විදේශිය ආක්‍රමණ හේතුවෙන් රටට ඔරොත්තු නොදෙන ආර්ථික සමාජ ක්‍රමයක් බිහි වූ බව අමාත්‍ය බන්දුල ගුණවර්ධන මහතා පෙන්වා දෙයි. 75 වන නිදහස් දිනයට සමගාමිව ප්‍රවෘත්ති දෙපාර්තමේන්තුවේ අද පැවති වැඩසටහනකට එක්වෙමින් ඔහු මේ බව ප්‍රකාශ කළේය. පාසල් සිසුන් හා ගුරුවරුන් දැනුවත් කිරිම එහිදි සිදු කෙරිණ. රටේ අනාගතය භාර ගත යුත්තේ දරුවන්ය. අධ්‍යාපනය පමණක් නොව අනෙකුත් කුසලතා ද දරුවන් තුළ පවතී. තමා අධ්‍යාපන අමාත්‍යවරයාව සිටි කාලයේදි තාක්ෂණික විෂය ධාරාව පාසල් වලට හදුන්වා දුන් බව අමාත්‍යවරයා කීවේය. නිදහසින් පසු රටට හිමිවූයේ දේශපාලන නිදහසයි. එමගින් ආර්ථික නිදහස ගොඩනගා ගත යුතුව තිබිණි. එහෙත් යටත්විජිත සමයේ බිහි වූ වැවිලි ආර්ථික ක්‍රමයෙන් මිදිමට අපට නොහැකි වූ බව ගුණවර්ධන මහතා පෙන්වා දුන්නේය.
මෙහිදි අදහස් දැක්වු ජනමාධ්‍ය අමාත්‍යාංශයේ ලේකම් අනුෂ පැල්පිට මහතා සදහන් කළේ ඉදිරි වසර විසිපහක කාලය තුළදී රට ගොඩනැගීමේ කාර්යභාර්ය වත්මන් දරු පරපුර වෙත පැවරී ඇති බවයි. රට ඉදිරියට ගෙනයාමට නම් විනය. කැපවීම ආකල්ප හා ශ්‍රී ලාංකිකයන් ලෙස නැගී සිටිීමේ ඇති වැදගත්කමද ඒ මහතා පෙන්වා දුන්නේය.
රටට ඔරොත්තු නොදෙන සමාජ ආර්ථික ක්‍රමයක් බිහි වූයේ විදේශිය ආක්‍රමණ නිසා බව බන්දුල ගුණවර්ධන අමාත්‍යවරයා පවසයි
