරටත් රටේ සියලු ජනතාව දැනුවත් කිරීම හා දායක කර ගැනීමේ අරමුණින් 'වසංගතය නිමාවී වසන්තය එනවා සත්තයි' නමින් ඒකාබද්ධ සජීවී විද්‍යුත් විකාශයක් 2021.09.19 (ඉරිදා) පෙ.ව.10 - 11.00 දක්වා පැවැත්වීමට කටයුතු සූදානම් කර ඇත.

මෙම අවස්ථාව සඳහා විශේෂඥ වෛද්‍ය ආනන්ද විජේවික්‍රම මහතා, මහාචාර්ය නීලිකා මලවිගේ මහත්මිය සහ විශේෂඥ වෛද්‍ය ප්‍රියංකර ජයවර්ධන මහතා සහභාගිවීමට නියමිතය.