බ්‍රිතාන්‍ය සහ ශ්‍රී ලංකාව අතර පවතින සබඳතා එරට නව අගමැතිවරයා ලෙස පත් වු රිෂී සුනක් මහතා යටතේ තවදුරටත් ශක්තිමත් වනු ඇතැයි ජනාධිපති රනිල් වික්‍රමසිංහ මහතා විශ්වාසය පල කරයි. බ්‍රිතාන්‍ය නව අගමැතිවරයාට සුබ පැතුම් පණිවුඩයක් යවමින් ඔහු ඒ බව සදහන් කර තිබේ. සුනාක් මහතා සතු අතිවිශාල අත්දැකීම් අගමැති ධුරයේ වගකීම් ඉටුකිරීමේදී බෙහෙවින් ප්‍රයෝජනවත් වනු ඇතැයි වික්‍රමසිංහ මහතා කියයි. ශ්‍රී ලංකාව සහ බ්‍රිතාන්‍ය සම්ප්‍රදායික ඉතිහාසයක් බෙදා ගන්නා රටවල් දෙකකි. නොබැදි රටවල් අතර පවතින ගෝලීය බ්‍රිතාන්‍ය ප්‍රතිපත්ති හා බ්‍රිතාන්‍යයේ නව ප්ලැටිනම් හවුල්කාරීත්වය මගින් දෙරට අතර ඇති සබඳතා වැඩිදියුණු කර ගැනීමට අපේක්ෂා කරන බව ජනාධිපති රනිල් වික්‍රමසිංහ මැතිතුමා සිය සුබ පැතුම් පණිවුඩයේ වැඩිදුරටත් සදහන් කර තිබේ.
නව අගමැතිවරයා යටතේ ශ්‍රී ලංකාව සහ බ්‍රිතාන්‍ය අතර සබඳතා ශක්තිමත් වනු ඇතැයි ජනාධිපතිතුමා විශ්වාසය පල කරයි.
