නවතම පුවත්

 
සෑම ආගමක ම සමෘද්ධිමත් ජීවන ගමනක් උදෙසා අධ්යාත්මිකත්වය මූලික වේ. විමුක්තිය සොයා යන සියලු ම හින්දු භක්තිකයන්ට මහා ශිව රාත්රී දින උපවාසය අධ්යාත්මික වශයෙන් ශුද්ධ වූ චාරිත්රයකි.
මෙම පූජනීය චාරිත්රය තුළින් දෙවියන්ගේ අධ්යාත්මික ශක්තිය තමන් වෙතට ලැබෙනු ඇතැයි හින්දු භක්තිකයෝ විශ්වාස කරති.එමෙන් ම ජීවිතයේ සෞභාග්ය ප්රාර්ථනා කිරීමට ද මහා ශිව රාත්රී දිනය යහපත් දිනයකි. අද දිනයේ එකමුතුව වන්දනාමාන කිරීම තුළින් බොහෝ ප්රතිඵල ලැබිය හැකි බව හින්දු භක්තිකයන්ගේ පිළිගැනීමයි.
විවිධ ජන වර්ග හා ආගම් සමඟ එක්ව කටයුතු කිරීම තුළින් ඔබට මෙන් ම රටට ද යහපත් අනාගතයක් නිර්මාණය කර ගැනීමට අවස්ථාව උදා වේ. එවන් ශක්තිමත් අනාගතයක් උදෙසා ජීවත්වීමේ අභිලාෂයන් නිවැරදිව මුදුන් පමුණුවා ගැනීමට මහා ශිව රාත්රී දින උපවාසය ඉතා වැදගත් බව මාගේ විශ්වාසයයි.
දුකට පත් සිතට ඔබ සතුට අපේක්ෂා කරනවා මෙන් අඳුරෙන් වැසුණු ජීවිතයට අද වැනි දිනෙක ඔබ ආලෝකය ප්රාර්ථනා කළ යුතු ය.
මහා ශිව රාත්රී දින උපවාසයේ යෙදෙන ශ්රී ලාංකික හින්දු භක්තික ඔබ සැමගේ සියලු යහපත් ප්රාර්ථනා ඉටු වේවා!

දරුවන්ගේ කුසලතා හා දක්ෂතා යොමු වී ඇත්තේ කවර දිශාවකටදැයි හඳුනාගෙන ඔවුන් දිරිමත් කර මගපෙන්වීම ගුරු දෙගුරුන්ගේ මෙන්ම බලධාරීන්ගේද වගකීම හා යුතුකම බවත් එවැනි පුළුල් දැක්මක් ඔස්සේ රටේ අධ්‍යාපන ක්‍රමය ද සකස් විය යුතු බවත් ජනමාධ්‍ය අමාත්‍ය ඩලස් අලහප්පෙරුම මහතා පැවසීය.

ඒ මහතා මෙම අදහස් ප්‍රකාශ කළේ (26 වෙනිදා ) මාතර ශාන්තමරියා කන්‍යාරාමයේ පැවති උත්සවයකට සහභාගී වෙමිනි.


ශාන්ත මරියා කන්‍යාරාමයේ 3 වසරේ ඉගෙනුම ලබන ලෙනසි අපරැක්ක දියණිය රචනා කළ “සිරිමල් හා කුරුළු පැටියා” නම් වු පොත පිළිගැන්වීමේ උත්සවයට සහභාගී වූ අමාත්‍යවරයා වැඩිදුරටත් අදහස් දක්වමින් කියා සිටියේ “ 2020 අප්‍රේල් මස 13 වෙනිදා රාත්‍රියේ සිංහල හා දමිළ සංස්කෘතික මහා මංගල්‍යයට දොරටු විවර වූ වෙලාවේ, නොනගතය ආරම්භ වූ වෙලාවේ මම රටේ දූ පුතුන්ගෙන් එවකට අධ්‍යාපන අමාත්‍යවරයා විධියට දුවේ, පුතේ, අපි පොතක් ලියන්න පටන් ගනිමු කියල ආරාධනා කළා. ඒ ව්‍යාපෘතිය එදා මම නම් කළා, අධ්‍යාපන අමාත්‍යාංශය නම් කළා, රටක් වටින පොතක් කියලා. ඒකට ප්‍රධාන හේතු දෙකක් තිබුණා. එකක් තමයි කොවිඩ් වසංගතයඑක්ක රටේ තිබිච්ච අනපේක්ෂිත තත්ත්වය හමුවේ වඩාත් අසරණ වෙලා හිටියේ පුංචි දූල පුතාල. පාසල් දරුවො. එන්නතක් පිළිබඳ සාකච්ඡාවක් තිබිච්ච යුගයක් නෙවෙයි විශ්වීය මාරයෙක් විධියට තමයි කොවිඩ් වසංගතය ලෝකය හඳුනා ගෙන තිබුණේ. ඇමරිකා එක්සත් ජනපදයට පවා විසඳුමක් නොතිබුණු වෙලාවක්. ලෝකයම හිතුවා මහ වසංගතයකින් දස ලක්ෂ ගණන්වලින් මිනිසුන් මිය යන ඛේදවාචකයක් වෙයි කියල.

පළවෙනි රෝගියා මුණ ගැසුනෙ 2020 මාර්තු 12 වෙනිදා කොළඔ ආනන්ද විද්‍යාලයේ දරුවෙකුගේ පියෙක්. 13 වෙනිද උදේ විශාල ප්‍රශ්නයක් මතු වුණා. මේ පියාගේ දරුවටත් කොවිඩ් වැළඳිලා කියල විශාල ගැටලුවක් පාසල් පද්ධතිය තුළ නිර්මාණය වුණා. එදිනම හවස 2 ට තීරණය කළා දරුවො ටික බේරගන්න ඉස්කෝල ටික වහන්න ඕනෙ කියල. පූර්ව සූදානමක් තිබුණෙ නැහැ. අපි හිතුවෙ අපි මැරෙන එක වළක්වන්න බැහැ. අඩු ගානෙ දරුවො ටික බේර ගන්න ඕනෙ කියල. සති දෙක තුනක් ගත වුණාට පස්සෙ තමයි මට තේරුණෙ ගෙවල් ඇතුලෙ දරුවො විශාල පීඩාවකට පත්වෙලා. ජනප්‍රිය වචනයෙන් කිව්වොත් ප්‍රාණ ඇපකාරයො බවට පත්වෙලා කියලා. මේ පීඩාකාරී සාධක මැද මම හිතුවෙ දරුවන්ගේ පීඩනය නිමා කරන්න දරුවන්ට ආරාධනාවක් කරන්න ඕනෙ පොතක් ලියන්න කියලා.

ඒක එක පැත්තක්. අනෙක ඒ වෙලාවෙ මේ රටේ තිබුණ පොදු සම්මතය. අපි වැඩිහිටියන් විධියට දරුවො දිහා බලපු විධිය රටේ පාලකයො විධියට, ගුරුවරු විධියට, අම්ම තාත්ත හැටියට, ජනමාධ්‍ය හැටියට දරුවන් පිළිබඳව තිබෙන පොදු මතය. ඒක ජනප්‍රිය මතයක්. මොකක්ද ඒ මතය, දැන් හැදෙන දරුවො කියවන්නෙ නැහැ. ලියන්නෙ නැහැ. ටී වී බලන එක විතරයි කරන්නෙ. කාටුන් ඇරෙන්න වෙන රස්සාවක් නැහැ. කොහෙද මේ අපි යන්නෙ. අපේ අනාගත පරම්පරාව කොතැනටද මේ ගමන් කරන්නෙ මැසිවිල්ලක් තිබුණා. හැබැයි තාත්ත කෙනෙක් විධියට මම දන්නවා දරුවො එහෙම නෙවෙයි කියල. මට පෞද්ගලිකව වුවමනාවක් තිබුණ ඒක එහෙම නෙවෙයිකියල රට හමුවෙ කියන්න.

විදුහල්පතිතුමියනි, ගතවුනේ මාස හතරයි.මේ රටේ පාසැල් පද්ධතියෙ දරුවො ලක්ෂ 43 ක් ඉන්නවා. පාසල් 10,162 ක් තියෙනවා. දරුවො ලක්ෂ 43 න් ලෙනසි වගේ දූල පුතාල 43,000 මේ වගේ පොත් ලියල අවසන් කළා. පුංචි
කථාන්දර පොත් වගේම නවකථා පොත්, කෙටි කතා පොත්, පරිවර්තන, නාට්‍ය පිටපත් සිංහල, දමිළ හා ඉංග්‍රීසි භාෂා තුනෙන්ම දරුවො 43,000 ක් කියන්නෙ ලක්ෂ 43 ක් වූ දරුවන්ගෙන් සිය දෙනෙක්ගෙන් එක්කෙනෙක්වත් පොතක් ලියල අවසන් කරල තියෙනවා. කී දෙනෙක් ලියන්න පටන් ගෙනඇත්ද? මගේ තක්සේරුව අනුව නම් 433,000 ක් වත් ලියන්න පටන් ගන්න ඇති. මේ රටේ අම්මලා, තාත්තලා දරුවන් පිළිබඳව තිබුණ පූර්ව නිගමනය මිථ්‍යාවක් කියල ලෙනසි ඇතුළු දරුවො ඔප්පු කළා. ඒ නිසා මේ අවස්ථාව අපි අවස්ථාවක් කර ගන්න ඕනෙ රටක් වටින පොතක් ලියපු මේ දරුවො අගය කරන්න. හැම දරුවෙකුටම හැකියාව තියෙනවා. දරුවන් විශ්වාස කිරීමේ පණිවිඩය දෙමව්පියන්ටත්, දරුවන්ගේ හැකියාව, දක්ෂතාවය කුමකටදැයි හඳුනා ගැනීමේ පණිවිඩය විදුහල්පතිවරු ඇතුළු ගුරුවරුන්ටත්, දරුවන්ට හොඳ අධ්‍යාපන ක්‍රමයක්, විභාග ක්‍රමයක් නිර්මාණය කර දීමේ වගකීම ආණ්ඩුවටත් පැවරෙන බව අමාත්‍යවරයා පෙන්වා දුන්නේය.

පහ වසරේ ශිෂ්‍යත්ව විභාගය නිර්මාණය වී තිබෙන්නේ ලෝකයේ දරුවන්ගේ දක්ෂතාවය සොයා ගැනීමටයි. නමුත් ශ්‍රී ලංකාවේ අද ශිෂ්‍යත්ව විභාගය කටපාඩම් කරන විභාගයක් බවට පත් වී තිබෙනවා. කටපාඩම් කිරීම තුළින් දරුවො හෙම්බත් කරන්න, A සාමාර්ථ ලබාගත් දරුවන් පමණක් අගයන අධ්‍යාපන ක්‍රමයක් නොව අසමත්වෙලා සියදිවි හානි කර ගන්නා දරුවො ගැන සොයා බලන අධ්‍යාපන ක්‍රමයක් රටට අවශ්‍ය බවත්, ඒ වෙනුවෙන් මහා සංවාදයක් රටේ ඇතිවිය යුතු බ වත්, පෙන්වා දුන් අමාත්‍යවරයා කියා සිටියේ වත්මන් නායකත්වය ඒ සදහා ක්‍රියාකරමින් සිටින බවයි.

දකුණු පළාත් අධ්‍යාපන අමාත්‍යාංශයේ ලේකම්, කලාප අධ්‍යාපන අධ්‍යක්ෂ, විදුහල්පති ඇතුළු දෙමාපියෝ රැසක් මෙම අවස්ථාවට සහභාගී වූහ.

මෙවර මහ කන්නයේදී වී සදහා ගොවීන්ට තරගකාරි මිලක් ගෙවීමට රජය සුදානමින් සිටින බව කෘෂිකර්ම අමාත්‍යංශයේ ලේකම් පී. එම්. එල්. බණ්ඩාරනායක මහතා කියයි. ඒ අනුව නාඩු වී කිලෝවක් සදහා රුපියල් 90 ක්ද, සම්බා වී කිලෝවක් සදහා රුපියල් 92 ක්ද ,කිරිසම්බා වී කිලෝවක් සදහා රුපියල් 95 ක්ද රජය ගෙවයි. වී අලෙවි මණ්ඩලය මේ වනවිට වී මෙට්‍රික් ටොන් 50 දහසක් පමණ ගොවීන්ගෙන් මිලදී ගෙන තිබේ. 

සෞභාග්‍යයේ දැක්ම ප්‍රතිපත්ති ප්‍රකාශනයේ සදහන් නිරවුල් බිමක අයිතිය තහවුරු කිරීමේ ප්‍රතිඥාව යථාර්ථයක් බවට පත් කරමින් මහවැලි කලාප 10 කට අයත් ප්‍රදේශවල ඉඩම් හිමිකම් ඔප්පු ලක්ෂයක් පිරිනැමිමේ වැඩසටහන හෙට ඇරඹෙයි. ඇඹිලිපිටිය මහවැලි ක්‍රිඩාංගනයේ ඒ නිමිත්තෙන් පැවැත්වෙන උත්සවයේ ප්‍රධාන ආරාධිතයා ජනාධිපති ගෝඨාභය රාජපක්ෂ මැතිතුමායි. අගමැති මහින්ද රාජපක්ෂ මහතා ද ඊට එක්වෙයි. ඉඩම් ඔප්පු ලක්ෂයක් පිරිනැමිමේ වැඩසටහනේ පලමු අදියර ලෙස වලව කලාපයේ ඉඩම් හිමිකම් නැති ජනතාවට හිමිකම් ඔප්පු දසදහසක් පිරිනැමිමට විධිවිධාන යොදා තිබේ. මේ වසර අවසන් වනවිට ඉඩම් හිමිකම් ඔප්පු ලක්ෂයම පිරිනැමිම රජයේ ඉලක්කයයි.

පාර්ලිමේන්තුව අද පෙරවරු 10.00 ට රැස්වෙයි. අභාවප්‍රාප්ත හිටපු මන්ත්‍රිවරුන් පස්දෙනෙකු වෙනුවෙන් ශෝකප්‍රකාශ යෝජනා අද පාර්ලිමේන්තුවට ඉදිරිපත් කිරීමට විධිවිධාන යොදා තිබේ. ආනන්ද රත්නායක, ආර්. ආර්. ඩබ්ලිව්. රාජපක්ෂ, සෝමවීර චන්ද්‍රසිරි, පී. බී. දිසානායක හා එච්. ආර්. මිත්‍රපාල එම මන්ත්‍රිවරු වෙති.

ශ්‍රී ලංකාව එහි සශ්‍රීකත්වයට යළි ගමන්කිරීමට වෙර දරමින් සිටින මෙම මෙහොතේ රටේ පවතින පූර්ණ ආර්ථීක අවස්ථාවන්හි ඵල නෙලා ගැනීමට ජපාන මිතුරන්ට හා ව්‍යාපාරකයින්ට තමා විවෘත ආරාධනාවක් කරන බව ජනමාධ්‍ය අමාත්‍ය ඩලස් අලහප්පෙරුම මහතා පැවසීය. අමාත්‍යවරයා මේ බව සඳහන් කළේ ජපාන නිදහස් දිනය සැමරීම උත්සවයේ ප්‍රධාන ආරාධිතයා ලෙස සහභාගි වෙමිනි.

ශ්‍රී ලංකාව හා ජපානය අතර පවතින දීර්ඝකාලීන ගෞරවනීය හා අන්‍යෝන්‍ය ‍ විශ්වාසයේ මිත්‍රත්වය හා අනෙකුත් මානව සම්බන්ධතා පිළිබඳ මතකය අවදි කළ අමාත්‍යවරයා දෙරට අතර ඵලදායී සහ බහුවිධ අන්තර් රාජ්‍ය සහයෝගීතාවයක් ස්ථාපිත කර ඇති බව ද සිහිපත් කළේය.

වැඩි දුරටත් අදහස් දැක්වූ ජනමාධ්‍ය අමාත්‍ය ඩලස් අලහප්පෙරුම මහතා …

ජපානයේ ජාතික දිනය යෙදෙන මෙම විශේෂ අවස්ථාවට ශ්‍රී ලංකා රජය නියෝජනය කරමින් සහභාගීවීමට ලැබීම මහත් සතුටක් බව මම පළමුවෙන්ම සිහිපත් කරන්නට කැමතියි. වගේම අතිගරු ජනාධිපති ගෝඨාභය රාජපක්ෂ මැතිතුමා හා ගරු අග්‍රාමාත්‍ය මහින්ද රාජපක්ෂ මැතිතුමා වෙනුවෙන් සහ ශ්‍රී ලංකා රජය මෙන්ම ජනතාව වෙනුවෙන් ශ්‍රී ලංකාවේ ජපාන තානාපති මිසුකොෂී හිදෙකි මහතාටත් ජපාන අධිරාජ්‍යවරයාට වගේම ජපාන රජයටත් එවගේම ජපානයේ ජනතාව වෙතත් අපගේ උණුසුම් සුභාශිංසන මෙම අවස්ථාවේ දී මම පිරිනමනවා.

මේ වසරේ දී ශ්‍රී ලංකාව සහ ජපානය වන අප දෙරටේ රාජ්‍ය තාන්ත්‍රික සබඳතා ආරම්භ කර වසර 70ක් පිරීම සැමරෙනවා. එවගේම මේ ඓතිහාසික සන්ධිස්ථානයේ දී අප විසින් ගොඩනඟාගත් මෙම සබඳතාවල අන්‍යෝන්‍ය ගෞරවය සහ විශ්වාසය මත පදනම්ව දෙරට අතර ඵලදායී සහ බහුවිධ අන්තර් රාජ්‍ය සහයෝගීතාවයක් ස්ථාපිත කර ඇති බවද අපට සතුටින් මේ මොහොතේ සිහිපත් කරන්නට පුළුවන්. එවගේම සැමරුම් උත්සවය සාර්ථක කර ගැනීම සඳහා අපගේ පූර්ණ සහයෝගය ලබා දීමට කැමැත්තෙන් සිටින බවත් මම ඔබට නැවත අවධාරණය කිරීමට කැමතියි.

දෙරටේ මිත්‍රත්වය සනිටුහන් කිරීම වෙනුවෙන් විවිධ කලා කටයුතු ප්‍රදර්ශන රැසක් මෙවර සංවිධානය කර තිඛෙන බව සඳහන් කළ අමත්‍යවරයා ජපාන කලා හා සංස්කෘතික කෘතීන් කෙරේ තම රසඥතාවය ගැන ද අදහස් දක්වා සිටියේය.

ජපන් රාජ්‍යය හා එහි ආනුභාවය පිළිබඳව පෞද්ගලිකව මගේ හදවතේ සුවිශේෂ ඉඩක් හිමි කරගෙන තිබෙනවා. තව දුරටත් පැහැදිලි ක‍ළොත් යසුනාරි කවබාතා නම් කවියාගේ නිර්මාණ වල සිට , යසුජිරෝ ඔසු සිනමාවේදියාගේ "Tokyo Story" චිත්‍රපටය මෙන්ම කෙන්ජි මිසොගුචි, අකිරා කුරසාවා වැනි සිනමාකරුවන්ගේ නිර්මාණ මා දැඩිසේ රසවින්දා. විශේෂයෙන් සංස්කෘතික අංශ වෙනුවෙන් ජපානය ලබාදෙන දැවැන්ත දායකත්වය අසමසමයි. ලොව මුල්ම නවකතාව ලෙස සැලකෙන 11 වැනි සියවසේ මුරසාකි ආර්යාව විසින් රචිත The Tale of Genji  නම් කෘතිය ඊට කදිම සාක්ෂියක්.

ශ්‍රී ලාංකේය නාට්‍ය ක්ෂේත්‍රයේ විශිෂ්ට නිර්මාණකරුවෙක් වන මහාචාර්ය එදිරිවීර සරච්චන්ද්‍රයන් විසින් රචනා කරන ලද මළවුන්ගේ අවුරුදු දා , මළගිය ඇත්තෝ වැනි කෘති කියවීමෙන් එ් තුළ රැඳුන ශ්‍රී ලාංකිකයෙකුගේ අත්දැකීම්  විඳගැනීම නිසා ජපන් සංස්කෘතිය හා සම්භවය කෙරෙහි මා වඩාත් ආසක්ත වුණා.  “

දිවංගත හිටපු ජනාධිපති  ජේ. ආර්. ජයවර්ධන මහතා දෙරටේ මිතුදම ඉහළම තලයට ගෙන ඒමට කටයුතු කිරීම වෙනුවෙන් එතුමාට ද කෘතගුණ දැක්වීමට මෙය අවස්ථාවක් කරගන්නා බව සඳහන් කළ  අමාත්‍යවරයා මෙම අවස්ථාව සනිටුහන් කිරීමට තැපැල් මුද්දරයක් නිකුත් කිරීමට ද ජනාධිපතිවරයා තමාට උපදෙස් දුන් බව පවසා සිටියේය.

ජපාන රජය විසින් පවතින කෝවිඩ් වසංගතයට මුහුණදීම සදහා මූල්‍යමය ආධාර හා එන්නත් මාත්‍රා මිලියන 1.45 පමණ මෑතකදී මෙරටට ලබාදුන් බවද සඳහන් කළ අමාත්‍යවරයා විශේෂයෙන්ම වසර 40කට වඩා වැඩි ලංකාවේ රූපවාහිනී මාධ්‍ය තාක්ෂණය හා සන්නිවේදනය සංවර්ධනය කිරීම කෙරෙහි ජපානය විසින් ලබා දෙන ලද සහයෝගය සිහිපත් කළ අතර වර්ථමානයේ මෙරට රූපවාහිනී පද්ධතිය ඩිජිටල්කරණ කිරීම සම්බන්ධ වගකීම ජපානය විසින් දරන බව ද ගෞරවයෙන් සිහිපත් කළේය.

අපගේ රූපවාහිනී විකාශන පද්ධතිය ඩිජිටල්කරණය කිරීම සඳහා ජපානය වගකීම රැගෙන ඇති බව මම ඉතා ගෞරවනීය සිහිපත් කරනවා . අපේ අරමුණ මේ ව්‍යාපෘතිය 2024 අවසානය වන විට නිමා කිරීමයි.  විශේෂයෙන් ජපන් ශ්‍රී ලංකා මිත්‍රත්වය අපේ ජාතීන්ට ජනමාධ්‍ය සහ සන්නිවේදනයට ප්‍රයෝජනවත් වෙයි කියලා මම විශ්වාස කරනවා 

ශ්‍රී ලංකාවේ මෑතකදී විවෘත කරන්නට යෙදුන රන් දොරටුව ලෙස නම් කරනු ලැබූ කැලණි පාලම හා බණ්ඩාරනායක ජාත්‍යන්තර ගුවන් තොටුපල ගොඩනැගීම සඳහා ජපානය දක්වන ලද සහයෝග ඓතිහාසික සිදුවීම බවද සඳහන් කරමින් අලහප්පෙරුම මහතා  පවසා සිටියේ ජපාන රජය විසින් පිරිනමන ලද අනෙක් ත්‍යාගයන් අතර ශ්‍රී ජයවර්ධනපුර රෝහල ප්‍රධානත්වයක් ගන්නා බවයි.

මෙම අවස්ථාවට අමාත්‍යවරුන් , තානාපතිවරුන් ඇතුළු සම්භාවනීය පිරිසක් එක්ව සිටියහ.

ලෝක බාලදක්ෂ දින සැමරුම ජනාධිපති ගෝඨාභය රාජපක්ෂ මැතිතුමාගේ ප්‍රධානත්වයෙන් ජනාධිපති කාර්යාලයේදි ඊයේ පැවැත්විණි.

ලෝකයේ ළමයින් වෙනුවෙන් ඇති විශාලතම ස්වෙච්ඡා සංවිධානය බාලදක්ෂ ව්‍යාපාරයයි. රටවල් 172 ක කෝටි පහකට අධික ළමයි පිරිසක් එහි සාමාජිකත්වය දරති.

බාලදක්ෂයෙකුට ලැබිය හැකි ඉහළම සම්මානය ජනාධිපති බාලදක්ෂ පදක්කමයි. ජනාධිපති බාලදක්ෂ සහතික පත් ප්‍රදානය ද සිදුකෙරිණි. බාලදක්ෂ ව්‍යාපාරයේ නිර්මාතෘ බේඩ්න් ෆවල් සාමිවරයාගේ පිළිරුවට පුෂ්පෝපහාර දැක්විම හා සෑම දිස්ත්‍රික්කයකින්ම තෝරාගත් බාලදක්ෂයින්ට සම්මාන පිරිනැමිම ජනාධිපතිතුමා සිදු කළේය.

ප්‍රධාන බාලදක්ෂ කොමසාරිස් නීිතිඥ ජනප්‍රිත් ප්‍රනාන්දු මහතා ඇතුලු පිරිසක් එම අවස්ථාවට එක්ව සිටියහ. පලාත් මට්ටමින්ද ඊයේ බාලදක්ෂ සැමරුම් වැඩසටහන් සංවිධාන කර තිබිණි.

ජාතික වැවිලි කළමනාකරණ ආයතනයේ සහතිකපත් ප්රදානෝත්සවය ජනාධිපති ගෝඨාභය රාජපක්ෂ මැතිතුමාගේ ප්රධානත්වයෙන් අද (22) පස්වරුවේ කොළඹ නෙළුම් පොකුණ මහින්ද රාජපක්ෂ රඟහලේ දී පැවැත්විණි.
1979 අංක 45 දරන පාර්ලිමේන්තු පනත මඟින් ස්ථාපිත ජාතික වැවිලි කළමනාකරණ ආයතනය කුඩා වතු හිමියන් ඇතුළු වැවිලි ක්ෂේත්රයේ රැකියා නියුක්තිකයන්ගේ වෘත්තීය හැකියා ඉහළ නිපුණතාවකින් යුතුව පවත්වාගෙන යාම අරමුණු කර ගනිමින් ක්රියාත්මක වේ.
සම්මන්ත්රණ, වැඩමුළු හා විභාග පැවැත්වීම සහ රාජ්ය හා පෞද්ගලික අංශයේ ආයතන සඳහා පර්යේෂණ හා උපදේශන සේවා සැපයීම ද ආයතනය මඟින් සිදු කෙරේ.
ශ්රී ලංකාවේ වැවිලි ක්ෂේත්රයේ උන්නතිය වෙනුවෙන් කැප වූ වෘත්තිකයන් 10 දෙනෙකුට ජාතික වැවිලි කළමනාකරණ ආයතනයේ ගෞරවනීය වෘත්තීයමය සාමාජිකත්වය, වැවිලි ක්ෂේත්රයට අදාළ වරලත් වෘත්තීය සාමාජිකත්වය 09 දෙනෙකුට, ආශ්රිත වෘත්තීය සාමාජිකත්වය 05 දෙනෙකුට ජනාධිපතිතුමා අතින් පිරිනැමිණ.
උසස් ඩිප්ලෝමාව 12 දෙනෙකුට, ඩිප්ලෝමාව 86 දෙනෙකුට සහ ජාතික වැවිලි කළමනාකරණ ආයතනයේ පුහුණුව නිම කළ විද්යාර්ථයින් 224 දෙනෙකු වෙත සහතික පත් ප්රදානය ද මෙහිදී සිදු විය.
වැවිලි ක්ෂේත්රයේ ප්රගමනයට හතළිස් දෙවසරක් තුළ තාක්ෂණික දැනුම දෙමින් ජාතික වැවිලි කළමනාකරණ ආයතනය සිදු කළ සේවය ඇගයීමට ලක් කළ අමාත්ය රමේෂ් පතිරණ මහතා, නුදුරු අනාගතයේදී විශ්වවිද්යාලයක් ලෙස දැවැන්ත කාර්යභාරයකට මෙම ආයතනයට ඉඩ ප්රස්තාව හිමි වන බව සඳහන් කළේය. එය වැවිලි ක්ෂේත්රයට අදාළ මානව සම්පත මානව ප්රාග්ධනයක් ලෙස සංවර්ධනය කිරීමේ ගමන්මඟ විවර වීමක් බව අමාත්යවරයා පෙන්වා දුන්නේය.
පසුගිය දෙවසර තුළ ගුණාත්මක සහ ප්රමාණාත්මක ප්රතිඵල පෙන්වමින් සෙසු කර්මාන්තයන්ට සාපේක්ෂව වැවිලි ක්ෂේත්රය සුවිශේෂි ප්රගතියක් අත් කර ගත් බව රාජ්ය අමාත්ය කනක හේරත් මහතා පැවසීය. පසුගිය වසරේ මෙරට සමස්ත අපනයන ආදායම ඇමරිකානු ඩොලර් බිලියන 12.5කි. ඉන් ඇමරිකානු ඩොලර් බිලියන 4ක් වැවිලි ක්ෂේත්රයෙන් හිමි ව තිබේ. 2021 වසර වැවිලි ක්ෂේත්රයේ ස්වර්ණමය කාලපරිච්ඡේදයක් ලෙස හැඳින්විය හැකි බව රාජ්ය අමාත්යවරයා සඳහන් කරනු ලැබී ය

 
රෝමයේ පිහිටි සංස්කෘතික දේපල සංරක්ෂණය හා ප්රතිසංස්කරණය සඳහා වූ අන්තර්ජාතික මධ්යස්ථානය (ICCROM) පිරිනමන ඉහළ ම සම්මානයෙන් පිදුම් ලැබූ ආචාර්ය ගාමිණී විජේසූරිය මහතාට උපහාර පිදීමේ උත්සවය ඊයේ (22) පස්වරුවේ අරලියගහ මන්දිරයේ දී පැවැත්විණි.
කීර්තිමත් වාස්තු විද්යාඥයෙක් හා පුරා විද්යාඥයෙක් වන ආචාර්ය ගාමිණී විජේසූරිය මහතා 20 වන සහ 21 වන සියවස්වල ලොව බිහි වූ උරුම කළමනාකරණය පිළිබඳ ජාත්යන්තර විශේෂඥයින් කිහිපදෙනා අතර සිටින විද්වතෙකි. ආචාර්ය ගාමිණී විජේසූරිය මහතා විසින් මෑතක දී රචිත අන්තර්ජාතික වශයෙන් ප්රකාශයට පත් වැදගත් ලේඛන ඇතුළත් ග්රන්ථ 05ක සිංහල පරිවර්තන කෘති ඒ මහතා විසින් මෙහිදී මා වෙත පිළිගන්වනු ලැබීය.
ලොව පුරා විවිධ අධ්යන ක්ෂේත්ර නියෝජනය කරමින් 1969 වසරේ සිට මේ දක්වා පිරිනමා ඇති ICCROM සම්මාන ගණන 50ක් පමණ වේ. ඉන් දකුණු ආසියාවට ම ලැබී ඇත්තේ සම්මාන තුනක් පමණක් වන අතර ශ්රී ලාංකිකයෙකු මෙම සම්මානයෙන් පිදුම් ලැබූවේ පළමු වතාවට ය.
කුරුණෑගල ඇස්සැද්දුම ග්රාමයේ උපන් ආචාර්ය ගාමිණි විජේසූරිය මහතා, නාගොල්ලාගොඩ මහා විද්යාලයෙන් සහ කොළඹ නාලන්දා විද්යාලයෙන් පාසල් අධ්යාපනය ලැබ මොරටුව විශ්වවිද්යාලයෙන් ගෘහ නිර්මාණ ශිල්පය පිළිබඳ විද්යාවේදී සහ විද්යාපති උපාධිය ලබමින් වරලත් වාස්තු විද්යාඥයෙක් ලෙස සිය වෘත්තීය ජීවිතයට මුල පුරා ඇත. එක්සත් රාජධානියේ යෝක් විශ්වවිද්යාලයෙන් පුරාවිද්යාව/උරුම කළමනාකරණය පිළිබඳ ශාස්ත්රපති උපාධිය ද, අමෙරිකා එක්සත් ජනපදයේ කානගී මෙලන් විශ්වවිද්යාලයෙන් ඉතිහාසය/සංරක්ෂණය පිළිබඳ තවත් ශාස්ත්රපති උපාධියක් ද හිමි කරගන්නා ආචාර්ය විජේසූරිය මහතා "පුරාණ ශ්රී ලංකාවේ භාවනාරාම" පිළිබඳ පර්යේෂණ නිබන්ධනය ඉදිරිපත් කරමින් සිය ආචාර්ය උපාධිය හිමි කරගෙන ඇත්තේ නෙදර්ලන්තයේ ලයිඩන් විශ්වවිද්යාලයෙනි.
ශ්රී ලංකා සංස්කෘතික ත්රිකෝණයේ ආරම්භක ව්යාපෘති කළමනාකරුවෙක් ලෙස පුරාවිද්යා ක්ෂේත්රයට එකතු වන විජේසූරිය මහතා නියෝජ්ය කොමසාරිස් (වාස්තුවිද්යා) හා අධ්යක්ෂ (වාස්තුවිද්යා සංරක්ෂණ) ලෙස වසර 18ක කාලයක් පුරාවිද්යා දෙපාර්තමේන්තුවෙි සේවය කරමින් ICCROM කාර්ය මණ්ඩලයට එක්ව ඇත්තේ එහි සේවයට එක් වන පළමු ආසියාතික වෘත්තිකයා ලෙසිනි.
පුරාවිද්යා අධ්යක්ෂ ජනරාල් මහාචාර්ය අනුර මනතුංග, මධ්යම සංස්කෘතික අරමුදලේ අධ්යක්ෂ ජනරාල් මහාචාර්ය
පුරාවිද්යාඥ ගාමිණී රණසිංහ, ශ්රී ලංකා වාස්තු විද්යාඥයින්ගේ ආයතනයේ වාස්තු විද්යාඥ රසල් දන්දෙනිය, ශ්රී ලංකා ICOMOS ආයතනයේ නියෝජ්ය සභාපති ආචාර්ය බී.ඩී. නන්දදේව මහත්වරුන් වෙත ද මෙහි දී තිළිණ ප්රදානය කෙරිණි.
මෙම උපහාර පිදීමේ උත්සව අවස්ථාවට රාජ්ය අමාත්යවරු වන විදුර වික්රමනායක, ලොහාන් රත්වත්තේ, ඉතාලි තානාපතිනි රීටා ජුලියානා මැනෙල්ලා (Rita Giuliana Mannella), අග්රාමාත්ය ලේකම් අනුර දිසානායක, බුද්ධශාසන ආගමික හා සංස්කෘතික කටයුතු අමාත්යාංශ ලේකම් මහාචාර්ය කපිල ගුණවර්ධන, ජාතික උරුම, ප්රාසාංග කලා හා ග්රාමීය කලා ශිල්පී ප්රවර්ධන කටයුතු රාජ්ය අමාත්යාංශ ලේකම් නිශාන්ති ජයසිංහ, අග්රාමාත්ය අතිරේක ලේකම් මහින්ද ගුණරත්න, පුරාවිද්යා අධ්යක්ෂ ජනරාල් මහාචාර්ය අනුර මනතුංග, මධ්යම සංස්කෘතික අරමුදලේ අධ්යක්ෂ ජනරාල් මහාචාර්ය පුරාවිද්යාඥ ගාමිණී රණසිංහ, ශ්රී ලංකා ICOMOS ආයතනයේ නියෝජ්ය සභාපති ආචාර්ය බී.ඩී. නන්දදේව, පුරාවිද්යා අධ්යන දෙපාර්තමේන්තුවේ අතිරේක අධ්යක්ෂ පුරාවිද්යාඥ ප්රසන්න බී. රත්නායක, ශ්රී ලංකා වාස්තු විද්යාඥයින්ගේ ආයතනයේ වාස්තු විද්යාඥ රසල් දන්දෙනිය යන මහත්ම මහත්මීහු ද සහභාගි වූහ.

මුතුරාජවෙළ තෙත්බිම සංරක්ෂණය සඳහා රජය විසින් ආරම්භ කර ඇති සංරක්ෂණ වැඩ පිළිවෙළට පරිසර අමාත්‍යාංශය විසින් මෙම වසර සඳහා රුපියල් මිලියන 100ක් ලබා දීමට තීරණය කළ බව පරිසර අමාත්‍ය මහින්ද අමරවීර මහතා පවසයි.

හෙක්ටෙයාර් 6236කින් සමන්විත මුතුරාජවෙළ තෙත් බිම හෙක්ටෙයාර් 3168ක් මීගමුව කළපුව දක්වාත්, හෙක්ටෙයාර් 3068ක් වගුරුබිමකින් ද සමන්විතය. මුතුරාජවෙළ තෙත්බිම බොහෝ දෙනෙක් කොළඹ ජනතාවගේ පෙණහැල්ල ලෙස හදුන්වති. එයට හේතුව මෙම තෙත්බිම මගින් කොළඹ නගරයේ වායුදූෂණය අවම කිරීමට ලබා දෙන දායකත්වය මෙන්ම කොළඹ දිස්ත්‍රික්කයේ භූගත ජල ස්ථරය පෙරීමට ලක් කරන පෙරහණක් වශයෙන් ද කටයුතු කරන නිසාය.

දශක කිහිපයක් තිස්සේ නොයෙක් මානව ක්‍රියාකාරකම් හේතුවෙන් මුතුරාජවෙළ තෙත්බිම දූෂණයට හා විනාශයට ලක්විය. මේ සම්බන්ධව පරිසර අමාත්‍ය මහින්ද අමරවීර මහතා මුතුරාජවෙළට ගොස් ඒ සම්බන්ධව පුද්ගලිකවම කරුණු සොයා බැලීය.එහිදී මුතුරාජවෙළ දූෂණයට ලක් කළ ඇතැම් කර්මාන්තශාලාවල පරිසර බලපත්‍ර පවා තහනම් කරනු ලැබීය. කෙසේ වුවද එහි ප්‍රතිපලයක් වශයෙන් මුතුරාජවෙළ පාරිසරික සංවේදී කලාපයක් ලෙස සංරක්ෂණය කිරීමට රජය තීරණය කළේය.

මෙම සංරක්ෂණ කටයුතු නාගරික සංවර්ධන අධිකාරියේ පූර්ණ අධීක්ෂණය යටතේ සිදු කරනු ලබයි. මුතුරාජවෙළ සංරක්ෂණ කටයුතු සඳහා ඒකාබද්ධ කමිටුවක් පවා පත් කිරීමට රාජ්‍ය ගිණුම්කාරක සභාව විසින් පියවර ගත්තේය.

පරිසර අමාත්‍යාංශයට අයවැය මගින් ලබා දී ඇති රුපියල් මිලියන 2000න් රුපියල් මිලියන 100ක් මුතුරාජවෙල තෙත්බිම සංරක්ෂණ කටයුතු වෙනුවෙන් 2022 වසර සඳහා ලබා දීමට තීරණය කර තිබේ.

ශ්‍රී ලංකා ගුවන් විදුලි සංස්ථාවේ රේඩියෝ දඹාන ප්‍රජා ගුවන් විදුලිය අද සිය 12 වැනි සංවත්සරය සමරයි. සංස්ථාවේ වත්මන් සභාපති හඩ්සන් සමරසිංහ මහතාගේ සංකල්පයකට අනුව 2010 පෙබරවාරි 22 වැනිදා එම සේවය ආරම්භ කෙරිණි. ආදිවාසින්ගේ සම්ප්‍රදායට අනුව එහි ඉදිකළ නව ගුවන් විදුලි මැදිරිය 2016 පෙබරවාරි 11 වැනිදා විවෘත කෙරිණි. එෆ් එම් තරංග මාලා 97 යි දශම 6 ඔස්සේ දඹාන රේඩියෝ වැඩසටහන් ප්‍රචාරය කෙරේ. ආදිවාසී ජනතාවට තමන්ගේම භාෂාවෙන් ජනමාධ්‍යයක් පිහිටුවීමට ඇති අයිතිය සම්බන්ධයෙන් 2017 සැප්තැම්බර් 13 වැනිදා එක්සත් ජාතීන්ගේ මහා මණ්ඩලයේ දී සම්මත වු යෝජනාව ශ්‍රිී ලංකා ගුවන් විදුලි සංස්ථාව තහවුරු කිරීමක් ලෙස මෙම සේවය ආරම්භ කිරීම සැලකේ. ලක්ෂ 5 ක් පමණ වන ආදිවාසී ජනතාවගේ සන්නිවේදන අවශ්‍යතා ඉටු කිරීම දඹාන රේඩියෝවේ අරමුණයි.

නවතම පුවත්

ධම්මික පෙරේරා ආයෝජන ප්‍රවර්ධන අමාත්‍ය ධුරයේ දිවුරුම් දෙයි

ජූනි 24, 2022
පාර්ලිමේන්තු මන්ත්‍රී ධම්මික පෙරේරා මහතා ආයෝජන ප්‍රවර්ධන අමාත්‍ය ධුරයේ දිවුරුම් දෙයි.…

වාකරේ ගොවි බිම් නිරීක්ෂණයට

ජූනි 22, 2022
කෘෂිකර්ම අමාත්‍යංශය යටතේ ක්‍රියාත්මක කෘෂි ක්ෂේත්‍ර නව්‍යකරණ ව්‍යාපෘතිය මගින් ක්‍රියාවට…

අගමැති සහ චීනයේ නියෝජ්‍ය තානාපති අතර සාකච්ඡාවක්

ජූනි 22, 2022
අග්‍රාමාත්‍ය රනිල් වික්‍රමසිංහ මහතා සහා චීනයේ නියෝජ්‍ය තානාපති Hu Wei මහතා අතර 21 උදෑසන…

ඉන්ධන හිගය හේතුවෙන් අද සිට පොදු ප්‍රවාහන සැලැස්මක්

ජූනි 15, 2022
ඉන්ධන හිගය හමුවේ ආර්ථිකය සහ ජනජීවිතය අඩාල නොවී පවත්වාගෙන යාම අරමුණු කර අද සිට පොදු…

පොසොන් පොහෝය දින පණිවිඩය -  ජනපති

ජූනි 15, 2022
නව අරුත් සහිත අනන්‍යතාවක් සේ ම සංස්කෘතික ප්‍රබෝධයක් ඇති කළ, මහින්දාගමනය සිදු වූ පොසොන්…

පොසොන් පොහෝය දින පණිවිඩය -  අග්‍රාමාත්‍ය 

ජූනි 14, 2022
පොසොන් පොහෝ දිනය ශ්‍රී ලාංකික ජාතික සංස්කෘතියේ සමාරම්භක දිනය ලෙස චිරාගතව ශ්‍රී ලාංකික…

රාජ්‍ය මාධ්‍ය ආයතන සදහා නව ප්‍රධානීන් පත් කරයි...

ජූනි 13, 2022
රාජ්‍ය මාධ්‍ය ආයතන සදහා නව සභාපතිවරුන් පුමුඛ අධ්‍යක්ෂ මණ්ඩල සමාජිකයන් පත්කර තිබේ .…

වරාය නගර ව්‍යාපෘතියට විදේශ ආයෝජන ආකර්ෂණය සඳහා සුවිශේෂී බදු සහන

ජූනි 07, 2022
වරාය නගර ව්‍යාපෘතිය සඳහා විදේශ ආයෝජන ආකර්ෂණය කරගැනීම සඳහා සුවිශේෂී බදු සහන වර්ෂ 40ක…

පාර්ලිමේන්තු ලේඛන මෘදු පිටපත් ලෙස පමණක් ප්‍රකාශයට පත් කිරීමට තීරණයක්

ජූනි 07, 2022
පාර්ලිමේන්තුවට ඉදිරිපත් කරනු ලබන මුද්‍රිත වාර්ෂික වාර්තා ඇතුළු ලේඛන මෘදු පිටපත් ලෙස පමණක්…

අමාත්‍ය මණ්ඩල තීරණ- 2022-06-06

ජූනි 07, 2022
අමාත්‍ය මණ්ඩල තීරණ- 2022-06-06

logo20190228 1

163, ඇසිදිසි මැඳුර, කිරුළපන මාවත, පොල්හේන්ගොඩ, කොළඹ 05

011-2513 459, 011-2513 460,
011-2512 321, 011-2513 498

info@media.gov.lk
facebook
twitter