සියල්ලටම පෙර දරුවන්’ යන තේමාව යටතේ පැවැත්වුනු මෙවර ලෝක ළමා දිනයට සමගාමීව උතුරු පළාත කේන්ද්‍ර කරගනිමින් කාන්තා හා ළමා සංවර්ධන,පෙර පාසල් හා ප්‍රාථමික අධ්‍යාපන, පාසල් යටිතල පහසුකම් හා අධ්‍යාපන සේවා රාජ්‍ය අමාත්‍ය පියල් නිශාන්ත මහතාගේ ප්‍රධානත්වයෙන් කිලිනොච්චිය දිස්ත්‍රික් ලේකම් කාර්යාලයේදී පැවැත්විය.
කිලිනොච්චිය දිස්ත්‍රික් ලේකම් කාර්යාලයේ කාන්තා හා ළමා සංවර්ධන,පෙර පාසල් හා ප්‍රාථමික අධ්‍යාපන, පාසල් යටිතල පහසුකම් හා අධ්‍යාපන සේවා රාජ්‍ය අමාත්‍යාංශයේ ශේස්ත්‍ර නිලධාරීන් සමඟ එක්කව අමාත්‍යංශය මගින් මේ වන විට ක්‍රියාත්මක කෙරෙමින් පවතින වැඩසටහන් පිලිබඳ ප්‍රගති සමාලෝචනය කිරීමේ අවස්ථාවද මේ මොහොතේ සිදුවිය. සියළු ප්‍රාදේශිය සහ දිස්ත්‍රික්කයේ සංවර්ධන කමිටු රැස්විම් වලදී ප්‍රදේශයේ දරුවන් මුහුණ දෙන ගැටළු සම්බන්ධව සමාලෝචනය කොට ඒවාට විසඳුම් ලබාදීම ද දරුවන් සහ කාන්තාවන් ගෘහ සේවයට යොදා ගැනීමේ දී සිදුවන අකටයුතුකම් වළක්වාලීමේ අරමුණින් දේශීය ගෘහ සේවකයින් ලියාපදිංචි කිරීමේ වැඩසටහන පිළිබඳව ද පුළුල්ව මෙහිදී සාකච්ඡා විය.
පැමිණසිටි රාජ්‍ය නිලධාරීන් හට ජ්‍යෙෂ්ඨ පොලිස් අධිකාරී දර්ශිකා කුමාරි මහත්මිය විසින් කාන්තා හා ළමාරක්ෂණය පිළිබඳව විශේෂ වැඩසටහනක්ද මේ අවස්ථවේ සිදුකල අතර උතුරු පළාතේ පාසල් සඳහා ස්වයංක්‍රීය අත් පිරිසිදු කිරීමේ හා උෂ්ණත්ව මැනීමේ උපකරණ ප්‍රදානය, පෙරපාසල් සඳහා මුල්‍යමය ප්‍රතිපාදන ලබා දීම, නැගෙනහිර පළාතේ ළමා මිතුරු පාසල් වැඩසටහනේ ප්‍රතිපාදන ලිපි ප්‍රදානය, කාන්තාවන් සවිබලගැන්වීම සඳහා ස්වයං රැකියා උපකරණ ලබාදීම ඇතුළු වැඩසටහන් රාශියක් ක්‍රියාවට නැන්විය.
මෙම අවස්ථාවට උතුරු නැගෙනහිර පළාත් සම්බන්ධීකාරක බවධාරී රාජසිංහම් මහත්මිය, කාන්තා හා ළමා සංවර්ධන ,පෙර පාසල් හා ප්‍රාථමික අධ්‍යාපන, පාසල් යටිතල පහසුකම් හා අධ්‍යාපන සේවා රාජ්‍ය අමාත්‍යාංශයේ රාජ්‍ය ලේකම් කුමාරි ජයසේකර මහත්මිය ඇතුළු රාජ්‍ය අමාත්‍යංශයේ නිලධාරීන්, ජ්‍යෙෂ්ඨ පොලිස් අධිකාරී දර්ශිකා කුමාරි මහත්මිය, කිලිනොච්චිය දිස්ත්‍රික් ලේකම් ආර්. කේදිෂ්වරන් මහත්මිය ඇතුළු ප්‍රදේශයේ පොලිස් දෙපාර්තමේන්තුවේ උසස් නිලධාරින් හා ප්‍රාදේශීය ලේකම්වරුන් ඇතුළු මහත්ම මහත්මීන් පිරිසක් සහභාගී විය.
