නවතම පුවත්

කොවිඩ්-19 තර්ජනය හමුවේ ණය ගෙවීමට සහන කාලයක් දෙන්නැයි ජනපති ලෝක මූල්‍ය ආයතනවලින් ඉල්ලයි.

කොරෝනා හෙවත් කොවිඩ්-19 තර්ජනයට ගොදුරුවීමේ වැඩි අවදානමක් ඇති දියුණු වෙමින් පවතින රාජ්‍යයන් අන්තර්ජාතික මූල්‍ය ආයතනවලින් ලබාගත් ණය ආපසු ගෙවීමට සහන කාලයක් හෝ ණය කල් දැමීමේ පහසුකම් ප්‍රදානය කරන ලෙස ජනාධිපති ගෝඨාභය රාජපක්ෂ මැතිතුමා ඉල්ලා සිටී.

බහුපාර්ශවීය හා ද්විපාර්ශවීය ආධාර නියෝජිත ආයතනවලට මේ ඉල්ලීම ඉදිරිපත් කරන මෙන් ජනාධිපතිතුමා ලෝක සෞඛ්‍ය සංවිධානයේ අධ්‍යක්ෂ ජනරාල්වරයාගෙන් ඉල්ලීමක් කර ඇත.

සංවර්ධනය වෙමින් පවතින රටවලට කොවිඩි- 19 සමාජ දුරස්ථතා, මහජන සෞඛ්‍ය හා සමාජ සංරක්ෂණ පද්ධති කළමනාකරණය සඳහා මේ සහනය උපකාරී වනු ඇතැයි ජනාධිපතිතුමා පෙන්වා දෙයි.

ඇඳිරි නීතිය පිළිබඳ නිවේදනය.

දිවයින පුරා දැනට ක්‍රියාත්මක ඇඳිරි නීතිය ඉවත් කිරිම සහ නැවත පැනවීම පහත පරිදි සිදු කෙරේ.

1- කොළඹ, ගම්පහ සහ කළුතර දිස්ත්‍රික්ක තුළ දැන් ක්‍රියාත්මක ඇඳිරි නීතිය නැවත දැනුම්දෙන තුරු බලපැවැත් වේ.

2- පුත්තලම, වව්නියාව, මන්නාරම, කිලිනොච්චි, මුලතිව් සහ යාපනය දිස්‍ත්‍රික්කවල දැන් ක්‍රියාත්මක ඇඳිරි නිතිය මාර්තු 27 සිකුරාදා පෙ.ව 6.00ට ඉවත් කෙරෙන අතර, එදිනම දහවල් 12.00ට නැවත පනවනු ලැබේ.

3- සෙසු දිස්ත්‍රික්කවල දැනට ක්‍රියාත්මක ඇඳිරි නිතිය හෙට (26) බ්‍රහස්පතින්දා පෙ.ව 6.00ට ඉවත් කෙරෙන අතර, එදිනම දහවල් 12.00ට නැවත පනවනු ලැබේ.

දිවයිනේ සියලු දිස්ත්‍රික්ක අතර ගමනාගමනය සම්පූර්ණයෙන් ම තහනම් කර ඇත. එසේම විදේශීය සංචාරකයන් තැනින් තැනට ගෙන යාම ද සම්පූර්ණයෙන් තහනම් වෙයි.

ඇඳිරි නීතිය බලපැවැත්වෙන කාලය තුළ කවර දිස්ත්‍රික්කයක වුව ද ගොවිතැන් වැඩ කරන සහ කුඩා තේ වතු හා අපනයන බෝග නිෂ්පාදන ක්‍රියාවලියෙහි නිරත ජනතාවට එකී වැඩ කිරීමට අවසර ඇත. මාධ්‍ය සේවා සඳහා මෙන්ම සහල් ඇතුළු අත්‍යාවශ්‍ය ද්‍රව්‍ය හා එළවළු ප්‍රවාහනයට ඉඩ දෙනු ලැබේ. ගුවන් මගීන් සඳහා ගුවන් තොටුපළ හා වරාය සේවා පවත්වාගෙන යාමට ද අවසර ඇත.
කෘෂිකර්ම සහ වෙළෙඳ විෂයය භාර අමාත්‍යවරයා මේ කාර්යයන් විධිමත් ව පාලනය කළ යුතු බව රජය දැනුම් දෙයි.

කොරෝනා හෙවත් කොවිඩ්-19 තර්ජනයට ගොදුරුවීමේ වැඩි අවදානමක් ඇති දියුණු වෙමින් පවතින රාජ්‍යයන්අන්තර්ජාතික මූල්‍ය ආයතනවලින් ලබාගත් ණය ආපසු ගෙවීමට සහන කාලයක් හෝ ණය කල් දැමීමේ පහසුකම් ප්‍රදානය කරන ලෙස ජනාධිපති ගෝඨාභය රාජපක්ෂ මැතිතුමා ඉල්ලා සිටී.

බහුපාර්ශවීය හා ද්විපාර්ශවීය ආධාර නියෝජිත ආයතනවලට මේ ඉල්ලීම ඉදිරිපත් කරන මෙන් ජනාධිපතිතුමා ලෝක සෞඛ්‍ය සංවිධානයේ අධ්‍යක්ෂ ජනරාල්වරයාගෙන් ඉල්ලීමක් කර ඇත.

සංවර්ධනය වෙමින් පවතින රටවලට කොවිඩි- 19 සමාජ දුරස්ථතා, මහජන සෞඛ්‍ය හා සමාජ සංරක්ෂණ පද්ධති කළමනාකරණය සඳහා මේ සහනය උපකාරී වනු ඇතැයි  ජනාධිපතිතුමා පෙන්වා දෙයි.

In order to prevent uncontrolled gathering of people at market places amidst effort to combat COVID – 19, a special mechanism has been established to deliver essential food items to homes. This will be implemented through a local system in collaboration with Cooperative Societies and super market chains, Head of the Presidential Task on Continuous Supply, Operation and Coordination of Services that are essential to maintain the day to day life in the battle against COVID- 19, Basil Rajapaksa said.

The entire process should be in line with the Corona control initiatives carried out by the health sector. It is imperative to maintain the day to day life of the public. Steps have been taken to distribute food items while protecting domestic farmers and the national economy.

Mr. Basil Rajapaksa made these observations during a meeting held today (25) at the Presidential Secretariat with all District Secretaries, Heads of banks and State and private entities tasked with the supply of essential food items.

There is no shortage of rice, coconut, vegetables, eggs and chicken. Mr. Rajapaksa pointed out the possibility of distributing these items through a combined effort between Cooperative outlets and super markets after purchasing from domestic farmers. These items can be packed according to the need. Assistance of the Center for Disaster Management will be obtained for this operation.

A decision was taken to deliver medicines to the homes of regular patients who have registered at hospitals with the support of Divisional Secretaries, Public Health Officers and the security forces.

It was also discussed to implement a system to distribute medicines thorough few locally selected pharmacies to patients who purchase medicines from private pharmacies.

Heads of the banks were also advised to take action to keep the commercial banks open to facilitate trade and other essential activities.

Mr. Basil Rajapaksa requested the authorities to implement a programme to supply domestic gas at consumer’s doorstep responding to the telephone orders.

The objective of the entire project is to prevent the public from gathering at market places so that the health sector’s efforts to combat the coronavirus could be a success.

Divisional Secretaries, Grama Seva Niladharis, Agricultural Research Officers and Samurdhi Development Officers will assist this distribution process. At present, several countries have completely stopped the import and export activities.

It was discussed at length about building a stable production economy in the country while paying greater attention to the prevailing situation.

It was decided to facilitate the cultivation and fisheries activities without any interruption.

The relevant officials were advised to encourage the farmers to cultivate vegetables as well as paddy, maize, undu, green gram, cowpea and kurakkan.

Ministers Chamal Rajapaksa, Bandula Gunawardena and Douglas Devananda, Secretary to the President, Dr. P.B. Jayasundara, Secretary to the Treasury, Mr. Attygalle and Secretary, Defence, Major General Kamal Gunaratne participated in this discussion.

කොරෝනා ආසාදනය වැළැක්වීමට පියවරක් ලෙස ක්‍රියාත්මක කළ නිරෝධයන මධ්‍යස්ථානවලින් අද දින පුද්ගලයන් 208 දෙනෙකු නිරෝධායන මධ්‍යස්ථාන වලින් නිදහස් කිරීමට නියමිත බව යුද හමුදාපති ලුතිනන් ජෙනරාල් ශවේන්ද්‍ර සිල්වා මහතා පවසයි.

 COVID - 19 පැතිරීම වැළැක්වීමේ ජාතික ක්‍රියාන්විත මධ්‍යස්ථනයේ දී (24) විශේෂ ප්‍රකාශයක් නිකුත් කරමින් යුධ හමුදාපතිවරයා මේ බව කියා සිටී.

ශ්‍රී ලංකා යුද හමුදාව , ගුවන් හමුදාව හා නාවික හමුදාව විසින් සිදු කරන නිරෝධායන මධ්‍යස්ථාන අතරින් ශ්‍රී ලංකා යුද හමුදාව විසින් පවත්වාගෙන යනු ලබන කන්දකාඩු හා පුනානි කඳවුරු වල නිරෝධායනය වු 311 දෙනෙකු අද (24) දිනයේ මුදා හැරි බව යුද හමුදාපති ජෙනරාල් ශවේන්ද්‍ර සිල්වා මහතා පවසයි.

COVID - 19 පැතිරීම වැළැක්වීමේ ජාතික ක්‍රියාන්විත මධ්‍යස්ථනයේ දී අද (24) විශේෂ ප්‍රකාශයක් නිකුත් කරමින් යුධ හමුදාපතිවරයා මේ බව කියා සිටී.

නිරෝධායන මධ්‍යස්ථන 46ක් තුළ 3224ක් තවදුරටත් නිරෝධයනය වෙමින් පවතින බවත් මෙලෙස දෙවැනි කණ්ඩායම ලෙස නිරෝධායන මධ්‍යස්ථාන වෙතින් නිදහස් කිරීමට බලාපොරොත්තු වන බව කී හමුදපතිවරයා, කන්දකාඩු කඳවුරෙන් 108 දෙනෙකුද පුනානි කඳවුරෙන් 203 දෙනෙකු බස් රථ 11කින් අදාළ විවිධ ප්‍රදේශවලට ඊයේ ඔවුන් යොමු කළ බවද හමුදාපතිවරයා වැඩිදුරටත් පැවසීය.

එම පිරිස් පිටව යාමට පෙර වෛද්‍යවරුන් ගෙන්වා ඔවුන් නිවෙස් තුළ කෙසේ නිරෝධායනය විය යුතුද යන්න උපදෙස් මාලාවක් ලබාදුන් බවත් යුදහමුදාපතිවරයා වැඩිදුරටත් පැවසීය.

මෙහිදී වැඩිදුරටත් අදහස් දැක් වූ යුධහමුදාපතිවරයා පැවසුවේ, පසුගිය දිනවල යාපනයේ සංචාරය කළ ස්විට්ස්ලන්ත ජාතික දේවගැතිවරයා ඇසුරු කළ පුද්ගලයන් 17 දෙනෙකු හඳුනාගෙන ඇති අතර යාපනය දිස්ත්‍රික්කයේ ඉදි කළ නව නිරෝධායන මධ්‍යස්ථානයක ඔවුන් නිරෝධායනය සඳහා යොමුකළ බවයි.

රජයේ උපදෙස් පරිදි කොරෝනා මර්දන ජාතික මෙහෙයුම් මධ්‍යස්ථානය කේන්ද්‍ර කරගනිමින් මේ වන විට ක්‍රියාත්මක Covid-19 වෛරසය (කොරෝනා) ව්‍යාප්තවීම වැළැක්වීමේ  වැඩපිළිවෙලට පසුගිය පාර්ලිමේන්තුව නියෝජනය කළ පක්ෂ නායකයින් හා නි යෝජිතයින් ගේ සහය ගැනීමට පියවර ගන්නා බව අග්‍රාමාත්‍ය මහින්ද රාජපක්ෂ මහතා පවසයි.

මෙම තීරණය ගනු ලැබුවේ පාර්ලිමේන්තුව නියෝජනය කළ පක්ෂ නායකයින් හා නියෝජිතයින්ගේ ප්‍රධානත්වයෙන් අද (24) අරලිය ගහ මන්දිරයේ පැවැති හමුවේදීය.

එම හමුවේදී පක්ෂ නායකයින්ගෙන් ඉදිරිපත් වුනු අදහස් සළකා බලා මෙම තීරණයට එළැඹිණි.

ඒ අනුව ඉදිරියේදී පක්ෂ නායකයින් හමුවෙමින්, කොරෝනා ව්‍යාප්තිය වැළැක්වීම සම්බන්ධයෙන් ඔවුන්ගේ අදහස් යෝජනා ලබා ගනිමින් ඉදිරි ක්‍රියාමාර්ග ගැනීමට නියමිතය. කොරෝනා මර්දනයට රජය ගෙන යන ක්‍රියාමාර්ග අගය කළ පක්ෂ නායකයින් ඉදිරියේදී කෝවිඞ් 19 වෛරසය ව්‍යාප්තවීම වැළැක්වීම සඳහා රජය ගන්නා ක්‍රියාමාර්ගවලට සහාය දක්වන බව ද
පැවසූහ.

පක්ෂ නායක රැස්වීම ආරම්භයේදී සෞඛ්‍ය අධ්‍යක්ෂ ජෙනරාල්වරයා විසින් රටේ වත්මන් තත්ත්වය පිළිබදව දීර්ඝ කරුණු දැක්වීමක් සිදුකළේය.

වෛරස තත්ත්වය හේතුවෙන් ආර්ථිකයට සිදුවන හානිය සම්බන්ධවත් මෙහිදී සාකච්ඡවට ලක්වූ අතර ඉදිරියේදී ආර්ථික හානිය අවම කර ගැනීම පිළිබඳවත් පක්ෂ නායකයින් සාකච්ඡ කළහ.

අත්‍යාවශ්‍ය භාණ්ඩ බෙදා හැරීම සම්බන්ධයෙන් දැනට රජය ක්‍රියාත්මක කරන ක්‍රමවේදය ඉදිරියටත් ක්‍රියාත්මක කරන ලෙසත් තේ කර්මාන්තයට අදාළව තේ දළු නෙලීම, කර්මාන්ත ශාලා  පවත්වා ගෙන යාම මෙන්ම තොග වෙළෙද සැල් විවෘත කිරීම මගින් ජනතාවට සහන දැක්වීම සම්බන්ධවවත් සාකච්ඡවට ලක්විය.

එහිදී අග්‍රාමාත්‍යවරයා සදහන් කළේ සතොස හා සමුපකාරය මගින් අත්‍යාවශ්‍ය පාරිභෝගික භාණ්ඩ මිලදී ගැනීමේ පහසුකම් සළසා ඇති අතර ඉදිරියේදී එම යාන්ත්‍රණය තව දුරටත් විධිමත් කිරීමට  අවශ්‍ය පියවර ගන්නා බවයි.

කොරෝනා ව්‍යසනය පාලනය කිරීමට අදාල ක්‍රියාමාර්ග ගන්නා අතරේ රටේ ආර්ථිකට සිදුවූ හානිය කෙරෙහිත් මේ වන විටත් මාගේ අවධානය යොමු කර ඇති බවත් මෙහිදී අග්‍රමාත්‍යවරයා  සදහන් කළේය.

එක්සත් ජාතික පක්ෂ නායක රනිල් වික්‍රමසිංහ මහතා ද කොරෝනා වෛරසය මර්ධනය කිරීමට රජය ගෙන යන සෞඛ්‍ය වැඩපිළිවෙල අගය කරමින් සදහන් කළේ, එම වැඩපිළිවෙල තව දුරටත්  ඉදිරියට ගෙන යා යුතුව ඇති බවත් ජනතාව ඒකරාශී වීම වැළැක්වීමට ඇදිරි නිතිය තවදුරටත් ක්‍රියාත්මක කරන අතරේ අත්‍යාවශ්‍ය නොවන රජයේ සේවකයින්ගේ නිවාඩු තව දුරටත් දීර්ඝ කරන  ලෙස තමන් යෝජනා කරන බවත්ය.

හිටපු කතානායක කරූ ජයසූරිය මහතාද රජයේ වැඩපිළිවෙල අගයමින් ආර්ථීකයට වන හානිය අවම කරගනිමින් පාරිභෝගික ජනතාවට අත්‍යාවශ්‍ය පාරිභෝගික ද්‍රව්‍ය ලබා ගැනීමේ පහසුකම්  පුළුල් කරන ලෙස ඉල්ලා සිටියේය.

ඇදිරි නීතිය සමයේ ධීවරයින්ගේ මත්ස්‍ය නිෂ්පාදන අලෙවිය හා ප්‍රවාහනය සඳහා අවසර නොදීම හේතුවෙන් පැන නැග ඇති තත්ත්වය සම්බන්ධයෙන්ද මෙහිදී පක්ෂ නායකයින් පෙන්වා දුන්  අතර  ඒ අවස්ථාවේදීම නියෝජ්‍ය වැඩබලන පොලිස්පතිවරයාට උපදෙස් දෙමින් සියලූ පොලිස් ස්ථාන දැනුම්වත් කරමින් ගැටලූ විසදිමට අවශ්‍ය පියවර ගන්නා ලෙස පැවසීය.

මේ අවස්ථාවේදී පක්ෂ නායකයින් කිහිප දෙනෙක්ම නැවත පාර්ලිමේන්තුව රැස්කිරීම සම්බන්ධයෙන් යෝජනා ඉදිරිපත් කළ නමුත් බහුතරයේ අදහස වූයේ පාර්ලිමේන්තුව ජනතාවට ආදර්ශය  සපයමින් පාර්ලිමේන්තුව රැස්වෙනවා වෙනුවට පක්ෂ නායකයින් සහ නියෝජිතයින් ඇතුළත් වන පරිදි කොරෝනා මර්දනයට ජාතික වැඩපිළිවෙලක් වෙනුවෙන් දායක වීම වඩාත් සුදුසු බවයි.

මෙම අවස්ථාවට රනිල් වික්‍රමසිංහ, මෛත්‍රීරීපාල සිරිසේන, බැසිල් රාජපක්ෂ, දිනේෂ් ගුණවර්ධන, විමල් වීරවංශ, පවිත්‍රා වන්නිආරච්චි, කරු ජයසූරිය, රවුෆ් හකීම්, පී. දිගම්බරන්, මහින්ද අමරවීර,  මනෝ ගනේෂන්, අතුරලියේ රතන හිමි, ඩග්ලස් දේවානන්ද, සජිත් ප්‍රේමදාස, දයාසිරි ජයසේකර, වාසුදේව නානායක්කාර, තිස්ස විතාරණ, උදය ගම්මන්පිල, බන්දුල ගුණවර්ධන, සෙන්දිල්  තොණ්ඩමන්, එස්. සුමන්දිරන්, රිෂාඞ් බදුර්දින්, විජිත හේරත්, අග්‍රාමාත්‍ය ලේකම් ගාමිණී සෙනරත් මහතා, ආරක්ෂක අමාත්‍යංශ ලේකම් කමල් ගුණරත්න, සෞඛ්‍ය අමාත්‍යංශ ලේකම් භද්‍රානි  ජයවර්ධන, සෞඛ්‍ය සේවා අධ්‍යක්ෂ විශේෂඥ වෛද්‍ය අනිල් ජාසිංහ, වැඩ බලන පොලිස්පති ඒ. වික්‍රමරත්න, යුද හමුදාපති ශවේන්ද්‍ර සිල්වා යන මහත්ම මහත්මීන් සහභාගි වූහ.

 

කොවිඩ් 19 වෛරසය ව්‍යාප්තිය නිසා අපහසුවට පත් ජනතාවට තමා වෙත පැවරී ඇති බලතල යටතේ සහන රැසක් ප්‍රදානය කිරීමට ජනාධිපති ගෝඨාභය රාජපක්ෂ මැතිතුමා තීරණය කර ඇත.

ඇඳිරිනීතිය තිබුණත් නැතත් වෛරසය පැතිරීම වැළක්වීම සඳහා රජය ගෙන ඇති වැඩපිළිවෙලට මහජනතාවගේ පූර්ණ සහාය අතවශ්‍යයි - සෞඛ්‍ය සේවා අධ්‍යක්‍ෂ ජනරාල්

කොවිඩ්– 19 වෛරසය අසාදනය වී ඇති රෝගීන් සංඛ්‍යාව අද (24) වන විට 101 ක් බවට පත් වී ඇත. ඒ නව කොරෝනා අසාදිත පුද්ගලයින් 04 දෙනකු පිළිබඳව තහවුරු කර ගැනීමත් සමඟයි. එම රෝගීන් හතර දෙනාගෙන් ඉතාලියේ සිට පැමිණි තිදෙනකු වන අතර ඇමරිකා එක්සත් ජනපදයෙන් පැමිණි එක් අයෙකු ද ඊට ඇතුළත් වන බව සෞඛ්‍ය සේවා අධ්‍යක්‍ෂ ජනරාල් විශේෂඥ වෛද්‍ය අනිල් ජාසිංහ මහතා COVID - 19 පැතිරීම වැළැක්වීමේ ජාතික ක්‍රියාන්විත මධ්‍යස්ථනයේ දී අද (24) විශේෂ ප්‍රකාශයක් නිකුත් කරමින් කියා සිටී.

ඒ අනුව, විදේශයන් හි සිට පැමිණි පුද්ගලයින් මෙලෙස වෛරස අසාදිත රෝගීන් ලෙස තහවුරු වන බවත් කී අධ්‍යක්ෂවරයා, රජය විසින් නිවේදිත කොළඹ, ගම්පහ සහ කළුතර යන දිස්ත්‍රික්ක අවදානම් කලාප නම් කිරීමට හේතුවන්නේ මෙම COVID – 19 වෛරසය වැළඳුනු රෝගීන් 101 න් සැළකිය යුතු පිරිසක් මෙම අවදානම් කලාප ලෙස නම් කළ දිස්ත්‍රික්ක තුළ සංකිර්ණය බව හඳුනාගැනීම බව මෙහි දී ප්‍රකාශ කර සිටී.

එනිසා යම්කිසි ආකාරයකට වෙනත් පුද්ගලයින්ට රෝගය එකී දිස්ත්‍රික්ක තුන මඟින් පැතිරීමේ ආරම්භයක් විය හැකි බැවින් මෙම දිස්ත්‍රික්ක තුන සම්බන්ධයෙන් වැඩි උනන්දුවක් දැක්විය යුතු බවත්, එහි දී මේ දක්වා හඳුනාගෙන ඇති රෝගීන් 101 න් ගම්පහ දිස්ත්‍රික්කයෙන් රෝගීන් 10 ක්, කොළඹ දිස්ත්‍රික්කයෙන් 21 සහ කළුතර දිස්ත්‍රික්කයෙන් 13 ක් වශයෙන් හඳුනාගෙන ඇති බවත් කියා අනිල් ජාසිංහ මහතා මෙහි දී අවධාරණය කරන ලද්දේ, දැනට මෙම රෝගය පාලනය කරගෙන පවතින තත්ත්වය තවදුරටත් දියුණු කරගෙන මෙරටින් වෛරසය තුරන් කිරීම සඳහා රජය විසින් ගෙන ඇති වැඩපිළිවෙලට ජනතාවගේ පූර්ණ සහයෝගය ඇඳිරි නිතිය තිබුණත් නැතත් අත්‍යවශ්‍යයෙන්ම ලබා දිය යුතු බවත් ය.

ඒ අනුව, පුද්ගල දුරස්ථභාවය, සමාජ දුරස්ථභාවය ඇති කිරීමේ අරමුණින් යුතුව ඇඳිරිනීතිය පනවා ඇති බවත්, එය ඉවත් කළ ද එසේ දුරස්ථභාවයකින් යුතුව කටයුතු කිරීමට මිනිසුන් කටයුතු කළ යුතු බවත් මෙහි දී අවධාරණය කර සිටී අතර අත්‍යවශ්‍ය භාණ්ඩ මිල දී ගැනීම වැනි කාරණා කටයුතු වල දී රජය මඟින් දී ඇති නියෝගයන් පිළිපදිමින් ඇතැම් පුද්ගලයින් මීටරයක දුර පවත්වාගනිමින් තම කටයුතු කිරීම ධනාත්මක ප්‍රවර්ධනයක් බවත්, එහෙත් කුඩා වෙළදසැල් අසල ඇතැම් පුද්ගලයින් එක් රැස් වී කටයුතු කරන බවක් ද දක්නට ලැබුණු බවත් කියා සිටී අධ්‍යක්ෂකවරයා තවදුරටත් ප්‍රකාශ කර සිටියේ එවැනි එක් රැස් වීම් වළක්වා ගැනීමට මිනිසුන් විසින් කටයුතු කළ යුතු බවයි.

කොරෝනා හෙවත් COVID-19 වෛරසය රට තුළ ව්‍යාප්තිය පාලනය සහ ඒ හා සමගාමී සමාජ සුබසාධන කාර්යයන් පහසු කරනු පිණිස ජනාධිපති ගෝඨාභය රාජපක්ෂ මැතිතුමා විශේෂ අරමුදලක් ස්ථාපනය කරයි.

කොරෝනා හෙවත් COVID-19 වෛරසය රට තුළ ව්‍යාප්තිය පාලනය සහ ඒ හා සමගාමී සමාජ සුබසාධන කාර්යයන් පහසු කරනු පිණිස ජනාධිපති ගෝඨාභය රාජපක්ෂ මැතිතුමා විශේෂ අරමුදලක් ස්ථාපනය කරයි.

එය “COVID-19 සෞඛ්‍ය හා සමාජ සංරක්ෂණ අරමුදල” (COVID -19 Health Care and Social Security Fund) ලෙස නම් කර ඇත.

ජනාධිපතිතුමාගේ නියමයෙන් ජනාධිපති අරමුදල ඒ සඳහා රුපියල් මිලියන 100ක මුදලක් ප්‍රදානය කර තිබේ.
ලංකා බැංකුවේ ආයතන ශාඛාවේ වෙනම විශේෂ ගිණුමක් මේ සඳහා ආරම්භ කර ඇත. ගිණුම් අංකය 85737373 වේ.

දේශීය, විදේශීය පරිත්‍යාගශීලීනට සෞඛ්‍ය හා සමාජ සංරක්ෂණ අරමුදලට මුදලින් දායකවීමට පිළිවන. නිත්‍යානුකූල ගිණුම් මගින් අරමුදලට කෙරෙන පරිත්‍යාග මුදල් බදු සහ විදේශ විනිමය රෙගුලාසිවලින් නිදහස් කෙරේ. චෙක්පත් හෝ ටෙලි ග්‍රාෆ් සම්ප්‍රේෂණ මගින් මුදල් තැන්පත් කිරීමට පිළිවන.

“සෞඛ්‍ය සහ සමාජ සංරක්ෂණ අරමුදල” කළමනාකරණය පරිපාලන, මූල්‍ය සහ බැංකු ක්ෂේත්‍රයේ ඉහළම නිපුණතාවක් සහිත වෘත්තිකයන්ගෙන් සමන්විත මණ්ඩලයක් මගින් සිදු කරනු ඇත. අමාත්‍යංශ ලේකම්වරු, සෞඛ්‍ය අධ්‍යක්ෂ ජනරාල්, විගණන විශේෂඥයන් සහ බැංකු ප්‍රධානීහූ කළමනාකරණ මණ්ඩලයට පත් කරනු ලැබෙති.

ජාතිය මුහුණ පා සිටින වත්මන් අභියෝගය හමුවේ මානුෂවාදී හැඟීමෙන් සහ සහෝදරත්වයෙන් එකට එක්ව ක්‍රියා කරන්නැයි ජනාධිපතිතුමා ඉල්ලා සිටී.

දේශීය, විදේශීය සමාගම්වලට ද අරමුදලට දායක වීමෙන් සෞඛ්‍ය හා සමාජ සංරක්ෂණය දිරි ගැන්වීමට හවුල් විය හැකි මානුෂීය මෙහෙවරකින් සමස්ථ ප්‍රජාව දෙස බැලීමට ලැබූණු විශේෂ අවස්ථාවක් ලෙස ජනාධිපති ලේකම් ආචාර්ය පී.බී. ජයසුන්දර මහතා විශ්වාස කරයි.

විදේශ රාජ්‍යයන්, ජාත්‍යන්තර මූල්‍ය ආයතන, ශ්‍රී ලංකාවේ ප්‍රධාන පෙළේ දේශීය හා විදේශීය සමාගම් මෙහි පුරෝගාමීත්වය ගනු අතැයි අපේක්ෂා කෙරේ.

2004 සුනාමි ව්‍යසනයේ දී මෙන්ම 2009 මානුෂික මෙහෙයුම් අවසානයේ දී අපේ රටේ සමස්ථ ජනතාව නැගී සිටියේ මෙවැනිම අයුරින් බව ඔහු ප්‍රකාශ කරයි.

 
 

සියලු සහන අද (මාර්තු 23 දා) සිට ක්‍රියාත්මකයි.

1) ආදායම් හා වැට් බදු, රියදුරු බලපත්‍ර අලුත් කිරීමේ ගාස්තු රුපියල් 15,000 ට අඩු ජල, විදුලි බිල්පත්, වරිපනම් බදු, බැංකු චෙක්පත් වලංගු කාලසීමා, රුපියල් 50,000 ට අඩු මාසික ණයපත් (Credit Card) ගෙවීම් 2020 අප්‍රේල් මස 30 වන දින දක්වා දීර්ඝ කර ඇත.

2) ත්‍රිරෝද රථ හිමියන්ගෙන් ලීසිං ණය වාරික අය කරගැනීම මාස 06 කට අත්හිටුවීම.

3) රජයේ සේවකයින්ගේ හා පෞද්ගලික අංශයේ මාණ්ඩලික නොවන සේවකයින්ගේ වැටුපෙන් ණය වාරික අයකිරීම් 2020 මැයි මස 30 වන දින දක්වා අත්හිටුවා තිබේ.

4) බැංකු හා මූල්‍ය ආයතන විසින් දී ඇති රුපියල් ලක්ෂ 10 ට අඩු පෞද්ගලික ණය අයකරගැනීම මාස 03 කට අත්හිටුවා ඇත.

5) රැකියා සඳහා තෝරාගත් උපාධිධාරීන්ගේ, මාර්තු මස අභ්‍යාසලාභී දීමනාව වන රුපියල් 20,000 ඔවුන්ගේ බැංකු ගිණුමට බැර කෙරේ.

6) කොරෝනා වෛරසය මර්දනයේ නිරත සෞඛ්‍ය, පොලිස්, සිවිල් ආරක්ෂක ඇතුළු රජයේ සේවකයින් සඳහා වන අග්‍රහාර රක්ෂණ ප්‍රතිලාභ දෙගුණයකින් වැඩි කෙරේ.

7) සංචාරක, ඇගළුම්, සුළු හා මධ්‍ය පරිමාණ ව්‍යාපාර සඳහා මාස 06 ක ණය සහන කාලයක් (DEBT MORATORIUM) ක්‍රියාත්මක කිරීම හා ශ්‍රී ලංකා මහ බැංකුව එම මුදල් ප්‍රතිමූල්‍ය කිරීම.

8) ලංකා බැංකුව, මහජන බැංකුව, ජාතික ඉතිරි කිරීමේ බැංකුව, ශ්‍රී ලංකා රක්ෂණ සංස්ථාව, සේවක අර්ථසාධක අරමුදල, සේවක භාරකාර අරමුදල ඒකාබද්ධව භාණ්ඩාගාර බැඳුම්කර හා බිල්පත් වල මුදල් ආයෝජනය කිරීමේදී, එමගින් මුදල් වෙළඳපොළ 7% ක පොළී අනුපාතය යටතේ ස්ථාවර කිරීම.

9) මාසික ණය මුදල රුපියල් 50,000 දක්වා වන දේශීය ගණුදෙනු සඳහා භාවිත ණයපත් (Credit Card) සඳහා ණය පොළී අනුපාතය 15% ක උපරිමයකට යටත් කිරීම හා අවම මාසික අයකිරීම 50% කින් අඩුකිරීම.

10) ඇඳිරි නීතිය නැති අවස්ථාවල සියලුම බැංකු ශාඛා ගණුදෙනුකරුවන්ට උපරිම සේවාවක් සැලසෙන පරිදි විවෘතව තැබීම.

11) ශ්‍රී ලංකා වරාය, රේගුව හා සෙසු නියාමන ආයතන අත්‍යාවශ්‍ය ආහාර, පොහොර, ඖෂධ සහ ඉන්ධන අඛණ්ඩව අදාළ පුද්ගලයින්ට නිකුත් කළ යුතුය.

12) සමෘද්ධිලාභීන් හා සමෘද්ධි කාඩ්පත් හිමියන් සඳහා රුපියල් 10,000 ක පොළී රහිත අත්තිකාරම් මුදලක් සියලුම සමෘද්ධි බැංකු සංගම් මගින් ලබාදීම.

13) ලංකා සතොස හා සමූපකාර වෙළෙඳසැල් වැට් බදු හා වෙනත් ප්‍රාදේශීය බදු හා ගාස්තු වලින් නිදහස් කිරීම.

14) අඩු ආදායම්ලාභීන් සඳහා පෝෂණ ආහාර ද්‍රව්‍ය නිකුත් කිරීම වෙනුවෙන් සමෘද්ධි අධිකාරිය සමෘද්ධි හා අඩු ආදායම්ලාභී පවුල් සඳහා හිමිකම් සහතික පත් වහාම නිකුත් කළ යුතුය. එම පවුල්වලට වැඩිහිටියන්ට හා අඩු ආදායම්ලාභීන්ට සහල්, පරිප්පු, ලූණු ආහාර හිමිකම් සහතික පත් (Food Card) මඟින් සතිපතා ලබා දිය යුතුය.

15) COVID – 19 වෛරසය පැතිර යාම වැළැක්වීමට හා අදාළ සෞඛ්‍ය හා සමාජ සංරක්ෂණ කටයුතුවලට සහන සැලසීමට ජනාධිපති අරමුදලේ විශේෂ ගිණුමක් ලංකා බැංකුවේ විවෘත කර ඇත. ඒ සඳහා ජනාධිපති අරමුදලෙන් රුපියල් මිලියන 100 ක් තැන්පත් කර තිබේ. සියලු දේශීය හා විදේශීය පරිත්‍යාගශීලීන්ට ඊට දායක වීම සඳහා බදු හා විදේශ විනිමය පාලන සීමා ඉවත් කර ඇත.

16) SAARC රටවල කොරෝනා අරමුදලට ශ්‍රී ලංකා රජයෙන් ඇ. ඩො. මිලියන 05 ක් වෙන්කිරීම.

මේ තීරණ වහාම ක්‍රියාත්මක කරන්නැයි ජනාධිපතිතුමාගේ නියමය පරිදි ජනාධිපති ලේකම්වරයා අදාළ නිලධාරීන්ට නියම ඇත.

නවතම පුවත්

ජනපති ඓතිහාසික සෝමාවතී පුදබිමට යයි

මැයි 30, 2020
ජනතාවට සහ රටට සෙත් පතා පොළොන්නරුව ඓතිහාසික සෝමාවතී විහාර පුද බිමේ අද (30) පෙරවරුවේ පැවති…

නව ඉන්දීය මහ කොමසාරිස් ජනපති හමුවෙයි

මැයි 29, 2020
ශ්‍රී ලංකාවේ නව ඉන්දීය මහකොමසාරිස් ගෝපාල් බග්ලේ මහතා අද (29) පෙරවරුවේ ජනාධිපති කාර්යාලයේ…

ඉටුකම COVID – 19 සෞඛ්‍ය හා සමාජ ආරක්ෂණ අරමුදලේ ශේෂයරුපියල් මිලියන 1,213දක්වා ඉහළට

මැයි 29, 2020
ආයතනිකව හා පෞද්ගලිකව ලැබෙන පරිත්‍යාග හා සෘජු තැන්පතු සමග “ඉටුකම COVID – 19 සෞඛ්‍ය හා සමාජ…

මුහුණ දීමට ඇති දුෂ්කරතා කුමක් වුවද “පළමුව ජනතාව” යන ප්‍රතිපත්තිය අත්නොහරින බව ජනපති ලෝක ප්‍රජාව හමුවේ අවධාරණය කරයි

මැයි 28, 2020
මුහුණ දීමට ඇති දුෂ්කරතාව කුමක් වුවද “පළමුව ජනතාව” යන ප්‍රතිපත්තිය අත්හළ නොහැක්කේ අප වඩා…

ඇඳිරි නීතිය පිළිබඳ නවතම නිවේදනය

මැයි 22, 2020
කොළඹ සහ ගම්පහ දිස්ත්‍රීක්ක දෙකෙහි ඇඳිරි නීතිය නැවත දැනුම් දෙන තුරු දිගටම ක්‍රියාත්මකව…

ක්‍රීඩාව සම්බන්ධයෙන් ජාතික වැඩපිළිවෙලක්

මැයි 21, 2020
ක්‍රීඩාව සම්බන්ධයෙන් ජාතික වැඩපිළිවෙලක්

වෛද්‍යවරුන්ගේ විශ්‍රාම ගැන්වීමේ වයස අවුරුදු 61ක් වෙයි

මැයි 21, 2020
ශ්‍රී ලංකාවේ දැනට වෛද්‍යවරුන්ගේ විශ්‍රාම ගැන්වීමේ වයස අවුරුදු 61 දක්වා දීර්ඝ කිරීමට…

ඉටුකම COVID - 19 සෞඛ්‍ය හා සමාජ ආරක්ෂණ අරමුදලේ ශේෂය රුපියල් මිලියන 1136දක්වා ඉහළට

මැයි 21, 2020
ආයතනිකව හා පෞද්ගලිකව ලැබෙන පරිත්‍යාග හා සෘජු තැන්පතු සමග “ඉටුකම COVID – 19 සෞඛ්‍ය හා සමාජ…

ලංගම ගොඩගන්න ජනපතිගෙන් යෝජනා මාලාවක්

මැයි 21, 2020
ශ්‍රී ලංකා ගමනා ගමන මණ්ඩලය, ලාභ ලබන ප්‍රමුඛ පෙළේ ආයතනයක් බවට පත් කිරීමට ජනාධිපති ගෝඨාභය…

11 වන රණවිරු සැමරුම් උළෙල අමතා අතිගරු ජනාධිපති ගෝඨාභය රාජපක්ෂ මැතිතුමා කළ සම්පූර්ණ කතාව

මැයි 19, 2020
11 වන රණවිරු සැමරුම් උළෙල අමතා අතිගරු ජනාධිපති ගෝඨාභය රාජපක්ෂ මැතිතුමා කළ සම්පූර්ණ කතාව…

logo20190228 1

163, ඇසිදිසි මැඳුර, කිරුළපන මාවත, පොල්හේන්ගොඩ, කොළඹ 05

011-2513 459, 011-2513 460,
011-2512 321, 011-2513 498

info@media.gov.lk
facebook
twitter