මෙරට ජනගහනයෙන් කෝටියක් පිරිස කොවිඩ් මර්දන සයිනොෆාම් එන්නත පූර්ණ වශයෙන් ලබාගෙන අවසන් බව වසංගත රෝග විද්‍යා අංශය සඳහන් කරයි. සයිනොෆාම් දෙවැනි මාත්‍රාව 10,069,486ක් පිරිස පෙරේදා (16) වන විට ලබාගෙන අවසන්ව ඇත.
පුද්ගලයන් 40,776කට දෙවැනි මාත්‍රාව ද, පුද්ගලයන් 4760කට පළමු මාත්‍රාව ද එදින (16) ලබාදී තිබේ.
පළමු මාත්‍රාව ගත් පිරිස 11,845,098ක් බව වසංගත රෝග විද්‍යා අංශය වාර්තා කරයි. සමස්තයක් ලෙස මේ වන විට මෙරට ජනගහනයෙන් 14,777,220ක් පළමු මාත්‍රාව ද, 12,768,759ක් දෙවැනි මාත්‍රාව ද ලබාගෙන අවසන් බව එම අංශය දැනුම් දෙයි.
