ලේක්හවුස් ආයතනයේ සේවක සේවිකාවන් වෙනුවෙන් ක්‍රියාත්මක කළ ස්වේච්ඡාවෙන් විශ්‍රාම ගැන්වීමේ ක්‍රමය යටතේ විශ්‍රාම ලැබූවන්ට අදාළ චෙක්පත් පිරිනැමීම ආයතන පරිශ්‍රයේදී ඊයේ (31) පෙවරුවේ සිදු කෙරිණි. එහිදී ලේක්හවුස් සභාපති, මහාචාර්ය හරේන්ද්‍ර කාරියවසම් මහතා අතින් ආයතනයේ විශ්‍රාම ලත් සේවක මහත්ම මහත්මීහු තමන්ට අදාළ චෙක්පත් ලබා ගත්හ.
එසේ විශ්‍රාම ලත් සේවිකාවක් සභාපතිවරයා අතින් තමන්ගේ චෙක්පත ලබා ගත් අන්දම. නීති හා පරිපාලන අධ්‍යක්ෂ නීතිඥ ජනක රණතුංග, සාමාන්‍යාධිකාරී සුමිත් කොතලාවල, අතිරේක සාමාන්‍යාධිකාරී විරාජිත් බොයිස්, නියෝජ්‍ය සමාන්‍යාධිකාරී (දැන්වීම්) චින්තක යාපා, නියෝජ්‍ය සමාන්‍යාධිකාරී චන්දන බණ්ඩාර හා නියෝජ්‍ය සාමාන්‍යාධිකාරී (මානව සම්පත්) ප්‍රමිතා ජයමහ මහත්ම මහත්මීහු මේ අවස්ථාවට එක් වූහ
