නවතම පුවත්

හොරණ, ගෝනපොල ඔලබොඩුව ඓතිහාසික රාජමහා විහාරස්ථානයේ දී ජාතික වෙසක් උත්සවය නිමිත්තෙන්  ඊයේ (07) පැවති සර්ව රාත්‍රික පරිත්‍රාණ ධර්ම දේශනාවට ජනාධිපති ගෝඨාභය රාජපක්ෂ මැතිතුමා ද සහභාගී විය.

විහාරස්ථානය වෙත ගිය ජනාධිපතිතුමා විහාරාධිපති ශාස්ත්‍රවේදී පූජ්‍ය උඩුවේ හේමාලෝක හිමියන් බැහැ දැක කෙටි පිළිසඳරක නිතර විය.

අනතුරුව ආගමික වතාවත්හි නිරත වූ රාජපක්ෂ මැතිතුමා සහ මැතිණිය සර්වඥ ධාතුන් වහන්සේ වැඳපුදාගෙන ආශිර්වාද ලබා ගත්හ.

රාජ්‍ය වෙසක් උත්සවය නිමිත්තෙන් ජනාධිපතිතුමා විශේෂ සමරු සටහනක් ද තැබීය.

සාධාතුක කරඬුවවැඩම කරවීම සහ චාරිත්‍රාණුකූලව සර්ව රාත්‍රික ධර්ම දේශනයට  ආරාධනා කිරීම ජනාධිපතිතුමා විසින් සිදු කෙරිණ.

කොළඹ නව කෝරළයේ ප්‍රධාන අධිකරණ සංඝනායක ආචාර්ය පූජ්‍ය දිවියගහ යසස්සි ස්වාමින් වහන්සේ, ඉතාලියේ මිලානෝ නුවර ලංකාරාමාධිපති පූජ්‍ය ඔලබොඩුවේ ධම්මික ස්වාමින් වහන්සේ ප්‍රධාන දිවයිනේ ප්‍රදේශ කිහිපයකින් වැඩම කළ මහ සංඝරත්නය ඊට එක්ව සිටියහ.

 
 

ශ්‍රී ලංකා විදේශ සේවා නිලධාරීන්ගේ සංගමය රුපියල් මිලියන 2.8ක පරිත්‍යාගයක් COVID – 19 සෞඛ්‍ය හා සමාජ ආරක්ෂණ අරමුදල වෙනුවෙන් ජනාධිපති ගෝඨාභය රාජපක්ෂ මැතිතුමා වෙත පසුගියදා පිළිගැන්වීය. අමාත්‍ය දිනේෂ් ගුණවර්ධන මහතා ද ඊට එක් විය.

සබරගමුව පළාත් සභා අරමුදල රුපියල් මිලියනයක්, රත්නපුරයේ ජානක රණවක මහතා රුපියල් ලක්ෂයක් සහ රත්නපුර දිස්ත්‍රීක් සෞඛ්‍ය වෛද්‍ය නිලධාරීන්ගේ සංගමය රුපියල් එක් ලක්ෂ පනස් පන්දහසක් ආරක්ෂණ අරමුදලට පරිත්‍යාග කර තිබූ අතර ඊට අදාළ චෙක්පත් පළාත් ආණ්ඩුකාර ටිකිරි කොබ්බෑකඩුව මහතා ජනාධිපතිතුමා වෙත පිළිගැන්වීය.

ශ්‍රී ලංකා මහ බැංකුවේ විශ්‍රාමික නිලධාරීන්ගේ සංගමය  රුපියල් ලක්ෂ 05ක් සහ ශ්‍රී ලංකා ටෙලිකොම් බෞද්ධ සංගමය රුපියල් ලක්ෂ 03ක් අරමුදලට පරිත්‍යාග කර තිබේ.

ලංකා සීනි පෞද්ගලික සමාගම ඝෘජුව තැන්පත් කළ රුපියල් මිලියන 3.5ක් සමඟ COVID – 19 සෞඛ්‍ය හා සමාජ ආරක්ෂණ අරමුදලේ ශේෂය දැන් රුපියල් මිලියන 900 ඉක්මවා ඇත.

ලංකා බැංකුවේ ආයතන ශාඛාවේ  අංක 85737373 දරණ  විශේෂ ගිණුමට  පරිත්‍යාග බැර කෙරේ. දෙස් විදෙස් පරිත්‍යාගශිලීහූ ගිණුමට දායක වී සිටිති. නීත්‍යානුකූල ගිණුම් මගින් අරමුදලට කෙරෙන පරිත්‍යාග මුදල් බදු සහ විදේශ විනිමය රෙගුලාසිවලින් නිදහස් කර ඇත. චෙක්පත් හෝ ටෙලි ග්‍රාෆ් සම්ප්‍රේෂණ මගින් මුදල් තැන්පත් කිරීමට පිළිවන.

දුරකථන අංක 011 – 2354479 / 011 – 2354354 ඔස්සේ අධ්‍යක්ෂ ජනරාල් (පරිපාලන) මේජර් ජෙනරාල් (විශ්‍රාමික) කේ.බී. එගොඩවෙලේ මහතා අමතා වැඩි විස්තර දැන ගැනීමට  හැක

ශ්‍රී ලංකා විදේශ සේවා නිලධාරීන්ගේ සංගමය රුපියල් මිලියන 2.8ක පරිත්‍යාගයක් COVID – 19 සෞඛ්‍ය හා සමාජ ආරක්ෂණ අරමුදල වෙනුවෙන් ජනාධිපති ගෝඨාභය රාජපක්ෂ මැතිතුමා වෙත පසුගියදා පිළිගැන්වීය. අමාත්‍ය දිනේෂ් ගුණවර්ධන මහතා ද ඊට එක් විය.

සබරගමුව පළාත් සභා අරමුදල රුපියල් මිලියනයක්, රත්නපුරයේ ජානක රණවක මහතා රුපියල් ලක්ෂයක් සහ රත්නපුර දිස්ත්‍රීක් සෞඛ්‍ය වෛද්‍ය නිලධාරීන්ගේ සංගමය රුපියල් එක් ලක්ෂ පනස් පන්දහසක් ආරක්ෂණ අරමුදලට පරිත්‍යාග කර තිබූ අතර ඊට අදාළ චෙක්පත් පළාත් ආණ්ඩුකාර ටිකිරි කොබ්බෑකඩුව මහතා ජනාධිපතිතුමා වෙත පිළිගැන්වීය.

ශ්‍රී ලංකා මහ බැංකුවේ විශ්‍රාමික නිලධාරීන්ගේ සංගමය  රුපියල් ලක්ෂ 05ක් සහ ශ්‍රී ලංකා ටෙලිකොම් බෞද්ධ සංගමය රුපියල් ලක්ෂ 03ක් අරමුදලට පරිත්‍යාග කර තිබේ.

ලංකා සීනි පෞද්ගලික සමාගම ඝෘජුව තැන්පත් කළ රුපියල් මිලියන 3.5ක් සමඟ COVID – 19 සෞඛ්‍ය හා සමාජ ආරක්ෂණ අරමුදලේ ශේෂය දැන් රුපියල් මිලියන 900 ඉක්මවා ඇත.

ලංකා බැංකුවේ ආයතන ශාඛාවේ  අංක 85737373 දරණ  විශේෂ ගිණුමට  පරිත්‍යාග බැර කෙරේ. දෙස් විදෙස් පරිත්‍යාගශිලීහූ ගිණුමට දායක වී සිටිති. නීත්‍යානුකූල ගිණුම් මගින් අරමුදලට කෙරෙන පරිත්‍යාග මුදල් බදු සහ විදේශ විනිමය රෙගුලාසිවලින් නිදහස් කර ඇත. චෙක්පත් හෝ ටෙලි ග්‍රාෆ් සම්ප්‍රේෂණ මගින් මුදල් තැන්පත් කිරීමට පිළිවන.

දුරකථන අංක 011 – 2354479 / 011 – 2354354 ඔස්සේ අධ්‍යක්ෂ ජනරාල් (පරිපාලන) මේජර් ජෙනරාල් (විශ්‍රාමික) කේ.බී. එගොඩවෙලේ මහතා අමතා වැඩි විස්තර දැන ගැනීමට  හැක

COVID 19 වසංගතය නිසා අඩාල වූ ආර්ථිකය යළි ගොඩනැගීමට හැකි බව ජනාධිපති ගෝඨාභය රාජපක්ෂ මැතිතුමා අවධාරණය කරයි.

ඒ සඳහා නව ආර්ථික මාදිලියක් සැකසීමේ වගකීම ආර්ථික පුනර්ජීවනය හා දරිද්‍රතාව තුරන් කිරීම සඳහා වන ජනාධිපති කාර්ය සාධක බලකායට පැවරේ. කාර්ය සාධක බලකාය විෂය ක්ෂේත්‍ර අනුව කොටස් වශයෙන් බෙදී ඉලක්කගත නව ආර්ථික සැලසුම් සකස් කර ක්‍රියාත්මක කළ යුතු බව ජනාධිපතිතුමා කියා සිටී.

මැයි 11 දා සිට යළි යථා තත්වයට පත් කෙරෙන ජන ජිවිතයත් සමග ආර්ථිකය ද නගා සිටුවීමේ අරමුණින් ජනාධිපති කාර්ය සාධක බලකාය සමග අද (06) පස්වරුවේ ජනාධිපති කාර්යාලයේ පැවති ප්‍රථම සාකච්ඡාවේදී ජනාධිපතිතුමා මේ බව සඳහන් කළේය. මෙරට ආර්ථිකයට විශාල ශක්තියක් වූ ඇඟලුම් සහ සංචාරක කර්මාන්ත නව මුහුණුවරකින් ඇරඹිය යුතු බව රාජපක්ෂ මැතිතුමා පැවසීය.

COVID 19 වෛරසය මර්දනය කර නැගී සිටින රටවල් ඉලක්ක කර ගනිමින් සංචාරකයන් ගෙන්වා ගැනීමේ හැකියාව ජනාධිපතිතුමා පෙන්වා දුන්නේය.

COVID 19 මර්දනයට ශ්‍රී ලංකාව ගත් විධිමත් ක්‍රියාමාර්ග සෙසු රටවලට පෙන්වා දෙමින් දේශීය සහ බටහිර වෛද්‍ය ප්‍රතිකාර සඳහා (medical tourism) සංචාරකයන් ආකර්ශණය කර ගැනීමට පිළිවන.

අන්තර්ජාතිකව පිළිගත් සෞඛ්‍ය සහතිකයක් සමග වීසා නිකුත් කර වැඩියෙන් වියදම් කිරීමේ හැකියාව ඇති සංචාරකයන් ගෙන්වා ගැනීමට සැලසුම් කළයුතුය.

ඇතැම් රටවල සංචාරකයෝ ශීත සෘතුවේ දී දිගුකාලයක් සඳහා වෙනත් රටවලට යති. එවැනි සංචාරකයන් ඉලක්ක කර දිගුකාලීන සංචාරකයන්(long term Tourists)   ගෙන්වා ගනිමින් සංචාරක කර්මාන්තය කඩිනමින් නගා සිටුවිය හැකි බව ජනාධිපතිතුමා පෙන්වා දුන්නේය.

දේශීය සංචාරක ව්‍යාපාරය (domestic tourism) ප්‍රවර්ධනයට වැඩි අවධානයක් යොමු කිරීමෙන් හෝටල් කර්මාන්තය ආරක්ෂා කර ගැනීමේ හැකියාව ද කෙරෙහි ද අවධානය යොමු විය.

වරාය නගරය සහ හම්බන්තොට කර්මාන්ත කලාපය කේන්ද්‍ර කර ගනිමින් විදේශීය ආයෝජකයන් ගෙන්වා ගැනීමට ඇති හැකියාව ද ජනාධිපතිතුමා පෙන්වා දුන්නේය.

විදේශ ණය වෙනුවට ආයෝජන ඉඩ ප්‍රස්ථා සැලසුම් කිරීමේ වගකීම අමාත්‍යාංශ ලේකම්වරුන්ට පවරනු ලැබීය.

ගත වූ සති කිහිපය තුළ නව නිර්මාණ රැසක් මෙරටින් බිහිව තිබේ. ඒවා ලෝක වෙළෙඳපොළට හඳුන්වාදෙමින් නව නිපැයුම් අපනයන ආර්ථිකයට දායක කර ගැනීමේ හැකියාව පිළිබඳව ද සාකච්ඡාවට ලක් විය.

ජනාධිපතිතුමාගේ අරමුණු ඉටුකර ගැනීමට නව දැක්මක් මත කටයුතු කිරීමට තම ජනාධිපති කාර්ය සාධක බලකායට ශක්තිය ඇති බව  සභාපති බැසිල් රාජපක්ෂ මහතා පැවසීය.

නව ව්‍යාපාර ආරම්භ කිරීමට සහ දැනට පවත්වාගෙන යන  මහා, මධ්‍ය, සුළු පරිමාණ ව්‍යාපාරිකයන්ට රජයේ සහාය පූර්ණව ලබාදීමට තම බලකාය මැදිහත්වන බව කාර්ය සාධන බලකායේ ප්‍රධානියා කීය.

මැයි 11 දා සිට පෞද්ගලික ආයතනවල කාර්යාල පෙ.ව 10.00 ට ආරම්භ කරන ලෙස දැනුම් දී තිබුණ ද කර්මාන්ත කටයුතු සිය අවශ්‍යතාව මත පවත්වාගෙන යා හැකිය.

රාජ්‍ය හෝ පෞද්ගලික අංශයේ සේවයේ නිරත කිසිදු අයෙකුට රැකිය අවස්ථා අහිමි නොවී රට ඉදිරියට ගෙන යාමට ගත යුතු ක්‍රියාමාර්ගද  බැසිල් රාජපක්ෂ මහතා පෙන්වා දුන්නේය.

උසස් අධ්‍යාපනය සඳහා සිසුන් විශාල පිරිසක් ලෝකයේ බොහෝ රටවලට ගොස් ඇති බව මෙරටට පැමිණීමට කර ඇති ඉල්ලීම් මගින් අනාවරණය වී තිබේ. ඉන් රටින් පිටව ගිය විනිමය සංචිත අතිවිශාලය. උසස් අධ්‍යාපන ආයතන සදහා ආයෝජන අවස්ථා පුළුල් කර එම මුදල් මෙරට රඳවා ගැනීමට ඇති හැකියාව මෙන්ම විදේශ රටවල සිසුන් ද මෙරටට ගෙන්වා ගැනීමෙන් විශාල විදේශ විනිමයක් ඉපැයිය හැකි බව ජනාධිපතිතුමා පෙන්වා දුන්නේය.

වසරකට ඖෂධ ගෙන්වීමට විශාල විනිමයක් වැය කෙරේ. ඉන් බොහොමයක් ඖෂධ මෙරටදී නිෂ්පාදනය කළ හැකිය.  ඊට අවශ්‍ය පසුබිම කඩිනමින් සැකසීමේ වගකිම ද ජනාධිපති කාර්ය සාධක බලකායට පැවරේ.

කෘෂිකර්මාන්තයට අවශ්‍ය බීජ වර්ග රැසක් මෙරටදීම නිෂ්පාදනය කිරීම කෙරෙහි ද අවධානය යොමු කෙරිණ.

ජනාධිපති ලේකම් පී.බී. ජයසුන්දර, අග්‍රමාත්‍ය ලේකම් ගාමිණි සෙනරත් යන මහත්වරු ඇතුළු අමාත්‍යාංශ ලේකම්වරු, ප්‍රමුඛ පෙළේ ව්‍යාපාර කිහිපයක හිමිකරුවෝ සාකච්ඡාවට එක්ව සිටියහ.

රාජ්‍ය වෙසක් උළෙල- අෂ්ඨ ලෝක ධර්මය හමුවේ කම්පා නොවන බෞද්ධ ජනතාව කොවිඩ්19 වසංගතයත් ධර්මය තේරුම් ගැනීමට, ලෝක ස්භාවය තේරුම් ගැනීමට පිටුවහලක් කරගන්න- අග්‍රාමාත්‍ය

we4

we3

we2

we1

මෙවර රාජ්‍ය වෙසක් උත්සවය ප්‍රකාශයට පත්කිරීම සහ ඒ සම්බන්ධයෙන් රජය විසින් ගෙන ඇති විශේෂ පියවරයන්, ප්‍රචාරක කටයුතු පිළිබඳ මාධ්‍ය ප්‍රධානීන් සමඟ සාකච්ඡාවක්, ගරු තොරතුරු සහ ජනමාධ්‍ය අමාත්‍ය බන්දුල ගුණවර්ධන මැතිතුමාගේ ප්‍රධානත්වයෙන් සහ තොරතුරු සහ ජනමාධ්‍ය අමාත්‍යංශයේ ලේකම් ඩබ්.ඒ්. චූලානන්ද පෙරේරා, බුද්ධ ශාසන, සංස්කෘතික හා ආගමික කටයුතු අමාත්‍යංශයේ ලේකම් එම්.කේ. බන්දුල හරිස්චන්ද්‍ර සහ බෞද්ධ කටයුතු කොමසාරිස් සුනන්ද කාරියප්පෙරුම යන මහත්වරුන්ගේ සහභාගීත්වයෙන් 2020.05.04 (සඳුදා) දින තොරතුරු සහ ජනමාධ්‍ය අමාත්‍යංශයේදී පැවැත්විණ.

මෙම සාකච්ඡාව සඳහා ශ්‍රී ජයවර්ධනපුර කෝට්ටේ ශ්‍රී කල්‍යාණි සාමග්‍රි ධර්ම මහා සංඝ සභාවේ මහානායක ආචාර්ය සාහිත්‍යසූරී රාජකීය පණ්ඩිත අති පූජ්‍ය ඉත්තෑපාන ධම්මාලංකාර මහා නායක ස්වාමීන් වහන්සේ, අමරපුර ශ්‍රී ධර්මරක්ෂිත නිකායේ මහා නායක ශ්‍රී ධර්මරක්ෂිත වංශාලංකාර රාජකීය පණ්ඩිත ශාස්ත්‍රපති ප්‍රඥාසිංහ ධර්මකීර්ති ශ්‍රී අතිපූජ්‍ය ත්‍රිකුණාමලයේ ආනන්ද මහා නායක ස්වාමීන් වහන්සේ, බස්නාහිර පළාත් ප්‍රධාන සංඝනායක, නාරාහේන්පිට අභයාරාමාධිපති පූජ්‍ය මුරුත්තෙට්ටුවේ ආනන්ද නායක ස්වාමීන් වහන්සේ, පුජ්‍ය මහාචාර්ය මැදගොඩ අභයතිස්ස නායක ස්වාමීන් වහන්සේ, පුජ්‍ය මහාචාර්ය ඉ‍දුරාගාරේ ධම්මරතන නායක ස්වාමීන් වහන්සේ, පූජ්‍ය මහාචාර්ය මාගම්මන පඤ්ඤානන්ද ස්වාමීන් වහන්සේ, බෙල්ලන්විල රජමහා විහාරාධිපති පූජ්‍ය ආචාර්ය බෙල්ලන්විල ධම්මරතන නායක ස්වාමීන් වහන්සේ, කොළඹ 02  හුනුපිටිය ගංගාරාම විහාරාධිකාරි පුජ්‍ය ආචාර්ය කිරින්දේ අස්සජි  නායක ස්වාමීන් වහන්සේ, ශාස්ත්‍රවේදී පූජ්‍ය අග්‍රහැරේ කස්සප ස්වාමීන් වහන්සේ ඇතුළු සංඝයා වහන්සේ සහභාගිවූහ.

 

ගිවිසුම් අත්සන් කළත් ලෝක බැංකු අාධාර තාම එවා නෑ. විදේශ ආධාර වශයෙන් ද්‍රව්‍යමය ආධාර ලැබුණා. අගමැතිගේ වැඩසටහනට හිටපු මන්ත්‍රීන්ගේ ප්‍රසාදය. අගමැති හිටපු පාර්ලිමේන්තු මන්ත්‍රීන් හමුවේ කියයි.

කොවිඩ් 19 වෛරස තත්ත්වයට අදාළව මූල්‍යමය වශයෙන් මෙරටට විදේශ ආධාර ලැබී නැතැයි අග්‍රාමාත්‍ය මහින්ද රාජපක්ෂ මහතා පැවසීය.

අග්‍රාමාත්‍යවරයා මෙසේ පැවසුවේ අරලියගහ මන්දිරයේ දී හිටපු පාර්ලිමේන්තු මන්ත්‍රීවරුන්ගේ සහභාගීත්වයෙන් ඊයේ (04) පැවැති සාකච්ඡාවට එක්වෙමිනි. කොරෝනා වෛරසය ආසාධිත පළමු රෝගියා වාර්තාවීමේ සිට වෛරසය මැඬ පැවැත්වීමට රජය විසින් ගත් ක්‍රියාමාර්ග සම්බන්ධයෙන් මෙන්ම රෝගය පාලනය කිරීම සඳහා ගෙන යන නිරෝධායන වැඩපිළිවෙළ සම්බන්ධයෙනුත් සෞඛ්‍ය අධ්‍යක්ෂ ජනරාල්වරයා හා බුද්ධි අංශ විසින් මෙහි දී හිටපු පාර්ලිමේන්තු මන්ත්‍රීවරුන් දැනුවත් කළහ.

විදේශ ආධාර ලැබීම හා වියදම් කිරීම සම්බන්ධයෙන් විපක්ෂයෙන් විවිධ චෝදනා එල්ල වන බැවින් ඒ පිළිබඳ නිසි දැනුම්වත් කිරීමක් අවශ්‍ය බව මෙහි දී හිටපු පාර්ලිමේන්තු මන්ත්‍රී මහින්දානන්ද අලුත්ගමගේ මහතා සඳහන් කළේය.

විදේශ ආධාර සම්බන්ධයෙන් නිවැරැදිව තොරතුරු පැවසීමේ හැකියාව ඇත්තේ මුදල් අමාත්‍යාංශ ලේකම්වරයාට බව සඳහන් කළ අග්‍රාමාත්‍යවරයා මේ සම්බන්ධයෙන් අදහස් දැක්වීමේ අවස්ථාව මුදල් අමාත්‍යාංශ ලේකම් එස්. ආර්. ආටිගල මහතාට ලබා දුන්නේය. ලෝක බැංකුව වත්මන් ව්‍යසනකාරී තත්ත්වය හමුවේ අමෙරිකන් ඩොලර් මිලියන 127ක ආධාරයක් ලබාදීමට එකඟ වී ඊට අදාළ ගිවිසුම් අත්සන් තබා ඇති නමුත් මෙතෙක් එම මුදල් මෙරටට ලැබී නැතැයි ද අදාළ මුදල් ඉදිරියේ දී ලැබීමට නියමිතව ඇතැයි ද එහි දී මුදල් අමාත්‍යාංශ ලේකම්වරයා පැවසීය.

සෞඛ්‍ය අමාත්‍යාංශයේ සහ කෝවිඩ් සම්බන්ධ වියදම් පියවා ගැනීම සඳහා එම මුදල් හිමි වන බවත්, මීට අමතරව විදේශ ආධාර වශයෙන් ද්‍රව්‍යමය ආධාර සෞඛ්‍ය අමාත්‍යාංශයට ලැබී ඇති බවත් ඒ මහතා පැවසීය. රැකියා සඳහා කොළඹට පැමිණි එහෙත් කොරෝනා වෛරස තත්ත්වය හේතුවෙන් නිවෙස්වලට යෑමට නොහැකිව නවාතැන්වලට සීමාවී සිටින උතුරු නැඟෙනහිර ජනතාවට නිවෙස්වලට යෑමට විධිමත් වැඩපිළිවෙළක් සකසා දෙන ලෙස මෙයට එක් වූ උතුරු නැඟෙනහිර නියෝජනය කළ හිටපු පාර්ලිමේන්තු මන්ත්‍රීවරු පෙන්වා දුන්හ.

පී. සී. ආර්. පරීක්ෂණ ප්‍රමාණය වැඩ කිරීමට රජයේ අවධානය යොමු කළ යුතු බව මේ අවස්ථාවට එක් වූ බොහෝ මන්ත්‍රීවරුන්ගේ අදහස වූ අතර, ඒ සඳහා හිටපු පාර්ලිමේන්තු මන්ත්‍රීවරුන්ගේ මාසික විශ්‍රාම වැටුප පරිත්‍යාග කිරීමට වුව ද හැකි බව පෙන්වා දුන්නේය.

වෛරස තත්ත්වය හේතුවෙන් නිවෙස්වලට සිමා වී සිටින දරුවන්ගේ ප්‍රශ්නවලට අග්‍රාමාත්‍යවරයා විසින් පිළිතුරුදීමේ වැඩසටහනට හිටපු මන්ත්‍රීවරුන්ගේ ප්‍රසාදය හිමි වූ අතර, එවැනි වැඩසටහන් තව තවත් ක්‍රියාත්මක කළ යුතු බව ද එහි දී යෝජනා විය.

මේ අවස්ථාවට එක් වූ දෙමළ ජාතික සන්ධානයේ නායක ආර්. සම්බන්ධන් මහතා විසින් යෝජනාවලියක් අගමැතිවරයාට භාරදීම ද සිදුවිණි.

කෝවිඩ් 19 වෛරස තත්ත්වය පාලනය කිරීම සඳහාත් ජන ජිවිතය යථා තත්ත්වයට පත් කිරීමට අදාළවත් හිටපු මන්ත්‍රීවරුන්ගේ අදහස් හා යෝජනා රැසක් මෙහිදී ඉදිරිපත් කළ අතර, ඉදිරිපත් වූ යෝජනා සහ අදහස් සාකච්ඡාවට ලක්කර සුදුසු යෝජනා ඉදිරියේ දී ක්‍රියාත්මක කිරීමට පියවර ගන්නා බවත් සාකච්ඡාව අවසානයේ දී අග්‍රාමාත්‍ය මහින්ද රාජපක්ෂ මහතා පැවසීය. මේ අවස්ථාවට ශ්‍රී ලංකා පොදුජන පෙරමුණ, ශ්‍රී ලංකා නිදහස් පක්ෂය, මහජන එක්සත් පෙරමුණ, පිවිතුරු හෙළ උරුමය, ලංකා කම්කරු කොංග්‍රසය, ජාතික නිදහස් පෙරමුණ, දෙමළ ජාතික සන්ධානය, ඉලංකෙයි තමිල් අරසුකච්චි, ඊළාම් ජනතා ප්‍රජාතන්ත්‍රවාදී පක්ෂය, ප්‍රජාතන්ත්‍රවාදී වාමාංශික පෙරමුණ, All Ceylon Muslim Congress, දේශවිමුක්ති ජනතා පක්ෂය, ශ්‍රී ලංකාවේ කොමියුනිස්ට් පක්ෂය, ලංකා සම සමාජ පක්ෂය, ශ්‍රී ලංකා මහජන පක්ෂය, ප්‍රජාතන්ත්‍රවාදී ජනතා පෙරමුණ යන පක්ෂවල හිටපු මන්ත්‍රීවරුන් රැසක් සහභාගි වී සිටියහ.

අග්‍රාමාත්‍ය ලේකම් ගාමිණී සෙනරත්, මුදල් අමාත්‍යාංශ ලේකම් ඇතුළු රාජ්‍ය නිලධාරීන්, සෞඛ්‍ය අංශ ප්‍රධානීන්, ආරක්ෂක අංශ ප්‍රධානීන් ඇතුළු කොවිඩ් -19 ජනාධිපති කාර්ය සාධක බළකායේ සාමාජිකයන් ද ඊට එක්ව සිටියහ.

ධනුෂ්ක ගොඩකුඹුර සහ චමීර ඇල්ලදෙණිය

ඡායාරූප - තුෂාර ප්‍රනාන්දු සහ අගමැති මාධ්‍ය අංශය

කොවිඩ් 19 මරණ අනුපාතය 0.97%යි
හඳුනා ගත් පොකුරු 31න් 27ක් ම දැනටමත් අක්‍රීයයි

නොබැඳි ජාතීන්ගේ ඔන්ලයින් නායක සමුළුව අමතමින් ජනාධිපති කියයි

ශ්‍රී ලංකාව කොවිඩ් 19 උවදුර පාලනය කිරීමටත් ක්‍රමයෙන් මැඩ පැවැත්වීමටත් සමත්ව සිටින බව නොබැඳි ජාතීන්ගේ ඔන්ලයින් නායක සමුළුව අමතමින් ජනාධිපති ගෝඨාභය රාජපක්ෂ මහතා ඊයේ (04) ප්‍රකාශ කළේය.

මෙරට දී කරන ලද පී. සී. ආර් පරීක්ෂණවලින් රෝගීන් බවට සනාථ වී ඇත්තේ සියයට 3ක් පමණක් බව පැවසූ ජනාධිපති රාජපක්ෂ මහතා කොවිඩ් 19 වෛරසයේ මරණ අනුපාතය සියයට 0.97ක් වැනි ඉතා අඩු අගයක පවතින බවත් පැවසීය.

කොවිඩ් 19 වෛරසයේ හඳුනා ගත් පොකුරු 31න් 27ක් ම දැනටමත් අක්‍රීය කර ඇති බව ප්‍රකාශ කළ ජනාධිපතිවරයා ඉතිරි පොකුරු 4ද දැඩි පාලනයක් යටතේ තබාගෙන පොදු ජනතාව අතරට රෝගය පැතිරීම වැළක්වීමට පියවර ගෙන තිබෙන බවත් අවධාරණය කළේය.

මනාව ස්ථාපිත නිවාරණ යාන්ත්‍රණයක් සහිත, රට පුරා ව්‍යාප්ත විශිෂ්ට නිදහස් සෞඛ්‍ය සේවාවක් හිමි ශ්‍රී ලංකාවට කොවිඩ් 19 මරණීය වෛරසයේ ව්‍යාපත්තිය පාලනය කිරීමේ දී එකී මහජන සෞඛ්‍ය ක්‍රියාදාමයේ දායකත්වය ලැබුණු බවත් ජනාධිපති ගෝඨාභය රාජපක්ෂ මහතා ප්‍රකාශ කළේය.

කොවිඩ් 19 වසංගතය සම්බන්ධයෙන් ශ්‍රී ලංකාවට ඇති අත්දැකීම් සහ එය පාලනය කිරීමේ දී අත්කරගත් ජයග්‍රහණ නොබැඳි ජාතීන්ගේ සාමාජික ජාතීන් සමඟ බෙදාගැනීමට අපේක්ෂා කරන බවත් ජනාධිපති රාජපක්ෂ මහතා ප්‍රකාශ කළේය.

මෙම වසංගතයේ දීර්ඝකාලීන සමාජ ආර්ථික ප්‍රතිවිපාකවලට මුහුණදීමට ගන්නා බහුපාර්ශ්වීය පියවරවලට සම්පූර්ණ සහාය පළ කරන බවත් පැවසූ ජනාධිපති රාජපක්ෂ මහතා මෙසේ ද ප්‍රකාශ කළේය.

පළමුවෙන් මා නොබැඳි ව්‍යාපාරයේ සභාපති අසර්බයිජානයේ ජනාධිපති ඊලම් අලියෆ් මහතා ලොව අද මුහුණ පා සිටින වත්මන් යුගයේ බලවත්ම අභියෝගයක් පිළිබඳව සාකච්ඡා කිරීමට මේ නායක සමුළුව කැඳවීමටගත් කාලීන තීරණයට මාගේ ප්‍රසාදය පළ කරමි.

කොවිඩ් - 19 වසංගතයට මුහුණ දීම සඳහා ගෝලීය සබඳතාව, එක්සත්කම සහ බහු පාර්ශ්වීය සහයෝගතාව අරමුණු කරගත් මේ සමුළුවට සහභාගී වීමට මට ලැබුණු අවස්ථාව ගැන සතුටු වෙමි.

ශ්‍රී ලංකාව තරයේ විශ්වාස කරන්නේ දරුණු වෛරස වසංගතය පරාජය කිරීම සඳහා එකිනෙකාගේ අත්දැකීම් සහ හැකියාවන් මෙන්ම උගත් පාඩම් ද බෙදාගැනීම උදෙසා සාමූහික ගෝලීය ක්‍රියා මාර්ගයක් සඳහා නොබැඳි සමුළුව වැදගත් වේදිකාවක් බවය.

මෙම වසංගතයෙන් සිය ආදරණීයයන් අහිමි වූ සියලු දෙනා වෙත මම දැඩි සංවේගය පළ කරමි. ඒ අතරම, ශ්‍රී ලංකාවේ සහ ගෝලීය වශයෙනුත් අර්බුදය මැඩලීමට ඉදිරි පෙරමුණේ සේවය කරන සෞඛ්‍ය කේෂ්ත්‍රයේ සහ වෙනත් අත්‍යවශ්‍ය සේවක පිරිස් දක්වන කැපවීම සහ පරිත්‍යාගශීලී ගුණය ගැන මම බලවත් ප්‍රසාදය පළ කරමි.

අප සියලුම රටවලටත් ජනතාවන්ටත් පෙර නොවූ විරූ මට්ටමේ හානි ගෙනදෙමින්, ආර්ථිකයන්ට ප්‍රහාර එල්ල කරමින් මේ වසංගතය අපේ සෞඛ්‍ය සේවාවන්ට සමාජයීය සහ මානසික ආතතීන් ඇතිකරමින් උදා කළ බිහිසුණු තත්ත්වය ගැන ශ්‍රී ලංකාව දැඩි කම්පනයට පත්ව සිටී.

එබැවින් ශ්‍රී ලංකාව මේ නායක සමුළුවේ ප්‍රකාශනයට අනුමැතිය පළ කරයි.

පෙර නොවූ විරූ මේ අභියෝගයට මුහුණ දීම සඳහා ගෝලීය එකමුතුබව සහ සාමූහික ක්‍රියාමාර්ග අත්‍යවශ්‍ය ප්‍රමුඛතා වෙති. එබැවින් ශ්‍රී ලංකාව මෙම වසංගතයේ දීර්ඝ කාලීන සමාජ ආර්ථික ප්‍රතිවිපාක වලට මුහුණ දීමට ගන්නා බහුපාර්ශවීය පියවර වලට සම්පූර්ණ සහාය පළ කරයි.

සාමාජික රටවල මානුෂික සහ සෞඛ්‍ය සේවා අවශ්‍යතා පිළිබඳ තොරතුරු පද්ධතියක් සකස් කොටමේ රටවල මූලික අවශ්‍යතා ආධාර දෙන රටවලට සහ ආයතනවලට දැන්වීම සඳහා නොබැඳි කාර්ය සාධක බළකායක් බිහිකිරීමට ගත් කාලෝචිත පියවරට ශ්‍රී ලංකාව සහාය පළ කරයි.

කොවිඩ් – 19 ගෝලීය මානුෂවාදී ප්‍රතිචාර සැලැස්ම සහ එක්සත් ජාතීන්ගේ ප්‍රතිචාර සහ ප්‍රතිකර්ම අරමුදල පිහිටුවීම අපි අගය කරමු.

වසංගතයට මුහුණ දීමේ ගෝලීය ප්‍රතිචාරය හැඩගැස්වීමෙහි ලා මහඟු කාර්යභාරයක් ඉටුකරන ලෝක සෞඛ්‍ය සංවිධානයේ ව්‍යායාමයට ශ්‍රී ලංකාව සහය පළ කරයි.

ශ්‍රී ලංකාව කොවිඩ් -19 උවදුර පාලනය කිරීමටත් ක්‍රමයෙන් මැඩ පැවැත්වීමටත් සමත් වී ඇත. මේ රටේ කරන ලද පී සී ආර් පරීක්ෂණ වලින් රෝගීන් බව සනාථ වී ඇත්තේ සියයට 3ක් පමණි. මේ දක්වා මරණ අනුපාතය 0.97% ක් වැනි ඉතා අඩු අගයක පවතී.

පෙබරවාරි ආරම්භයේදී මගේ රජය විසින් වසංගතය පැතිරීම වැළැක්වීම සඳහාත්,වසංගතයේ ව්‍යාප්තිය නිරීක්ෂණය කරනු සඳහාත්, ජ්‍යෙෂ්ඨ සෞඛ්‍ය නිලධාරීන්ගෙන්, ජ්‍යෙෂ්ඨ හමුදා නිලධාරීන්ගෙන් සහ පරිපාලන නිලධාරීන්ගෙන් සමන්විත කාර්ය සාධක බළකායක් පත් කරනු ලැබීය.

ප්‍රථම ශ්‍රී ලාංකික කොවිඩ් - 19 රෝගියා වාර්තා වූයේ මාර්තු මස 11 වනදාය. ආරම්භයේ දී හමු වූ රෝගීන් පිටරට සිට පැමිණි අය වූහ. එතැන් සිට මේ දක්වා රෝගීන් 717ක් සොයාගෙන ඇති අතර ඔවුන්ගෙන් 183 දෙනෙක් සුවය ලබා රෝහල් වලින් පිටව ගියහ. 527 දෙනෙක් ආසාදිතයන් ලෙස ප්‍රතිකාර ලබති. මොවුන්ගෙන් ඉතා වැඩි පිරිසට රෝග ලක්ෂණ නොතිබිණ.

 

අපි සුවිශේෂ පියවර කීපයක් ගැනීමට සමත් වූයෙමු. ආරක්ෂක හමුදා විසින් පාලනය කරන නිරෝධායන මධ්‍යස්ථාන පිහිටුවීම සහ රෝගීන් හඳුනාගැනීම සඳහා රාජ්‍ය බුද්ධි අංශ යෙදවීම සහ පොලීසිය සහ මහජන සෞඛ්‍ය පරීක්ෂකවරුන් ආසාදිතයන් ඇසුරු කළ අය හඳුනා ගැනීමට යෙදවීම ඒ අතර වෙයි.

මෙම පියවර දෙක වසංගතය පැතිරීම හොඳින් පාලනය කිරීමට සෞඛ්‍ය බලධාරීන්ට සාර්ථක පියවර ගැනීමට උපකාරී විය.

රෝගියෙකු සොයාගත් වහාම එම රෝගියා සමග සබඳතා පැවැත්වූ පුද්ගලයින් සියලු දෙනා යුහුසුළුව සොයාගෙන රෝගී පොකුරු හඳුනාගැනීමටත් අපට හැකි විය. එක් පොකුරක් හඳුනාගත් වහාම එම සියලුම පුද්ගලයින් විශේෂිත නිරෝධායන මධ්‍යස්ථානවලට හෝ ස්වයං නිරෝධායනයට යොමු කරන ලදී. මුළු ප්‍රදේශයක්ම රෝගයට ගොදුරු වූයේ නම් මුළු ප්‍රදේශය ම වසා දමා නිරෝධායනය කරනු ලැබේ. ඒ අනුව හඳුනාගත් පොකුරු 31 න් 27 ක්ම දැනටමත් අක්‍රිය කර තිබේ. ඉතිරි 4 ද දැඩි පාලනය යටතේ තබාගෙන පොදු ජනතාව අතරට රෝගය පැතිරීම වැළැක්වීමට පියවර ගෙන ඇත.

පී සී ආර් පරීක්ෂණ පුළුල්ව සිදුකළ අතර සෞඛ්‍ය බලධාරීහූ තව තවත් පී සී ආර් පරීක්ෂණ අඛණ්ඩව කරමින් සිටිති.

මානව ස්ථාපිත නිවාරණ යාන්ත්‍රණයක් සහිත රට පුරා ව්‍යාප්ත විශිෂ්ට නිදහස් සෞඛ්‍ය සේවාවක් හිමි ශ්‍රීලංකාවට එකී මහජන සෞඛ්‍ය ක්‍රියාදාමය භාවිත කරමින් මේ මරණීය වෛරසයේ ව්‍යාප්තිය පාලනය කිරීමට හැකි වී තිබේ.

සෞඛ්‍ය බලධාරීන්ට සහ කොවිඩ් – 19 පැතිරීම පාලනය කිරීමේනිරත සෙසු සේවාවන්ට සහාය වීම සඳහා මගේ රජය මාර්තු 18 දා සිට මුළු දිවයිනටම බලපාන පරිදි ඇඳිරි නීතිය පනවා ජනතාවගේ ගමනාගමනය පාලනය කළේය.

දෛනික කාර්යයන් අඩපණ වූ අතර, අභියෝගය පාලනය කිරීමට ශ්‍රී ලංකාව පියවර රැසක් හඳුන්වා දුන්නේය.

* අඩු ආදායම්ලාභී පවුල්වලට, විශ්‍රාමිකයන් හා ආබාධිත පුද්ගලයන්ට, දෛනික වැටුප් ලාභීන්ට හා ගොවීන්ට මූල්‍ය සහනාධාර දීම.

* මනා සම්බන්ධීකරණයක් ඇතිව ශ්‍රී ලාංකිකයන් මෙරටට ගෙන්වීම කළමනාකරණය

* දැනට පවත්නා කර්මාන්ත සඳහා සහාය වන අතරම නව ආර්ථික උපනති නිර්මාණය සඳහා නව ව්‍යාපාරික මාර්ග නවීකරණය

* ගොවීන්, පාරිභෝගිකයන් සහ සැපයුම්කරුවන් සම්බන්ධීකරණය,අත්‍යවශ්‍ය

භාණ්ඩ හා සේවා සැපයීම සහ දුරස්ථ අධ්‍යාපනය ඇතුළු ක්ෂේත්‍රය සඳහා

ඩිජිටල් තාක්ෂණය භාවිතයට යොමු කිරීම ඊට අයත් ය.

සියලු රටවලට වෛරසයට ප්‍රතිචාර දැක්වීම සඳහා අත්‍යාවශ්‍ය වෛද්‍ය සම්පත් බාධාවකින් තොරව සපුරා ගැනීමට හා ඒවා සම්පාදනය කරගැනීමේදී දුෂ්කරතාවනට මුහුණ දීමට සිදු නොවන බව සහතික කරගැනීම අතිශය වැදගත් වන්නේය.

වසංගතය හේතුවෙන් සංවර්ධනය වෙමින් පවතින රටවල් පෙර නොවූ විරූ පරිමාණයේ ආර්ථික හා ණය අර්බුදයකට ගොදුරුව ඇති බව කන්සල්ලෙන් සටහන් කරන ශ්‍රී ලංකාව මේ රටවල් සඳහා ණය සහන සහ මූල්‍ය දිරිගැන්වීම් අවශ්‍ය බව කියා සිටී.

අවදානමට මුහුණ පා ඇති රටවලට ණය සහන සහ වඩා පුළුල් මූල්‍ය ප්‍රතිපාදන සපයන ලෙස අන්තර්ජාතික මූල්‍ය ආයතන සහ ආධාර සපයන රටවල් වෙත ගෝලීය ආයාචනයක් කළ යුතු බවත් ශ්‍රී ලංකාව ඊට එක්වන බවත් නැවතත් කියා සිටින්නෙමු.

මධ්‍ය ආදායම්ලාභී රටවල් ද වසංගතය විසින් උත්සන්න කරන ලද තීරණාත්මක සහ විවිධාකාර ආර්ථික හා සමාජ අභියෝගවලට ගොදුරු ව ඇති බව අවධාරණය කළ යුත්තේය. මේ සුවිශේෂී අවස්ථාවේදී එම රටවල අවශ්‍යතා කෙරෙහි අවධානය යොමු කිරීමේ වැදගත්කම සහ හානිකර ආර්ථික ප්‍රතිවිපාක වළක්වා ගැනීම පිණිස මූල්‍ය ආධාර සම්පාදනයේ වැදගත්කම සටහන් කළ යුතුය.

අර්බුදයට මුහුණ දීම සඳහා වන ගෝලීය ප්‍රතිචාරය ජාතික සහ කලාපීය මට්ටමේ ප්‍රවේශයන් මඟින් වඩාත් ශක්තිමත් වන බව ශ්‍රී ලංකාව විශ්වාස කරයි. ශ්‍රී ලංකාව අභියෝගයට මුහුණ දීම සඳහා ගන්නා උත්සහායේ කොටසක් ලෙස දකුණු ආසියානු කලාපයට සහාය වනු පිණිස ස්ථාපිත සාක් කොවිඩ් - 19 ආපදා අරමුදලට ඇමරිකානු ඩොලර් පනස් ලක්ෂයකින් දයක විය.

කොවිඩ් - 19 වසංගතය සම්බන්ධව ශ්‍රී ලංකාවට ඇති අත්දැකීම් සහ එය පාලනය කිරීමේ දී අත් කර ගත් ජයග්‍රහණ සාමාජික ජාතීන් සමග බෙදාගැනීමට ශ්‍රී ලංකාව අපේක්ෂා කරයි.

මේ නායක සමුළුව සංවිධාන කිරීම ගැන නොබැඳි ජාතීන්ගේ ව්‍යාපාරයේ සභාපතිවරයාට නැවතත් ප්‍රසාදය පළ කරන ශ්‍රී ලංකාව වසංගතය මර්දනය කොට අභියෝගය ජයගැනීමේ නොබැඳි ව්‍යාපාරයේ ව්‍යායාමයට සහයෝගය පුද කර සිටි.

 ධනුෂ්ක ගොඩකුඹුර සහ චමීර ඇල්ලදෙණිය

COVID 19 වසංගතයේ දීර්ඝකාලීන සමාජ, ආර්ථික ප්‍රතිවිපාක ජය ගැනීමට ගන්නා බහුපාර්ශවීය ප්‍රයත්නයන්ට ශ්‍රී ලංකාවේ පූර්ණ සහාය දෙන බව ජනාධිපති ගෝඨාභය රාජපක්ෂ මැතිතුමා අද (04) නොබැඳි ව්‍යාපාරයේ “NAM” සබඳතා සමූහයේ මාර්ගගත වීඩියේ සම්මන්ත්‍රණය අමතමින් අවධාරණය කළේය. 

COVID 19 වෛරසය සමග සටනේදී සාමූහික ක්‍රියාමාර්ග සාකච්ඡා කිරීමට නොබැඳි ජාතීන්ගේ මාර්ගගත වීඩියෝ සම්මන්ත්‍රණය (online Summit) සංවිධාන කර තිබිණි. 2019 – 2022 කාලපරිච්ඡේදය සඳහා නොබැඳි ජාතීන්ගේ ව්‍යාපාරයේ සභාපතිධූරය හොබවන අසර්බයිජාන් ජනරජයේ ජනාධිපති ඊලම් අලියෙව් (Ilam Aliyev) මහතා සමුළුවේ මුලසුන හෙබවීය. 

ජනාධිපතිවරු 19 දෙනෙක්, ෙඋප ජනාධිපතිවරයෙක්, අගමැතිවරු 06 දෙනෙක්, නියෝජ්‍ය අගමැතිවරයෙක් සහ විදේශ අමාත්‍යවරු 08 දෙනෙක් ඇතුළු රටවල් 40ක නියෝජිතයෝ සමුළුව ඇමතූහ. “COVID 19 ට එරෙහිව එක්සත්ව” (United Against COVID) යන්න සමුළුවේ තේමාව විය

එක්සත් ජාතීන්ගේ මහ මණ්ඩලයේ 74 වන සැසිවාරයේ සභාපති ටිජ්ජානි මහමුද් බණ්ඩේ (Tijjani Muhammad-Bande) ලෝක සෞඛ්‍ය සංවිධානයේ අධ්‍යක්ෂ ජනරාල් ටෙඩ්‍රොස් අද්නාම් ගෙබ්‍රයිසස් (Tedros Adhanom Ghebreyesus) යන මහත්වරුද අන්තර්ජාල NAM සමුළුවට සහභාගී වූහ.

ශ්‍රී ලංකා වේලාවෙන් රාත්‍රී 7.9 ට 17 වන දේශකයා ලෙස ජනාධිපති ගෝඨාභය රාජපක්ෂ මැතිතුමා සමුළුව ඇමතීය.
COVID 19 වසංගතය පරාජය කිරීමට එකිනෙකා සතු අත්දැකීම් සහ හැකියාවන් මෙන්ම උගත් පාඩම් බෙදාගැනීමට සාමූහික ගෝලීය ක්‍රියාමාර්ගයක් සඳහා නොබැඳි සමුළුව වැදගත් වේදිකාවක් බව ගෝඨාභය රාජපක්ෂ මැතිතුමා පැවසීය. වසංගතය මර්දනයට ඉදිරි පෙරමුණේ සේවය කරන සෞඛ්‍ය ක්ෂේත්‍රය සහ වෙනත් අත්‍යාවශ්‍ය සේවක පිරිස් දක්වන කැපවීම සහ පරිත්‍යාගශීලි ගුණය පිළිබඳව ජනාධිපතිතුමා සිය ප්‍රසාදය පළ කර සිටියේය.

COVID 19 වසංගතය පාලනය කිරීමටත්, ක්‍රමයෙන් තුරන් කිරීමටත් ශ්‍රී ලංකාව සමත්වී ඇත. PCR පරීක්ෂණවලින් රෝගීන් බවට සනාථ වී ඇත්තේ 3% කි. මරණ අනුපාතය 0.97% ක් වේ. ආරක්ෂක හමුදා නිරෝධායන මධ්‍යස්ථාන පවත්වාගෙන යාම, රෝගීන් හඳුනාගැනීමට රාජ්‍ය බුද්ධි අංශ යෙදවීම, පොලිසීය සහ මහජන සෞඛ්‍ය පරීක්ෂවරු ආසාධිතයන් ඇසුරු කළ අය හඳුනාගැනීමට යෙදවීම පාලනයට බෙහෙවින් ඉවහල් වූ බව ජනාධිපතිතුමා පෙන්වා දුන්නේය.

වසංගතය හේතුවෙන් සංවර්ධනය වෙමින් පවතින රටවල් පෙර නොවූ විරූ පරිමාණයේ ආර්ථික හා ණය අර්බුදයකට ගොදුරු වී ඇති බව කනස්සලයෙන් යුතුව සදහන් කරන බව ජනාධිපතිතුමා පැවසීය. අවදානමට මුහුණ පා ඇති රටවලට ණය සහන සහ වඩා පුළුල් මූල්‍ය ප්‍රතිපාදන සපයන ලෙස අන්තර්ජාතික මූල්‍ය ආයතන සහ ආධාර සපයන රටවල් වෙත ගෝලීය ආයාචනයක් කළයුතු බවත් ඊට ශ්‍රී ලංකාව ද එක්වන බවත් ජනාධිපතිතුමා අවධාරණය කළේය.

COVID 19 වසංගතය සම්බන්ධයෙන් ශ්‍රී ලංකාවට ඇති අත්දැකීම් සහ එය පාලනය කිරීමේදී අත්කරගත් ජයග්‍රහණ සාමාජික ජාතීන් සමග බෙදා ගැනීමට ශ්‍රී ලංකාව අපේක්ෂා කරන බව ද ජනාධිපතිතුමා සමුළුව අමතමින් පැවසීය

කොරෝනා ව්‍යාප්තිය නිසා පීඩාවට පත් කණ්ඩායම්වලට ජනාධිපති ගෝඨාභය රාජපක්ෂ මැතිතුමාගේ නියමය අනුව ලබාදෙන රුපියල් පන්දහසේ දීමනාව දෙවන වටයේ ගෙවීම ඇරඹේ.

2020 අප්‍රේල් මස ඉහත දීමනා ලැබූ ස්ථාවර ප්‍රතිලාභී ලේඛනය, ප්‍රමුඛතා ලේඛනය හා ග්‍රාමීය කමිටු විසින් නිර්දේශ කරනු ලැබූ ප්‍රතිලාභී ලේඛනය යන ලේඛනවල ඇතුළත් ප්‍රතිලාභීන්ට දීමනාව ගෙවනු ලැබේ.

දිස්ත්‍රික් ලේකම් හා ප්‍රාදේශීය ලේකම්ගේ මගපෙන්වීම යටතේ අදාළ ග්‍රාම නිලධාරීන් ප්‍රතිලාභීන්ගේ නිවාස වෙතම ගොස් දීමනාව ගෙවනු ඇත.

දීමනාව ගෙවීම් 2020 මැයි 11 වැනිදා ආරම්භ කර 2020 මැයි 15 වැනි දින අවසන් කිරීමට නියමිතය.

ආර්ථික පුනර්ජීවනය හා දරිද්‍රතාව තුරන් කිරීම සඳහා වන ජනාධිපති කාර්යසාධක බලකායේ සභාපති බැසිල් රාජපක්ෂ මහතාගේ ප්‍රධානත්වයෙන් අද (04) පැවති සාකච්ඡාවේදී පහත සඳහන් පරිදි ගෙවීම් කිරීමට තීරණය කෙරිණ.

i  වැඩිහිටි දීමනාව                

ii සියවස් පූර්ණ වැඩිහිටි දීමනාව      {  ජාතික වැඩිහිටි මහලේකම් කාර්යාලය මගින්

iii ආබාධිත දීමනාව                              

iv  වකුගඩු රෝගී දීමනාව       { ආබාධ සහිත තැනැත්තන් සඳහා වූ ජාතික මහලේකම් කාර්යාලය මගින්

v  ගොවි විශ්‍රාම වැටුප    

vi ධීවර විශ්‍රාම වැටුප            {   ගොවිජන රක්ෂණ මණ්ඩලය මගින්

වැඩිහිටි දීමනාව, සියවස් පූර්ණ වැඩිහිටි දීමනාව, ආබාධිත දීමනාව සහ වකුගඩු රෝගී ප්‍රතිලාභීන් වෙත දීමනාව ලබාදීමට අවශ්‍ය ප්‍රතිපාදන මුදල්, ආර්ථික සහ ප්‍රතිපත්ති සංවර්ධන අමාත්‍යාංශය විසින් සියලුම දිස්ත්‍රික් ලේකම්වරුන් වෙත සපයනු ලැබේ.

ගොවි විශ්‍රාම වැටුප හා ධීවර විශ්‍රාම වැටුප හිමි ප්‍රතිලාභීන්ට දීමනා ලබාදීමට අවශ්‍ය ප්‍රතිපාදන මුදල්, ආර්ථික සහ ප්‍රතිපත්ති සංවර්ධන අමාත්‍යාංශය විසින් මහවැලි, කෘෂිකර්ම, වාරිමාර්ග සහ ග්‍රාමීය සංවර්ධන අමාත්‍යාංශය වෙත ලබා දෙනු ඇත.

 
 

වැඩිදුර පැහැදිළි කිරීම.

  • ඇඳිරි නීතිය ක්‍රියාත්මක වන්නේ කුමන දිස්ත්‍රික්කවල කුමන වේලාවන්හි ද ?
  • කොළඹ, ගම්පහ, කළුතරසහපුත්තලමදිස්ත්‍රික්කවලනැවතදැනුම්දෙනතුරුඇඳිරිනීතියක්‍රියාත්මකවපවතී.
  • සෙසුදිස්ත්‍රික්කවලඅද (04) සිටමැයි 06, බදාදා තෙක් රාත්‍රී 8.00 සිට අලුයම 5.00 දක්වා. මේදිස්ත්‍රික්කවලමැයි 06 බදාදා,රාත්‍රී00 ටපනවනුලබනඇඳිරිනීතියමැයි 11 සඳුදාඅලුයම 5.00 දක්වාබලපවත්වයි.
  • ඇඳිරි නීතිය තිබියදී ජන ජීවිතය සහ ආයතනික ක්‍රියාකාරිත්වය යථා තත්වයට පත් කිරීම පටන් ගන්නේ කවදා ද ?
  • කොළඹ, ගම්පහ, කළුතර සහ පුත්තලම දිස්ත්‍රික්කවල ඇඳිරි නීතිය තිබියදී ජන ජීවිතය යථා තත්වයට පත් කිරීම ආරම්භ වන්නේ මැයි 11 සඳුදා සිට,
  • මේ වැඩපිළිවෙළ අද (04) සිට ආරම්භ කිරීමට කලින් සැලසුම් කළද මේ සතියේ නිවාඩු දින 04 ක් යෙදී තිබීම නිසා මැයි 11 ට වෙනස් කෙරිණ.
  • ජනජීවිතයයථාතත්ත්වයටපත්කිරීමේමූලිකකාර්යයන්සිදුවන්නේ
    කෙළෙසද?
  • කොළඹ, ගම්පහ, කළුතර හා පුත්තලම දිස්ත්‍රික්කවල රාජ්‍ය, පෞද්ගලික දෙඅංශයේ ආයතන මැයි 11 සඳුදා සිට විවෘත කොට පවත්වාගෙන යා යුතුය.
  • ඒ සඳහා දැන් සිටම සැලසුම් සකසන ලෙස ආයතන ප්‍රධානීන්ට දැනුම් දී ඇත.
  • ආයතන විවෘත කොට පවත්වාගෙන යාමේ දී කොරෝනා වෛරසය පාලනය සඳහා නිර්දේශිත සෞඛ්‍ය මාර්ගෝපදේශ මුළුමනින් පිළිපදින බවට ආයතන ප්‍රධානීන් වගබලාගත යුතුය.
  • පෞද්ගලික අංශයේ ආයතන උදේ 10.00 ට විවෘත කළ යුතු බව නියම කර ඇත.
  • දෙඅංශයේම ආයතනවල සේවයට කැඳවන සේවකයන් සංඛ්‍යාව ආදිය තීරණය කිරීම ආයතන ප්‍රධානීන්ට පැවරේ.
  • ගමනා ගමන මණ්ඩල බස් රථවල හා දුම්රිය මැදිරිවල මගී ප්‍රවාහනය රාජ්‍ය, පෞද්ගලික දෙඅංශයේ රැකියා සඳහා යන අයට සීමා කෙරේ. 
    • ඇඳිරි නීතිය තිබියදී නිවෙස්වලින් බැහැර යාමට අවසර ඇත්තේ කුමන කාර්යයන් සඳහා ද?
    • අවශ්‍යයෙන්ම සේවයට වාර්තා කළයුතු අය හැර සෙසු ජනයා රෝග නිවාරණයට සහාය වනු පිණිස නිවෙස්වලම රැඳී සිටින්නැයි ඉල්ලීමක් කෙරේ.
    • නිවසින් බැහැර යා යුත්තේ ආහාර සහ ඖෂධ වැනි අත්‍යාවශ්‍ය භාණ්ඩ හා ද්‍රව්‍ය මිලට ගැනීමට පමණි.
    • ජාතික හැඳුනුම්පතේ අවසාන අංකය අනුව නිවසින් බැහැර යාමට දෙන අවසරය අදාළ වන්නේ කුමන ප්‍රදේශවලට ද ?කවදා සිට ද ?
    • ඇඳිරි නීතිය ක්‍රියාත්මක ප්‍රදේශවලට පමණි.
    • මැයි 11 සඳුදා සිට
    • ඇඳිරි නීතිය ලිහිල් කළ විට එය අදාළ නැත.

    ඇඳිරි නීතිය ලිහිල් කළද ඉහත උපදෙස් පිළිපදිමින් ජනයා අනවශ්‍ය ලෙස ඒකරාශී වීමෙන් වැළකී සිටිනු ඇතැයි රජය අපේක්ෂා කරයි.

    ඇඳිරිනීතියතිබියදී,ආර්ථිකසහජනජීවිතයයථාතත්වයටපත්කිරීම සිදුවනඅතර වෛරස ව්‍යාප්තිය වළක්වා ගනු පිණිස ජනයා ඒකරාශීවීම පාලනය කිරීම මේ විධිවිධාන වල ප්‍රධාන අරමුණකි.

    උක්ත වැඩපිළිවෙළ සම්බන්ධයෙන් කලින් නිවේදනවල ඇතුළත් කොන්දේසි නෙවෙනස්ව පවතී.

ජනාධිපති ගෝඨාභය රාජපක්ෂ මැතිතුමා රටට සහ ජනතාවට සෙත් පතා ඊයේ (02) පස්වරුවේ අනුරාධපුර ඓතිහාසික ජයශ්‍රී මහා බෝධීන් වහන්සේ අබියස ආගමික වතාවත්හි නිරත විය.

අනුරාධපුර පුද බිමට පැමිණි ජනාධිපතිතුමා අටමස්ථානාධිපති ආචාර්ය පූජ්‍ය පල්ලේගම සිරිනිවාස නාහිමියන් බැහැ දැක ආශිර්වාද ලබා ගත්තේය.

රුවන්වැලි මහා සෑ රදුන් අබියස අද උදෑසන පැවති කිරි අහාර පූජාවට ද එක් වූ ජනාධිපතිතුමා ආගමික වතාවත්හි ද නිරත වෙමින්  රටටත්, ජනතාවටත් සෙත් පැතිය.  සෑ රදුන් අබියස විශේෂ සෙත් පිරිත් සජ්ජායනාවක් ද සිදු කෙරිණ.

රුවන්වැලි සෑය විහාරාධිපති පූජ්‍ය පල්ලේගම හේමරතන නායක හිමියන් බැහැදුටු ජනාධිපතිතුමා උන්වහන්සේ සමගද සුහද පිළිසඳරක නිරත විය.

මිරිසවැටිය රාජමහා විහාරස්ථානය වෙත ගිය ජනාධිපතිතුමා විහාරාධිකාරී ඊතලවැටුණුවැවේ ඥාණතිලක නායක ස්වාමින් වහන්සේ බැහැ දුටුවේය.

කොරෝනා මර්දනයට රජය ගෙන යන වැඩපිළිවෙළ පිළිබඳව රාජපක්ෂ මැතිතුමා උන්වහන්සේ දැනුවත් කළේය. එම වැඩපිළිවෙළට සමස්ත මහා සංඝරත්නයේ ආශිර්වාදය පළ කරන බව මිරිසවැටිය විහාරාධිපති හිමියෝ සඳහන් කළහ.

අනුරාධපුර ශ්‍රී සම්බුද්ධ ජයන්ති විහාරය වෙත ගිය ජනාධිපතිතුමා විහාරාධිපති නුගේතැන්නේ පඤ්ඤානන්ද හිමියන් ද බැහැ දැක ආශිර්වාද ලබා ගත්තේය.

නවතම පුවත්

මහින්ද රාජපක්ෂ අභිනව රජයේ නව අගමැති ලෙස දිවුරුම් දෙයි

අගෝ 09, 2020
මහමැතිවරණයෙන් වාර්තා ගත මනාප ඡන්ද සංඛ්‍යාවක් හිමිකර ගත් අග්‍රාමාත්‍ය මහින්ද රාජපක්ෂ මහතා…

ජනපති ජනතාවට ස්තූති පුදකරයි

අගෝ 06, 2020
කොවිඩ් -19 අවදානම ලෝකයෙන් පහව ගොස් නොමැති අවස්ථාවක මහ මැතිවරණයක් පැවැත්වූ දකුණු ආසියාවේ…

පෙරහර සමාප්ති සන්දේශය ජනපතිට බාර දෙයි

අගෝ 05, 2020
හෙළයේ විචිත්‍රවත් මහා කලා මංගල්‍යය ලෙසින් දෙස් විදෙස් ජනතාව අතර ප්‍රචලිත මහනුවර ඇසළ පෙරහර…

අගමැති දළදා සමිඳු වැඳ පුදා ගනී

අගෝ 04, 2020
අගමැති මහින්ද රාජපක්ෂ මහතා ඊයේ (03) පෙරවරුවේ මහනුවර ඓතිහාසික ශ්‍රී දළදා මාලිගාවට පැමිණ…

ජනපති මැදිහත්වීමෙන් මැදිරිගිරිය සිරිමාවෝ බණ්ඩාරනායක ප්‍රාථමික විද්‍යාලයට ජංගම පුස්තකාලයක්

අගෝ 03, 2020
ශිෂ්‍යාවක කළ ඉල්ලීම ඉටු කරමින් මැදිරිගිරිය සිරිමාවෝ බණ්ඩාරනායක ප්‍රාථමික විද්‍යාලයට ජංගම…

නවෝත්පාදන නිපැයුම්වලට වෙළෙඳපොළ සකස් කරනවා

ජූලි 28, 2020
නවෝත්පාදන හා තාක්ෂණ විෂයේ දියුණුවට අවශ්‍ය අධ්‍යයන අවස්ථා මෙන්ම එම නිපැයුම්වලට වෙළෙඳපොළ…

කිලෝග්‍රෑමයකට රුපියල් 50 ක සහතික මිල යටතේ මෙවර යල කන්නයේ වී අස්වනු මිලදී ගැනේ...

ජූලි 27, 2020
2020 යල කන්නයේ වී මිල දී ගැනීමේ රජයේ වැඩසටහන යටයේ වී කිලෝ ග්‍රෑම් එකක් රුපියල් 50 ක රජයේ…

ඇසළ පෙරහරට සමගාමීව සමරු මුද්දර සහ මුල්දින කවරයක් නිකුත් කෙරේ..

ජූලි 25, 2020
කන්ද උඩරට ඇසළ මහා පෙරහරට සමගාමීව ශ්‍රී ලංකා තැපැල් දෙපාර්තමේතුව විසින් අද(25) සමරු මුද්දර…

මාතලේ අධිතාක්ෂණික සරසවිය කඩිනමින් ඉදි කරනවා

ජූලි 22, 2020
ජාතික විශ්වවිද්‍යාල නොමැති දිස්ත්‍රික්ක සඳහා ඉදි කෙරෙන අධිතාක්ෂණික විශ්වවිද්‍යාල දහයෙන්…

කොවිඩ් වසංගතයෙන් ජනතාව රැක ගැනීමේ අභියෝගය ජයගන්නා බවට ජනපතිගෙන් සහතිකයක්

ජූලි 14, 2020
වත්මන් ව්‍යාප්තිය පාලනයට විධිමත් සැලසුම් … ආසාදිතයන් සොයන පරීක්ෂණ අඛණ්ඩව … මත්ද්‍රව්‍ය…

logo20190228 1

163, ඇසිදිසි මැඳුර, කිරුළපන මාවත, පොල්හේන්ගොඩ, කොළඹ 05

011-2513 459, 011-2513 460,
011-2512 321, 011-2513 498

info@media.gov.lk
facebook
twitter

OPEN
logo