නවතම පුවත්

ශ්‍රී ලංකා මහ බැංකුවේ නව අධිපතිවරයා ලෙස ආචාර්ය නන්දලාල් වීරසිංහ සහ මුදල් අමාත්‍යාංශයේ නව ලේකම්වරයා ලෙස කේ.එම්.එම්. සිරිවර්ධන යන මහත්වරු ජනාධිපති ගෝඨාභය රාජපක්ෂ මහතා විසින් පත්කර ඇත.

අදාළ පත්වීම් ලිපි ඊයේ පස්වරුවේ ජනාධිපතිවරයා විසින් භාර දෙනු ලැබිණ

බහුපාර්ශ්වික කටයුතු සහ ණය තිරසරභාවය පිළිබඳ ජනාධිපති උපදේශක කණ්ඩායමක් පත් කෙරේ. එහි සාමාජිකයන් වශයෙන් මුල්‍ය සහ ආර්ථික විශේෂඥතාව පිළිබඳ කීර්තිමත් කණ්ඩායමක් පත් කිරීමට ජනාධිපති ගෝඨාභය රාජපක්ෂ මහතා පියවර ගෙන තිබේ. ශ්‍රී ලංකා මහබැංකුවේ හිටපු අධිපති සහ පොදු රාජ්‍ය මණ්ඩලීය මහ ලේකම් කාර්යාලයේ ආර්ථික කටයුතු අංශයේ හිටපු අධ්‍යක්ෂ ආචාර්ය ඉන්ද්‍රජිත් කුමාරස්වාමි මහතා. ජෝර්ජ් ටවුන් විශ්ව විද්‍යාලයේ සංවර්ධන පරිචය පිළිබඳ මහාචාර්ය සහ ලෝක බැංකුවේ හිටපු ප්‍රධාන ආර්ථික විද්‍යාඥ ශාන්තා දේවරාජන් මහතා සහ ආයතනිය ධාරිතා සංවර්ධන ආයතනයේ හිටපු අධ්‍යක්ෂ සහ ජාත්‍යන්තර මුල්‍ය අරමුදලේ අප්‍රිකානු දෙපාර්තමේන්තුවේ හිටපු නියෝජ්‍ය අධ්‍යක්ෂ ආචාර්ය ෂාර්මනි කුරේ මහත්මිය එම උපදේශක කණ්ඩායමේ සාමාජිකයෝ වෙති. ජාත්‍යන්තර මුල්‍ය අරමුදලේ වැඩසටහන් ඉදිරියට ගෙනයාම සහ ජාත්‍යන්තර මුල්‍ය අරමුදල සමග සම්බන්ධතා පවත්වාගෙන යාම මෙම කණ්ඩායමේ ප්‍රධාන කාර්යභාරයයි.

ජාතික අර්බුදයට විසඳුම් සෙවීමට අමාත්‍ය ධුර භාරගෙන එක්වන ලෙස සියලු දේශපාලන පක්ෂවලට ජනපතිගෙන් ඇරයුම් ...

උද්ගතව ඇති ජාතික අර්බුදයට විසඳුම් සෙවීමට එක්වන ලෙස සියලු දේශපාලන පක්ෂවලට ජනාධිපති ගෝඨාභය රාජපක්ෂ මැතිතුමා ඇරයුම් කරයි. ආර්ථික හා ගෝලීය කාරණා කිහිපයක් හේතුවෙන් වත්මන් අර්බුදකාරී තත්ත්වය හටගෙන තිබේ. ආසියාවේ ප්‍රජාතන්ත්‍රවාදී රටවල් අතර ප්‍රධාන පෙළේ රටක් ලෙස ප්‍රජාතන්ත්‍රවාදී ව්‍යුහය තුළම ඊට විසඳුම් සෙවිය යුතුව ඇත.

සමස්ත රටවැසියන් සහ උපනූපන් අනාගත පරපුර වෙනුවෙන් ජාතික අවශ්‍යතාවයක් ලෙස එකමුතුව ක්‍රියාකළ යුතුව තිබේ. ඒ සඳහා අමාත්‍ය ධුර භාරගෙන ජාතික අර්බුදයට විසඳුම් සෙවීමට එක්වන ලෙස පාර්ලිමේන්තුව නියෝජනය කරන සියලු දේශපාලන පක්ෂවලට ජනාධිපතිතුමා ඇරයුම් කර සිටි.

ජනාධිපති මාධ්‍ය අංශය

අපොස උසස් පෙළ විභාගයේ 2021 (2022 ) ප්‍රයෝගික පරීක්ෂණ අද (04) සිට නියමිත පරිදි පැවැත්වීමට කටයුතු යොදා ඇතැයි විභාග කොමසාරිස් ජනරාල් එල්.එම්.ඩී.ධර්මසේන මහතා පවසයි.

පැවැති ඇදිරි නීතිය තත්ත්වය හේතුවෙන් ඊයේ (03) දින පමණක් යෙදී තිබූ ප්‍රායෝගික පරීක්ෂණ නොපැවැත්විණ.

ex22

නුගේගොඩ, ජුබිලි කණුව අසළ උද්ඝෝෂණයක නිරත පිරිස අතර සිටි සංවිධානාත්මක අන්තවාදීන් පිරිසක් කළහකාරී ලෙස හැසිරෙමින් ප්‍රචණ්ඩකාරී තත්ත්වයක් ඇති කළ බව අනාවරණ වෙයි.

යකඩ මුගුරු, කැති, පොලු රැගත් මෙම කණ්ඩායම උද්ඝෝෂණයේ නිරත පිරිස උසිගන්වා මිරිහාන පැඟිරිවත්ත පිහිටි ජනාධිපතිතුමාගේ නිවස දෙසට ගමන් කර කළහකාරී තත්ත්වය ඇති කර තිබේ.

මෙලෙස ප්‍රචණ්ඩකාරී ලෙස හැසිරුණු පිරිසෙන් බොහෝ දෙනෙක් අත්අඩංගුවට ගෙන ඇති අතර ඉන් බහුතරයක් සංවිධානාත්මක අන්තවාදීන් බව තහවුරු වී ඇත. ඔවුන් අරාබි වසන්තයක් මෙරට ඇති කරමු යන හඬ නගමින් උද්ඝෝෂණය මෙහෙයවා තිබේ.

ඉතා සැලසුම්කාරී ලෙස නිර්නාමිකව සමාජ මාධ්‍ය භාවිත කරමින් ජනතාව කෝපගන්වා රට අරාජික කිරීමේ අරමුණින් මෙම කළහකාරී තත්ත්වය සිදු කර ඇති බව අත්අඩංගුවේ පසුවන පිරිසෙන් අනාවරණය වී තිබේ.

 

බිම්ස්ටෙක් සාමාජික රටවල ආර්ථිකය යථා තත.්වයට පත්කිරීම මෙන්ම විශිෂ්ට ආර්ථික සමෘද්ධීයක් අත්කර ගැනීමට සාමාජික රටවල සහයෝගීතාව ඉහළ නැංවිය යුතු බව ජනාධීපති ගෝඨාභය රාජපක්‍ෂ මැතිතුමා පවසයි. කලාපීය රටවල් එකිනෙකා එක්ව ගොඩනැගීම. මත්ද්‍රව්‍ය ඇතුඵ මිනිස් ජාවාරම් සහ ත්‍රස්තවාදය. ආගමික අන්තවාදය වැළැක්වීම වැනි කලාපීය තර්ජන වැළැක්වීමට එක්ව ක්‍රියාකිරීම සහතික කිරීමේ වැදගත්කම ජනාධිපතිතුමා අවධාරණය කරයි.

නොරිටාකේ ලංකා පෝසිලේන් (පුද්) සමාගමේ ඉහළ කළමනාකාරීත්වය ඊයේ (29) දින අරලියගහ මන්දිරයේ දී අගමැති මහින්ද රාජපක්ෂ මහතා හමුවිය.
 
සමාගමේ විධායක උපදේශක සිරිනිමල් පෙරේරා, ජ්‍යෙෂ්ඨ අධ්‍යක්ෂ ටී.සී තෙන්නකෝන්, අධ්‍යක්ෂ/සාමාන්‍යාධිකාරී සුජාතා එගොඩගෙදර මහත්ම මහත්මීහු මෙසේ අග්‍රාමාත්‍යතුමා හමුවූහ.
 
නොරිටාකේ ලංකා පෝසිලේන් (පුද්) සමාගම මේ දක්වා ලබා ඇති ව්‍යාපාරික ප්‍රගතිය පිළිබඳව ඔවුහු මෙහි දී අග්‍රාමාත්‍යතුමා දැනුවත් කළහ.
 
ජපානයේ නොරිටාකේ සමූහ ව්‍යාපාරය සහ සිලෝන් සෙරමික් කෝපරේෂන් අතර හවුල් ව්‍යාපාර සමාගමක් ලෙස නොරිටාකේ ලංකා පෝසිලේන් (පුද්) සමාගම ආරම්භ වූයේ 1972 වසරේ දීය. එතැන් පටන් ශ්‍රී ලංකාවේ පුරෝගාමී පෝසිලේන් පිඟන් භාණ්ඩ නිෂ්පාදන ආයතනයක් බවට නොරිටාකේ ලංකා පෝසිලේන් (පුද්) සමාගම පත්ව තිබේ.

 

ඉන්දුනීසියාව හා ශ්‍රී ලංකාව  අතර ජනමාධ්‍ය  ක්ෂේත්‍රයට  අදාල සබඳතා ඉහත තලයකට ඔසවා තැබීමට දෙරටේ  ජනමාධ්‍ය ඇමැතිවරු  එකඟ වෙති. මෙරට මාධ්‍යකරුවන්ට  හා මාධ්‍යවේදය හදාරන සරසවි සිසුන්ට ශිෂ්‍යත්ව ක්‍රමයක් හදුන්වාදීමටද  ඒ යටතේ පියවර  ගැනේ.

ඉන්දුනීසියාවේ චාරිකාවක නිරත ජනමාධ්‍ය අමාත්‍ය ඩලස් අලහප්පෙරුම මහතා එරට තොරතුරු හා සන්නිවේදන අමාත්‍ය ජොනී  ජී.  ප්ලේට්  මහතා  ඇතුළු එරට  මාධ්‍ය  ක්ෂේත්‍රයේ ඉහල පෙලේ නිලධාරීන් සමඟ සාකච්ජා පැවැත්විය. දෙරටෙහි  ජනමාධ්‍ය ක්ෂ්ත්‍රයට අදාල ඵලදායි එකඟතාවයන්  ගණනාවක් ඇතිකර ගැනීමට  එහිදී  හැකිවිය .

වසර 49 කට පෙර  පිහිටුවා ගත්  ශ්‍රී ලංකා පුවත් පත් මණ්ඩලය සහ ඉන්දුනීසියානු පුවත්පත්  කොමිසම  අතර නව ප්‍රතිසංස්කරණ සඳහා වූ  අවබෝධතා ගිවිසුමක්  ඇතිකර ගැනීම  කෙරෙහිද  සාකච්ජා  වලදී අවධානය  යොමු විය. දුස්තොරතුරු සහ  සාවද්‍ය තොරතුරු, ප්‍රකාශනයේ නිදහසට බාධාවක්  හෝ  අගතියක්  නොවන  ආකාරයට කළමනාකරණය  කිරීම මෙන්ම  පාඨකයාගේ  සහ ග්‍රාහකයාගේ  පෞද්ගලික  නිදහසට  බාධාවක් නොවන ආකාරයට සුරක්ෂිත  කර ගැනීමෙහි ලා ඉන්දුනීසියාවේ  අත්දැකීම්  හුවමාරු කරගැනීමටද  එහිදී  හැකිවූ බව ජනමාධ්‍ය අමාත්‍ය  ඩලස් අලහප්පෙරුම  මහතා  පවසයි.

"විශ්වාසය හා  සහෝදරත්වය පිරුනු  එම සාකච්ජා  තුළින්  රටක් ලෙස  අප වැදගත් ජයග්‍රහණ රැසක්  අත්කරගත් බව මාගේ විශ්වාසයයි.  ලොව සීග්‍රයෙන් වර්ධනය වන ආර්ථිකයක්  මෙන්ම  ඉහල ප්‍රජාතන්ත්‍රවාදයක් පවතින  බලගතු   රාජ්‍යයක් ලෙස  ඉදිරියට පැමිණෙන  ඉන්දුනීසියවේ රජයට  හා ජනතාවට   අපගේ හෘදයාංගම  සුභ පැතුම්  පිරිනමමින්  එම සාකච්ජා නිමකලෙමි.  ශ්‍රී ලාංකිය මානයෙන්  ඉතා ළුලදායි  එකඟතාවයන්  රැසක්  එහිදී  ඇතිකර ගැනීමට හැකිවිය.ˮ ජනමාධ්‍ය අමාත්‍ය  ඩලස් අලහප්පෙරුම  මහතා පවසයි.

මිලියන 278  ක ජනගහනයෙන් යුතු  දූපත් 17000 ක් පුරා  විහිදුනු ඉන්දුනීසියාව තුළ  මුද්‍රිත විද්‍යුත්  හා නව මාධ්‍ය ආයතන  40000 ක්  මාධ්‍යකරණයේ  නියලෙයි.   ඉන්දුනීසියානු  අත්දැකීම්  අධ්‍යයනය  කිරීම සඳහා                             ශ්‍රී ලාංකීය  නියෝජිතයන්  පිරිසක්  එම රටට පිටත් කර හැරී මටද අමත්‍යවරයා  අපේක්ෂා කරයි.                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                    

පවුල් ලක්‍ෂ 22 කට සෙත සැලසෙන හරිත දැයක් ජාතික ගෙවතු වගා සංග්‍රාමය දිප ව්‍යාප්ත මට්ටමින් අද ඇරඹෙයි.ප්‍රධාන උත්සවය ඇමති චමල් රාජපක්‍ෂ මහතාගේ ප්‍රධානත්වයෙන් පෙරවරු 9.18 ට යෙදෙන සුබ මොහොතින් කහතුඩුව පොල්ගස්ඕවිටදී ඇරඹෙයි. එම සුබ මොහොතෝදීම ජනාධිපති ගෝඨාභය රාජපක්‍ෂ මැතිතුමා ජනාධිපති මන්දිර පරිශ්‍රයේදීද අගමැති මහින්ද රාජපක්‍ෂ මහතා අරලියගහ මන්දිර පරිශ්‍රයේද ,~ ඇමති බැසිල් රාජපක්‍ෂ මහතා මුදල් අමාත්‍යංශ පරිශ්‍රයේදීද පැල රෝපණය කිරීමට නියමිතයි.රජයේ සියලුම අමාත්‍යංශ. දෙපාර්තමේන්තු හා ආයතන සුබ මොහොතින් වගා සංග්‍රාමයට එක්වනු ඇත.ප්‍රධාන උත්සවයට අමතරව දිවයිනපුරා සුබ මොහොතින් එක් එක් ප්‍රාදේශීය ලේකම් කොට්ඨාසවල එක් ග්‍රාමසේවා වසමකින් තෝරාගත් ගෙවත්තකදී මහජන නියෝජිතයන්. රාජ්‍ය නිලධාරීන්. සහ ප්‍රජා සංවර්ධන නිලධාරීන්ගේ සහභාගීත්වයෙන් වැඩසටහන ආරම්භ කෙරේ.වත්මන් ආර්ථික අභියෝග හමුවේ දේශිය ආහාර නිෂ්පාදනය ප්‍රවර්ධනයට ගෘහස්ථ මට්ටමින් ජනතාව දායක කරගැනීම හරිත දැයක් ජාතික ගෙවතු වගා වැඩසටහනේ අරමුණයි.

Share Button
 

බහු ආංශික, තාක්ෂණික සහ ආර්ථික සහයෝගීතාව පිළිබඳ බෙංගාල බොක්ක ආශ්‍රිත රටවල සංවිධානය හෙවත් බිම්ස්ටෙක් සමුළුව ජනාධිපති ගෝඨාභය රාජපක්ෂ මහතාගේ සභාපතිත්වයෙන් අද කොළඹදී රැස්වෙයි. මෙවර පැවැත්වෙන්නේ සංවිධානයේ පස්වන සමුළුව වන අතර එය දින තුනක කාලයක් කොළඹ බණ්ඩාරනායක සම්මන්ත්‍රණ ශාලාවේදී පැවැත්වේ.

මේ සඳහා රටවල් 7 ක නියෝජිතයෝ සහභාගි වෙති. ශ්‍රී ලංකාව, බංග්ලාදේශය, භූතානය, ඉන්දියාව, මියන්මාරය, නේපාලය, සහ තායිලන්තය එම රටවල් වේ. රටවල් කිහිපයක රාජ්‍ය නායකයා් සූම් තාක්ෂණය ඔස්සේ සමුඑවට සහභාගි වෙති. බෙංගාල බොක්ක ආශ්‍රිත දකුණු ආසියානු සහ අග්නිදිග ආසියානු රටවල තාක්ෂණික හා ආර්ථික සහයෝගීතාව ඇති කිරීම සමුඑවේ ප්‍රධාන අරමුණකි.

මෙහිදී බිම්ස්ටෙක් ප්‍රඥප්තිය සම්මත කර ගැනීමට සහ නීති ගිවිසුම් කිහිපයකට අත්සන් තැබීමට ද අපේක්ෂිතය.

ඇමෙරිකා එක්සත් ජනපද රාජ්‍ය දෙපාර්තමේන්තුවේ දේශපාලන කටයුතු පිළිබඳ සහකාර ලේකම් වික්ටෝරියා නුලන්ඩ් මහත්මිය ජනාධිපති ගෝඨාභය රාජපක්ෂ මහතා හමුවෙයි. ඊයේ ජනාධිපති කාර්යාලයේදී පැවති මෙම හමුවේදිී සර්වපාක්ෂික සමුඵවේදී ඉදිරිපත්වු කරුණු සහ එහි ප්‍රගතිය පිළිබඳව මෙන්ම දෙමළ ජාතික සන්ධානය සමග සිකුරාදා පැවැත්වීමට නියමිත සාකච්ඡාව පිළිබඳව ද ජනාධිපතිතුමා නුලන්ඩ් මහත්මිය දැනුවත් කර තිබේ.

දෙමළ ඩයස්පෝරාව සමග සාකච්ඡා කිරීමට කැමැත්තෙන් පසුවන බව සදහන් කළ රාජපක්ෂ මහතා උතුරු පළාතේ සංවර්ධනය වෙනුවෙන් ආයෝජනය කිරීමට ඔවුන්ට ඇරයුම් කරන බවද සදහන් කළේය. රටේ ආර්ථික අර්බුදය මගහරවා ගැනීම සදහා ජාත්‍යන්තර මුල්‍ය අරමුදල වෙත යාමට ගත් තීරණය සම්බන්ධයෙන් ද මෙහිදී ජනාධිපතිතුමා කරුණු දක්වා තිබේ. පුනර්ජනනිය බලශක්ති ප්‍රභවයන් මගින් විදුලි උත්පාදනයට ඇති අවස්ථා පුඵල් කිරීමට සහාය වන ලෙසට ජනාධිපතිතුමා වික්ටෝරියා නුලන්ඩ් මහත්මියගෙන් ඉල්ලීමක් කර ඇත.

මෙහිදී අදහස් දැක්වු නුලන්ඩ් මහත්මිය දෙමළ ඩයස්පෝරාව සමග සාකච්ඡා කිරීම සදහා ජනාධිපතිතුමා ගන්නා උත්සාහය සම්බන්ධයෙන් සිය ප්‍රසාදය පළ කළාය. හරිත තාක්ෂණය ශ්‍රී ලංකාවට හදුන්වාදීමටත්, තොරතුරු තාක්ෂණ ක්‍ෂේත්‍රයේ දියුණුව වෙනුවෙන් සහාය ලබාදීමටත් පියවර ගන්නා බව ඇය සදහන් කළාය.

 

නවතම පුවත්

ධම්මික පෙරේරා ආයෝජන ප්‍රවර්ධන අමාත්‍ය ධුරයේ දිවුරුම් දෙයි

ජූනි 24, 2022
පාර්ලිමේන්තු මන්ත්‍රී ධම්මික පෙරේරා මහතා ආයෝජන ප්‍රවර්ධන අමාත්‍ය ධුරයේ දිවුරුම් දෙයි.…

වාකරේ ගොවි බිම් නිරීක්ෂණයට

ජූනි 22, 2022
කෘෂිකර්ම අමාත්‍යංශය යටතේ ක්‍රියාත්මක කෘෂි ක්ෂේත්‍ර නව්‍යකරණ ව්‍යාපෘතිය මගින් ක්‍රියාවට…

අගමැති සහ චීනයේ නියෝජ්‍ය තානාපති අතර සාකච්ඡාවක්

ජූනි 22, 2022
අග්‍රාමාත්‍ය රනිල් වික්‍රමසිංහ මහතා සහා චීනයේ නියෝජ්‍ය තානාපති Hu Wei මහතා අතර 21 උදෑසන…

ඉන්ධන හිගය හේතුවෙන් අද සිට පොදු ප්‍රවාහන සැලැස්මක්

ජූනි 15, 2022
ඉන්ධන හිගය හමුවේ ආර්ථිකය සහ ජනජීවිතය අඩාල නොවී පවත්වාගෙන යාම අරමුණු කර අද සිට පොදු…

පොසොන් පොහෝය දින පණිවිඩය -  ජනපති

ජූනි 15, 2022
නව අරුත් සහිත අනන්‍යතාවක් සේ ම සංස්කෘතික ප්‍රබෝධයක් ඇති කළ, මහින්දාගමනය සිදු වූ පොසොන්…

පොසොන් පොහෝය දින පණිවිඩය -  අග්‍රාමාත්‍ය 

ජූනි 14, 2022
පොසොන් පොහෝ දිනය ශ්‍රී ලාංකික ජාතික සංස්කෘතියේ සමාරම්භක දිනය ලෙස චිරාගතව ශ්‍රී ලාංකික…

රාජ්‍ය මාධ්‍ය ආයතන සදහා නව ප්‍රධානීන් පත් කරයි...

ජූනි 13, 2022
රාජ්‍ය මාධ්‍ය ආයතන සදහා නව සභාපතිවරුන් පුමුඛ අධ්‍යක්ෂ මණ්ඩල සමාජිකයන් පත්කර තිබේ .…

වරාය නගර ව්‍යාපෘතියට විදේශ ආයෝජන ආකර්ෂණය සඳහා සුවිශේෂී බදු සහන

ජූනි 07, 2022
වරාය නගර ව්‍යාපෘතිය සඳහා විදේශ ආයෝජන ආකර්ෂණය කරගැනීම සඳහා සුවිශේෂී බදු සහන වර්ෂ 40ක…

පාර්ලිමේන්තු ලේඛන මෘදු පිටපත් ලෙස පමණක් ප්‍රකාශයට පත් කිරීමට තීරණයක්

ජූනි 07, 2022
පාර්ලිමේන්තුවට ඉදිරිපත් කරනු ලබන මුද්‍රිත වාර්ෂික වාර්තා ඇතුළු ලේඛන මෘදු පිටපත් ලෙස පමණක්…

අමාත්‍ය මණ්ඩල තීරණ- 2022-06-06

ජූනි 07, 2022
අමාත්‍ය මණ්ඩල තීරණ- 2022-06-06

logo20190228 1

163, ඇසිදිසි මැඳුර, කිරුළපන මාවත, පොල්හේන්ගොඩ, කොළඹ 05

011-2513 459, 011-2513 460,
011-2512 321, 011-2513 498

info@media.gov.lk
facebook
twitter